الحلقة التاسعة عشر
قاعدين مع بعض يحكيو ويضحكو كلاو الحوت مشوي فؤاد يعرف اسيا تحبو فوتو نهار هايل سيرتو اسيا لي كانت مع فؤاد تحس بالامان وديما تضحك اما فؤاد كل مايشوف اسيا عينيه يلمعو امنة انتبهت ليه بحكم انها تعرفو مليح واللمعة لي في عينيه عمرها مع شافتها حتى مع وحدة من نهار لي تفارق مع حبيبتو كان كل دقيقة يسرق نظرة ويشوف معاها معرفش علاه كان يخمم فيها surtt كي تلاقاها ليوم وهي زادت حلات وزيانت امنة كانت تراقب في كل حركة يديرها امنة: احم احم ايه فؤاد مقتليش من وقتاش تعرفو بعضكم فؤاد +اسيا :مع بعض 4 سنين (ضحكو ) ,امنة :ييييييي هذا الوقت كامل وانا مافيبالي اسيا كانت ديما تحكيلي على صديقها م طلعت نتا فؤاد: مفاجأة شابة,,كملو نهار ديالهم وصلهم فؤاد يروحو حط امنة في الدار ومباعد وصل اسيا بزاف عجبها لحال وصلو للحومة ,اسيا : وصلنا فؤاد ,فؤاد محبش الطريق تكمل جات باش تسلم عليه قعد يشم ف ريحتها لي دوخاتو وزيد نظرة عينيها لي قتلاتو مفهمش علاش صرالو هكا حس مشاعرو كامل حرب داخلية حاب يحضنها يبوسها يخبيها عندو ماشي متهني عليها مع امين حسها بلي حزينة وهذا باين من عينيها هبطت من الطوموبيل اسيا :تصبح على خير فؤاد ,دخلت للدار راحت ديراكت طلقت روحها فوق السرير ديالها هزت التيليفون مالقات حتى appele من عند امين تقلقت وقررت تعيطلو كومبوزات النيمرو ديالو صونا شوية ومباعد كوبا ماشي عوايدو م عاودلها كانت قاعدة ناضت اسيا : ا..الو سافا , امين لاباس ونتي سافا ,,اسيا :وينك عمري ماسقسيتش قاع عليا ,,امين : يحكي ببرودة مانيش قاعد كان عندي خدمة ومقلق شوية , اسيا :ياك سافا احكيلي وش لي مقلقك ياك انا حبيبتك ,,امين :وي عمري نتي حياتي حبي ربي يخليك ليا راني تعبان شوية غدوة نحكيو اوك,,اسيا :اوك تصبح على خير ( قلبها مهناهاش ) بدلت حوايجها ورقدت مي ليلة هذي رقدت وهي تتبسم خاطر شافت فؤاد صديقها لي ديما يرجعلها لبسمة ديالها ,,فتح الباب ودخل دخل للدار رما روحو فوق الفوتاي وقعد يخمم في اسيا صورتها مابقاتش تتنحا من بالو نحا التريكو وراح يجري قفز في البيسين يغطس ويتخيل فيها في كان الما بارد فؤاد بزاف قعد يخمم في اسيا لي حركتلو مشاعرو وسكنتلو في مخو ,,,فاقت الصباح على صوت التيليفون هزت راسها عين مغمضة وعين مفتوحة شافت مع التيليفون فؤاد لي يعيط اسيا :الو .. بصوت مبحاح صباح الخير فؤاد ,,فؤاد :صباح الفل والياسمين تبانلي نوضتك ,,اسيا: وي بايت تحلم بيا وقيلا ههههههه ,,,فؤاد : وي باينة هذي ,,اسيا :يا واحد المصيبة هههههه معندكش كاش واحد تعيطلو كي تفطن من النوم ,,فؤاد :ههههه نن كي نوض صباح راسي يقولي عيط لاسيا ,,,اسيا : ههههه ريحت من هادو الشهر رجعت لعوايدك ,,فؤاد: مهبولة نوضي هيا حبيت نشوفك ليوم ,,,اسيا :اوك وهيا تتثاوب خليني نزيد نرقد خمس دقايق ,,,فؤاد: نن ماكانش رقاد هيا نوضي
أنت تقرأ
كرونيك بعنوان:<< انتي كل نساء الكون>>💖اسيا&فؤاد💖
Fanfictionمنقولة### باللهجة الجزائرية 🇩🇿🇩🇿🇩🇿 اروع ما في حبنا أنه ليس له عقل ولا منطق❤❤❤و اجمل ما في حبنا أنه يمشي على الماء ولا يغرق.... جبتلكم كرونيك جديدة وحقيقة والاجمل فيها انها دزيرية قمة في المتعة والاثارة والابداع❤ بعنوان > بطولة >
