ﺍﻟﺘﺎﺳﻌﺔ ﻭﺍﻟﺜﻼﺛﻮﻥ
ﺭﺍﺣﺖ ﺗﺠﺮﻱ ﺣﻀﻨﺖ ﻳﻤﺎﻫﺎ ﻗﻌﺪﻭ ﻣﺘﻌﺎﻧﻘﻴﻦ ﺗﻮﺣﺸﻮ ﺑﻌﻀﻬﻢ ﺑﺰﺍﻑ ﻭﻓﺎﻃﻤﺔ ﻣﺸﻬﺎ ﻣﺼﺪﻗﺔ ﺍﻟﻠﻲ ﺷﺎﻓﺖ ﺑﻨﺘﻬﺎ ﺑﻌﺪ ﻏﻴﺎﺏ .. ﺑﻌﺪ 5 ﺳﺎﻋﺎﺕ ﺧﺮﺝ ﻣﻦ ﻏﺮﻓﺔ ﺍﻟﻌﻤﻠﻴﺎﺕ ﺧﺮﺝ ﺍﻟﻄﺒﻴﺐ ﻭﻃﻤﻨﻬﻢ ﺑﻨﺠﺎﺡ ﺍﻟﻌﻤﻠﻴﺔ ﺗﻨﻔﺴﻮ ﻭﻃﻤﻨﻮ ﻧﻘﻠﻮﻩ ﻟﻠﻐﺮﻓﺔ ﺩﻳﺎﻟﻮ ﺣﺘﻰ ﻳﻔﻴﻖ ﻣﻦ ﻻﻧﺎﺳﺘﻴﺰﻱ ..
ﺑﻌﺪ ﺍﺳﺒﻮﻉ .... ﻋﻤﻲ ﺍﺣﻤﺪ ﺣﺎﻟﺘﻮ ﺗﺤﺴﻨﺖ ﺑﻌﺪ ﺍﻟﻌﻤﻠﻴﺔ ﻭﺧﺮﺝ ﻣﻦ ﺍﻟﻤﺸﻔﻰ ﺍﺳﻴﺎ ﻣﻔﺎﺭﻗﺎﺗﻮﺵ ﺩﻗﻴﻘﺔ ﻛﺎﻥ ﻫﻤﻬﺎ ﻳﺮﺗﺎﺡ ﺑﺎﺑﺎﻫﺎ ﻭﻳﺮﺟﻊ ﺑﺨﻴﺮ
ﺷﺤﺎﻝ ﺗﻮﺣﺸﺖ ﺍﻟﺸﻤﺒﺮﺍ ﺩﻳﺎﻟﻬﺎ ﻓﺮﺍﺷﻬﺎ ﺧﺎﻭﺗﻬﺎ ﺭﻳﻬﺎﻡ ﻭﺍﻟﻴﺪ ﻋﺼﺎﻡ ﺍﻟﻠﻲ ﻛﺒﺮﻭ ﺷﻮﻳﺔ ﻓﻲ ﻏﻴﺎﺑﻬﺎ ﺗﻮﺣﺸﺖ ﻟﺤﻮﻣﺔ ﻫﻮﺍ ﻟﺒﻼﺩ ﻭﺑﻼﺻﺘﻬﺎ ﺍﻟﻠﻲ ﺗﺤﺐ ﺗﻘﻌﺪ ﻓﻴﻬﺎ ﺩﻳﻤﺎ ﺗﻮﺣﺸﺖ ﻗﻌﺪﺍﺗﻬﺎ ﻣﻊ ﺍﻣﻨﺔ ﻭﻳﺎﻣﺎﺕ ﺍﻟﻘﺮﺍﻳﺔ ﻭﺍﻟﺘﻤﻬﺒﻴﻞ ﻣﻊ ﺑﻌﺾ ﻧﺎﺿﺖ ﺍﻟﺼﺒﺎﺡ ﻋﻴﻄﺖ ﻻﻣﻨﺔ ﺑﺎﺵ ﻳﺘﻼﻗﺎﻭ ﻓﻲ ﺍﻟﻜﺎﻓﻴﺘﻴﺮﻳﺎ ﻛﻴﻒ ﺩﻳﻤﺎ ﻛﺎﻧﻮ ﻳﺘﻘﺎﺑﻠﻮ ﺣﻀﺮﺕ ﺭﻭﺣﻬﺎ ﻟﺒﺴﺖ ﺳﺮﻭﺍﻝ ﺩﺟﻴﻦ ﻭﻟﻴﻜﺎﺕ ﺑﺎﺝ ﻗﺼﻴﺮﺓ ﻭﺻﻨﺪﺍﻟﺔ ﻭﺭﺍﺣﺖ ﻭﻳﻦ ﻟﻜﺎﻓﻴﺘﻴﺮﻳﺎ ﻗﻌﺪﺕ ﻣﻘﺎﺑﻠﺔ ﻟﺒﺤﺮ ﻛﺎﻥ ﻟﺠﻮ ﺭﺑﻴﻊ ﻭﺍﻟﻨﺴﻤﺔ ﻣﻠﻴﺤﺔ 10 ﺩﻗﺎﻳﻘﺔ ﻭﻟﺤﻘﺖ ﺍﻣﻨﺔ ﺳﻠﻤﻮ ﻋﻠﻰ ﺑﻌﺾ ﻭﻗﻌﺪﻭ
ﺍﻣﻨﺔ : ﺳﺎﻓﺎ ﺣﺒﻴﺒﺔ ﻋﻤﻲ ﺍﺣﻤﺪ ﻭﺷﺮﺍﻫﻮ
ﺍﺳﻴﺎ : ﻻﺑﺎﺱ ﻛﻞ ﻳﻮﻡ ﻳﺘﺤﺴﻦ ﻭﺍﻟﻠﻪ ﺗﻮﺣﺸﺖ ﺍﻟﻘﻌﺪﺓ ﻫﺬﻯ ﻣﻜﻨﺘﺶ ﻧﺘﺼﻮﺭ ﺭﺍﺡ ﻧﺮﺟﻊ ﻧﻘﻌﺪﻭ ﻫﻨﺎ ﻣﻴﺮﺳﻲ ﺍﻣﻨﺔ ﻋﻠﻰ ﻛﻞ ﺷﻲ ﻭﻗﻔﺘﻲ ﺍﻧﺘﻲ ﻭﻓﺆﺍﺩ ﻣﻊ ﻳﻤﺎ ﻓﻲ ﻏﻴﺎﺑﻲ
ﺍﻣﻨﺔ : ﻧﻦ ﺭﺍﻛﻲ ﺧﺘﻲ ﻭﻣﺎﺑﻴﻨﺎﺗﻨﺎﺵ ﻣﻴﺮﺳﻲ , ﻧﻠﻘﺎﻭ ﻏﻴﺮ ﺑﻌﻀﻨﺎ
ﺍﺳﻴﺎ : ﺍﻳﻪ ﺍﺣﻜﻴﻠﻲ ﻭﺍﺵ ﺻﺮﺍ ﻓﻲ ﻏﻴﺎﺑﻲ ﻛﺎﻥ ﺑﺎﻟﻲ ﻋﻨﺪﻙ
ﺍﻣﻨﺔ : ﺗﻨﻬﺪﺕ .. ﻛﻞ ﺷﻲ ﺧﻼﺹ ﺑﻴﻨﻲ ﻭﺑﻴﻨو
ﺍﺳﻴﺎ : ﻛﺎﻥ ﺑﻴﻨﺎﺗﻜﻢ ﺣﺐ ﻛﺒﻴﺮ
ﺍﻣﻨﺔ : ﻭﻫﻮ ﺧﺎﻥ ﺍﻟﺤﺐ ﻫﺬﺍ ﻛﺎﻥ ﻋﻨﺪﻙ ﺣﻖ ﻣﻦ ﻟﻮﻝ ﻫﻮ ﺍﻧﺴﺎﻥ ﺍﻧﺎﻧﻲ ﺧﻤﻢ ﻏﻴﺮ ﻓﻲ ﺭﻭﺣﻮ ﺍﻧﺎ ﺣﻄﻴﺖ ﻧﻬﺎﻳﺔ ﻟﻠﺤﺐ ﻫﺬﺍ ﻗﻠﺒﻲ ﺑﺮﺩ ﻋﻠﻴﻪ
