- قرب الوقت باش نوصلوا
-وي مي راح خيالي مع السحاب وجازت في بالي حوايج بزاف فاتت في حياتي
- بصح حلم حياتك وهادا الهدف ديالك لي تعبتي باش توصلي ليه راهو تحقق قدام عينيك
نوضت نجري حتى صوت الرفاي مسمعتوش قريب فاتني الوقت يا ربي هادا اول نهار ليا في لافاك توضيت صليت وجدت روحي bienوكل دقيقة نضرب طلة في المراية ههههه ( لعفايس هادي مايفهما غير البنات ) شحال راني متحمسة psq راني داخلة مرحلة جديدة من حياتي ( اسيا بنت دزيرية بلوندا ما طويلة ما قصيرة لاتاي تقتل شعر ذهبي بوتي بيضا وفيها نمش عينين كبار كول مرة يعطيوك لون .اسيا من عايلة عادية هادا اول عام ليها في الجامعة بعد ما نجحت في الباك عندها طموح كبير وهي تبارك الله عندها مواهب بزاف وعلى شخصيتها ترسم خط احمر كل واحد يشوفها يحسها انسانة غامضة وتطرح بزاف تساؤلات عليها لانها كانت تمشي بثقة بشخصيتها القوية بصح ماكانتش نعرف روحها بلي هي بزاف شابة ومغرية ههههه ,مي هي عانات بزاف في الطفولة ديالها وهيا صغيرة كانت قوية وعندها قلب كبيروتخبي فيه بزاف وجاعها في ظاهرها تبان طفلة غامضة لكن في داخلها امراة مليانة طموح وارادة مي دوك راح تبدا حياة جديدة لافاك لي كانت تقرا فيها في ولاية وهي تسكن في ولاية خلاف يعني راح تبني شخصية مستقلة بعد ما كانت متفارقش حومتها لكن الرؤية ديالها كانت تتخطى الحدود ماوراء البحر
أنت تقرأ
كرونيك بعنوان:<< انتي كل نساء الكون>>💖اسيا&فؤاد💖
Fanfictionمنقولة### باللهجة الجزائرية 🇩🇿🇩🇿🇩🇿 اروع ما في حبنا أنه ليس له عقل ولا منطق❤❤❤و اجمل ما في حبنا أنه يمشي على الماء ولا يغرق.... جبتلكم كرونيك جديدة وحقيقة والاجمل فيها انها دزيرية قمة في المتعة والاثارة والابداع❤ بعنوان > بطولة >
