الحلقة العاشرة
من جهة اخرى كانت امنة قاتلة روحها بالقراية باش متخممش في مشاكلها مع بلال لي كل يوم كانت تكبر بيناتهم وصلو نقطة عدم التفاهم امنة قدمت بزاف تنازلات علا جالو اما هو مفهمهاش و وقف ضد طموحها واحلامها اسيا تروح تلعب سبور كل عشية وامنة تقعد تقرا ولا راقدة هادا العام التالت في ف لافاك كانت اسيا تلعب مع البنات ويجريو ويضحكو في الملعب اسيا ومباعد راحت دوشت وطلعت للشمبرا امنة كانت تشوف صاحبتها عينيها ولات تلمع من نهار لي تعرفت على امين وقلبها دق كانت تتمنى انو يكون انسان مليح وماتعانيش معاه كيما راهي تعاني هي .
اسيا واقفة في البالكون تشوف مع السما والشتا طيح وخلات القهوة تطلع كانت تحب القهوة ههههههه كانت لابسة شورت دجين وبودي كحل خارجة فيهم تقتل حتى البنات كانو يغيرو منها ههههه شحال مغيارين امنة :هيا نخرجو برا نشمو هوا اي حبست الشتا فديت من القعاد في الشمبرا .اسيا: اوك وانا تاني .خرجو يتمهبلو يروحو ويجيو في الملعب ومباعد طلعو في بلاصة عالية وقعدو وفتحو فيديو وقعدو يهدرو كي المهابل امنة :اسيا احكيلي على طموحك واش ديري في حياتك .اسيا : نحب نوصل للهدف ديالي ونلقى الانسان لي كنتمنى قصت عليها امنة : ههههه اسكت حنا منتزوجوش حنا نبقاو كيف كيف .وقعدو يضحكو شوية بدا الثلج يصب هزت اسيا راسها للسما وبقاو يستمتعو بهاديك الللحظة وبعدها صونا التيليفون .امنة :امم حبيب القلب توحشك .اسيا :ايه توحشني وانا تاني حبيت نسمع صوتو
اسيا :الو ,امين : بنسواغ شيري شحال توحشت صوتك الحنين يا عمري
اسيا :وانا اتاني توحشت صوتك وتوحشت نشوفك ,امين كان عندو جسم قوي طول قامة ابيض عينيه خضر شعر شاتان من النوع لي تحب اسيا كان يحب ديما يلبس اللون الاسود وكان يليق بيه
امين :غدوة باش نتلاقاو في البلاصة ديالنا ،اسيا :وهي فرحانة وي غدوة العشية ،امين :ايه العشية اكي تعرفي نقدر نخرج غير العشية من الخدمة ( امين كان يخدم في الامن )
كانت متكية على الفرش ديالها تحلم بشوفتو غدوة حتى رقدت
الحلقة الحادية عشر
كانت توجد في روحها ,امين هيا مطوليش ,اسيا :خلاص انى هابطة متقلقش ,امين :نتوما لبنات تقعدو ساعة باش تلبسو وساعة للماكياج وساعة في المراية ههههههه .كان لابس سروال دجين زرق وفاست كوير نوار يا يما كيفاش يخرج عليه النوار كان عاطي بظهر حتى وقفت موراه عيطتلو بلعقل بونسواغ امين دار لعندها بهراتو كانت لابسة سروال نوار وبوتس وكانت لابسة فاست صوف هايلة وبوني كانت خارجة تقتل وكان تلج يصب خفيف وهي كانت تعشق اللون الاسود عليه قاتلو بلا متفيق الاسود يليق بك كيما في الرواية ديال احلام مستغانمي وهو ابتسم عجباتو العبارة ديالها طبعلها بوسة سلم عليها وباسلها خدودها لي مزينين بالنمش لي كان يعشق فيهم وحط يدو في يدها وراحو قعدو في بلاصتهم المعتادة يحكيو عينيهم متتناحاش من بعضاهم كان عندها عينين تسحر اي واحد يشوفها عينيها الملونة لي كل مرة تعطيك لون مختلف امين :نحبك اسيا ,هادي لكلمة ذوبتها طيرتها في عالم مختلف كانت تسمعها بزاف لكن عمرها ماحست بيها قربها ليه كتر حاوطها بيدو وحط يدو تاني على رقبتها وجبدها ليه كتر ماعادش قادر يصبر عليها كتر وهو وجهو حمار طمطومة وهي خايفة وترعش مزال ماش مستعدة لاي حاجة ديجا عمرها مقرب ليها بشر حاسة بانفاسو لي قاعدة تستنشق فيها هبل عليها امين :ماعادش فيا اسيا مانيش قادر نصبر عليك كتر ( هي كانت ارزن منو في الامور هادي ) حبها ليه ماكان في حسبانها الانسان هادا لي اعترض طريقها في يوم من الايام راح يكون جزء من حياتها .جبد روحو عليها وخلاها تتنفس بقوة ماكانش عندها خبرة في الامور هادي وهو هذي النقطة لي حمساتو كتر وكتر ومرر يدو على جسمها يتحسس فيها وقرب باش يبوسها وهنا هي جبدت روحها خافت ماكانتش مستعدة لحاجة خلاف كانت خايف شاف رعبتها حاول يطمنها بلي هو يحبها ...
رجعت للشمبرا ديالها لقات امينة تحكي مع حبيبها وهي كانت دايخة في عالم اخر طايرة في السما ....امينة :نحن هنا واش صحبتي الووووو ههههه .اسيا :ههههه وي امينة :هيا احكي واش صرا باينة حاجة مختلفة ( امينة بحكم خبرتها فاقت بصاحبتها بلي امين بدا يأثر عليها ويجبدها ليه كتر ,امين قال لاسيا بلي هو حكا ليماه عليها وهدا الحاجة فرحتها بزاف
أنت تقرأ
كرونيك بعنوان:<< انتي كل نساء الكون>>💖اسيا&فؤاد💖
Fanfictionمنقولة### باللهجة الجزائرية 🇩🇿🇩🇿🇩🇿 اروع ما في حبنا أنه ليس له عقل ولا منطق❤❤❤و اجمل ما في حبنا أنه يمشي على الماء ولا يغرق.... جبتلكم كرونيك جديدة وحقيقة والاجمل فيها انها دزيرية قمة في المتعة والاثارة والابداع❤ بعنوان > بطولة >