ﺍﺳﻴﺎ : ﺍﻧﺖ ﻭﻗﻔﺘﻲ ﻣﻌﺎﻩ ﻓﻲ ﺍﺻﻌﺐ ﺍﻟﻠﺤﻈﺎﺕ ﻭﺣﺒﻴﺘﻴﻪ ﺍﻣﺎ ﻫﻮ ﻣﻘﺪﺭﺵ ﻗﻴﻤﺘﻚ ﺣﺘﻰ ﻟﻮ ﺍﺭﺗﺒﻂ ﺑﺎﻧﺴﺎﻧﺔ ﺧﻼﻑ ﺻﺪﻗﻴﻨﻲ ﺭﺍﺡ ﻳﺠﻲ ﺍﻟﻨﻬﺎﺭ ﻭﻳﻨﺪﻡ ( ﺗﺤﻜﻲ ﻭﻗﻠﺒﻬﺎ ﻭﺍﺟﻌﻬﺎ ﻋﻠﻰ ﺻﺎﺣﺒﺘﻬﺎ )
ﺍﻣﻨﺔ : ﺍﻟﻠﻲ ﻛﻴﻔﻮ ﻣﻴﻘﺪﺭﺵ ﻗﻴﻤﺔ ﺍﻟﻠﻲ ﺑﻴﻦ ﻳﺪﻳﻪ ﺧﻠﻴﻨﺎ ﻣﻨﻮ ﺍﺣﻜﻴﻠﻲ ﻋﻠﻴﻚ ﻭﻋﻠﻰ ﻓﺆﺍﺩ
ﺍﺳﻴﺎ : ﺧﺪﻭﺩﻫﺎ ﺣﻤﺎﺭﻭ ﻃﻤﻄﻮﻣﺔ ﻭﻋﻴﻨﻴﻬﺎ ﻟﻤﻌﺖ
ﺍﻣﻨﺔ : ﺷﻮﻑ ﺟﺒﺪﻧﺎ ﺳﻴﺮﺓ ﻓﺆﺍﺩ ﻋﻴﻨﻴﻚ ﻟﻤﻌﻮ ﺑﻼ ﻣﺘﺤﻜﻲ ﻛﻞ ﺷﻲ ﻭﺍﺿﺢ ﻓﺆﺍﺩ ﺣﺒﻚ ﻣﻦ ﻧﻬﺎﺭ ﺍﻟﻠﻲ ﻋﺮﻓﻚ
ﺍﺳﻴﺎ : ﻛﻨﺖ ﺗﻌﺮﻓﻲ ﻭﻣﻘﻠﺘﻴﻠﻴﺶ ؟؟
ﺍﻣﻨﺔ : ﻳﺎ ﺣﻤﺎﺭﺓ ﺍﻟﻨﺎﺱ ﻛﺎﻣﻞ ﻛﺎﻧﺖ ﺗﻌﺮﻑ ﻏﻴﺮﻙ ﻧﺘﻲ .. ﻓﺆﺍﺩ ﺭﺍﺟﻞ ﺑﻤﻌﻨﻰ ﺍﻟﻜﻠﻤﺔ ﻫﻮ ﻣﺎﺣﺒﺶ ﻳﺼﺎﺭﺣﻚ ﻛﺎﻥ ﺣﺎﺑﻚ ﺗﺤﺴﻲ ﺑﻮﺟﻮﺩﻭ ﻛﺎﻥ ﺣﺎﺏ ﻳﺜﺒﺘﻠﻚ ﻣﺶ ﻳﻬﺪﺭﻟﻚ ﻭﻋﺪﺗﻮ ﻣﻨﻘﻮﻟﻜﺶ ﺍﻣﺎ ﻫﻮ ﻛﺎﻥ ﻣﺘﺎﻛﺪ ﺭﺍﺡ ﻳﻤﻠﻚ ﻗﻠﺒﻚ ﻣﻜﻨﺘﻴﺶ ﻣﺴﺘﻌﺪﺓ ﻓﻲ ﺍﻟﻮﻗﺖ ﻫﺬﺍﻙ
