جلسنا انا واركان امام البحيره في الجادريه كانت اصابعي ترسم اشكالا على يديه عندما قطع الصمت وقال
-انتِ اليوم شارده فدنوب ممكن تفهميني شكو
ارتجفت من كلامه فقلت بسرعه:
-مو كتلك اكو شي مضوجني فدنوب
وضع يده على وجنتي وقال :
-احجيلي حياتي كوليلي شنو الي مضوجج.
تنهدت بعمق وقلت :
-اسفه اركان بس اكو شي صار
-شنو
@aheart_of_steel
-تتذكر الكليه الي كلتلك عليها بباريس من شفتك اخر مره قبل السادس
قال بهدوء:
-ايييي
اغمضت عيني وقلت بسرعه:
-البارحه دزولي ورقه قبولي بالبريد وطلبوا مني اباشر دوام بيوم 10 هل الشهر
لم يقل شيئا لذلك وضعت يدي بين يديه وقلت:
-حبيبي والله مجنت متوقعه انقبل ولا ابد اصلا باشرت بالاسنان لان عبالي رفضوا وانصدمت بالي صار وما اعرف شسوي حتى الفيزه لكيتها بالظرف وبابا شبه قبل بس انت شون اعوفك بهل الوكت
-وليش مكلتي من الاول ليش خليتينا نرجع وبعدين تريدين تروحين.
نظرت اليه باستغراب وقلت:
-ليش اني شوكت عرفت غير البارحه وبعدين تره هذا حلمي تتذكر اريد اصير مهندسه وطلعلي هندسه هناك يعني شون ارفض علمود انو نبقه سوه
@aheart_of_steel
-وليش لا
اخذت حقيبتي وقمت من مكاني وانا اقول:
-لان انت مضحيت علمودي قبل ما اريد اندم اضيع فرصه عمري
حاولت الذهاب لكنه مسكني من ذراعي وقال:
-اذا تريدين تروحين معناها انسي كل الي بينه
وذهب وتركني وحدي في هذا المكان بين اصعب قرار في حياتي.....
لم اعد احتمل كلمها لذا قمت من مكاني ومسكت ذراعها وانا اقول
-اذا تريدين تروحين معناها انسي كل الي بينه
وتركتها وذهب الى المنزل. عندما وصلت الى هناك فاجأتني رساله منها على هاتفي وجدتها تقول:
"ماشي اركان اني اتخذت قراري وراح اسافر اذا انت ميهمك حلمي اني يهمني ووجودي يمك واني ممحققه شي مراح يكون حلو ولا راح اكون مرتاحه هاي فرصه عمري اتمنالك حياة سعيده ويا البنيه المناسبه الك اما اني فما افيدك لاني حالمه وحظل هيج للابد. اني تركت الكليه وراح اخذ اوراقي من باجر وراح اشتري التذكره واسافر باي"