ﺍﺳﻴﺎ : ﻫﻮ ﻋﺮﻑ ﻛﻴﻔﺎﺵ ﻳﺘﺼﺮﻑ ﻣﻨﻌﺮﻑ ﻛﻴﻔﺎﺵ ﻭﻗﺘﺎﺵ ﺣﺒﻴﺘﻮ ﺍﻣﺎ ﻧﻌﺮﻑ ﺑﻠﻲ ﻧﺤﺒﻮ ﺧﻼﻧﻲ ﻧﻮﺛﻖ ﻓﻴﻪ ﻣﻜﻨﺘﺶ ﻧﻈﻦ ﻳﺠﻲ ﻧﻬﺎﺭ ﻧﺮﺟﻊ ﺛﻴﻘﺘﻲ ﻓﻲ ﺭﺍﺟﻞ ﺑﻌﺪ ﺍﻟﻠﻲ ﺻﺎﺭ ﻣﻌﺎﻳﺎ ﺍﻟﻜﻞ
ﺟﻮﺯﻭ ﻧﻬﺎﺭ ﻫﺎﻳﻞ ﺭﺟﻌﻮ ﺫﻛﺮﻳﺎﺗﻬﻢ ﻣﻊ ﺑﻌﺾ ﺍﺳﻴﺎ ﻛﺎﻧﺖ ﺑﺰﺍﻑ ﻓﺮﺣﺎﻧﺔ ﺍﻟﻠﻲ ﺑﺎﺑﺎﻫﺎ ﺭﺟﻊ ﺑﺨﻴﺮ ﺍﻣﺎ ﻣﺰﺍﻟﺖ ﻣﻘﻠﻘﺔ ﻋﻠﻴﻪ .ﻭﺻﻠﻬﺎ ﻟﻠﺪﺍﺭ ﻟﻌﺸﻴﺔ ﻛﺎﻧﺖ ﺣﺎﺑﺔ ﺗﻘﻌﺪ ﻣﻌﺎﻩ ﻛﺘﺮ ﻭﻫﻮ ﺗﺎﻧﻲ ﺍﻣﺎ ﻻﻏﺎﻟﺐ ﻻﺯﻡ ﺗﺮﺟﻊ ﻟﻠﺪﺍﺭ ﻭﻗﻒ ﺍﻟﻄﻮﻣﻮﺑﻴﻞ ﻗﺪﺍﻡ ﺍﻟﺪﺍﺭ ﻓﺘﺤﺖ ﺍﻟﺒﺎﺏ ﺑﺎﺵ ﺗﻬﺒﻂ ﺣﻜﻤﻬﺎ ﻣﻦ ﻳﺪﻫﺎ ﻗﺮﺑﻬﺎ ﻟﻴﻪ ﻃﺒﻊ ﺑﻮﺳﺔ ﻋﻠﻰ ﺟﺒﻴﻨﻬﺎ
ﻓﺆﺍﺩ : ﻧﺤﺒﻚ ﻗﻄﻮﺳﺘﻲ
ﺍﺳﻴﺎ : ﻭﺍﻧﺎ ﺗﺎﻧﻲ ﻳﺎ ﺭﻭﺣﻲ ,,,,, ﺩﺧﻠﺖ ﻟﻠﺪﺍﺭ ﻓﺎﺗﺖ ﻟﻠﺸﻤﺒﺮﺓ ﺩﻳﺎﻟﻬﺎ ﺩﺍﺭﺕ ﺩﻭﺵ ﺧﻔﻴﻒ ﻭﻟﺒﺴﺖ ﺑﻴﺠﺎﻣﺎ ﻭﻣﺸﺎﺕ ﻟﺒﺎﺑﺎﻫﺎ ﻓﻲ ﺍﻟﺼﺎﻟﻮﻥ ﺗﻄﻤﻦ ﻋﻠﻴﻪ ﻣﻦ ﻧﻬﺎﺭ ﺍﻟﻠﻲ ﺧﺮﺝ ﻣﻦ ﺍﻟﺴﺒﻴﻄﺎﺭ ﻧﺒﻪ ﻋﻠﻴﻬﻢ ﺍﻟﻄﺒﻴﺐ ﺍﻧﻮ ﻳﺮﻳﺢ ﻭﻣﺎﻳﺘﻘﻠﻘﺶ , ﺭﻳﻬﺎﻡ ﻫﺬﺍ ﺍﻟﻌﺎﻡ ﺗﺠﻮﺯ ﺍﻟﺒﺎﻙ ﻛﺎﻧﺖ ﻣﻊ ﺍﻟﻘﺮﺍﻳﺔ ﺍﻣﺎ ﻭﻟﻴﺪ ﻭﻋﺼﺎﻡ ﻣﺰﺍﻟﻮ ﺻﻐﺎﺭ ﻓﻲ ﺍﻻﺑﺘﺪﺍﺋﻲ ...
ﺍﺳﻴﺎ ﻛﺎﻧﺖ ﺣﺎﺳﺔ ﺑﻴﻤﺎﻫﺎ ﺍﻟﻠﻲ ﻛﺎﻧﺖ ﺗﺨﺒﻲ ﻓﻲ ﻗﻠﺒﻬﺎ ﺍﻣﺎ ﻣﺘﺤﻜﻴﺶ ﻛﺎﻧﺖ ﻗﺎﻋﺪﺓ ﻣﻊ ﻓﺎﻃﻤﺔ ﻓﻲ ﺍﻟﻜﻮﺯﻳﻨﺔ ﺍﻟﻤﻜﺎﻥ ﺍﻟﻤﻔﻀﻞ ﻃﺒﻌﺎ ﻫﻬﻬﻪ ﻓﺎﻃﻤﺔ ﺭﻏﻢ ﺍﻟﻠﻲ ﻫﻲ ﻣﺮﺍ ﻗﻮﻳﺔ ﺭﺑﺎﺕ ﻭﻻﺩﻫﺎ ﺍﺣﺴﻦ ﺗﺮﺑﻴﺔ ﺍﻣﺎ ﻫﻲ ﺗﺎﻧﻲ ﺗﻌﺬﺑﺖ ﻓﻲ ﺣﻴﺎﺗﻬﺎ ﻋﺎﺷﺖ ﺑﻌﻴﺪﺓ ﻋﻠﻰ ﻳﻤﺎﻫﺎ ﺍﻟﺤﻘﺎﻧﻴﺔ ( ﺟﺪ ﺍﺳﻴﺎ ﻛﺎﻥ ﻣﺘﺰﻭﺝ ﻣﺮﺍ ﺗﺎﻧﻴﺔ ﻓﺮﻧﺴﻴﺔ ﺍﻟﻠﻲ ﻫﻲ ﻳﻤﺎﺓ ﻓﺎﻃﻤﺔ ﺑﻌﺪ ﻣﺎ ﺗﻮﻓﺖ ﻣﺮﺗﻮ ﺍﻟﻠﻮﻟﺔ ﻫﺎﺟﺮ ﻟﻔﺮﻧﺴﺎ ﻭﺗﺰﻭﺝ ﻳﻤﺎﺓ ﻓﺎﻃﻤﺔ ﻟﻜﻦ ﻣﺘﻔﺎﻫﻤﻮﺵ ﺟﺎﺏ ﺑﻨﺘﻮ ﻭﺭﺟﻊ ﻟﺪﺯﺍﻳﺮ ﻭﻋﺎﺷﺖ ﺑﻴﻦ ﺧﻮﺍﺗﻬﺎ ﺯﻭﺝ ﻟﻜﻦ ﻓﺎﻃﻤﺔ ﻣﺎﻗﻄﻌﺘﺶ ﺍﻟﺼﻠﺔ ﺑﻴﻤﺎﻫﺎ ﻛﺎﻧﺖ ﻋﻠﻰ ﺍﺗﺼﺎﻝ ﺑﻴﻤﺎﻫﺎ ﺑﻌﺪ ﻣﺎ ﺍﺧﺘﺎﺭﺕ ﻓﺎﻃﻤﺔ ﺗﻌﻴﺶ ﻓﻲ ﺩﺯﺍﻳﺮ ﻭﺗﺘﺰﻭﺝ ﺣﺒﻴﺒﻬﺎ ﺍﻟﻠﻲ ﻫﻮ ﻋﻤﻲ ﺍﺣﻤﺪ ﻭﻣﺘﺮﺟﻌﺶ ﻟﻔﺮﻧﺴﺎ ﻣﻊ ﻳﻤﺎﻫﺎ ) ﺣﺎﻭﻟﺖ ﻣﺘﺤﺮﻣﺶ ﺍﻭﻻﺩﻫﺎ ﻣﻦ ﺣﻨﺎﻥ ﺍﻻﻡ ﻛﻴﻤﺎ ﺗﺤﺮﻣﺖ ﻣﻨﻮ ﻫﻲ ..
ﺻﺒﺎﺡ ﻓﺎﻃﻤﺔ ﺑﻌﺪ ﻣﺎﻓﺎﺗﺖ ﺍﻟﻠﻴﻠﺔ ﺗﺼﻠﻲ ﻭﺗﺪﻋﻲ ﻣﺮﻗﺪﺗﺶ ﻫﺰﺕ ﺭﻭﺣﻬﺎ ﻣﺸﺎﺕ ﻟﻠﻤﺸﻔﻰ ﻓﺆﺍﺩ ﻭﺍﺳﻴﺎ ﻗﺎﻋﺪﻳﻦ ﻓﻲ ﻟﻜﺎﻓﻴﺘﻴﺮﻳﺎ ﺩﻳﺎﻝ ﺍﻟﻤﺸﻔﻰ ﻃﻠﺐ ﻗﻬﻮﺓ ﺭﺍﺳﻮ ﺑﺎﺵ ﻳﻄﺮﺷﻖ ﻋﻠﻴﻪ ﻣﺮﻗﺪﺵ ﻟﻴﻠﺔ ﻛﺎﻣﻠﺔ ﻛﺎﻧﺖ ﻟﻴﻠﺔ ﻛﻠﺒﺔ ﻋﻠﻴﻬﻢ ﺍﻣﺎ ﺍﺳﻴﺎ ﺍﻟﻠﻲ ﻣﺮﺿﺎﺗﺶ ﺗﺮﻳﺢ ﻭﺍﺣﺪ ﻣﺎ ﺭﻗﺪ ﻋﻤﻲ ﺍﺣﻤﺪ ﻛﺎ ﻳﺼﺎﺭﻉ ﻓﻲ ﺍﻟﻤﻮﺕ ﻟﺪﺍﺧﻞ ﺍﺳﻴﺎ ﻣﺎﺑﻴﺪﻫﺎ ﻭﺍﻟﻮ ﻏﻴﺮ ﺗﺴﺘﻨﻰ ﺑﻌﺪ ﺳﺎﻋﺔ ﻳﺪﺧﻞ ﻟﻠﻌﻤﻠية
أنت تقرأ
كرونيك بعنوان:<< انتي كل نساء الكون>>💖اسيا&فؤاد💖
Fanfictionمنقولة### باللهجة الجزائرية 🇩🇿🇩🇿🇩🇿 اروع ما في حبنا أنه ليس له عقل ولا منطق❤❤❤و اجمل ما في حبنا أنه يمشي على الماء ولا يغرق.... جبتلكم كرونيك جديدة وحقيقة والاجمل فيها انها دزيرية قمة في المتعة والاثارة والابداع❤ بعنوان > بطولة >
