#حنين_حاتم
#فاتنات_من_الزمن_الجميل........بارت29
اعتذرعن لتاخير لنت شلع كلبي
اخذت الورقة منة وقريتهة
جان مكتوب بيهة
خالو سهاوي
اليوم نوري خطبج من عندي شتكولين
صفنت بوجهة ماانكر جنت متوقعهة هلشي عاجلا ام اجلا
بس سماع هذا لخبر من خالي وهوة يسألني شتكولين خلاني تجمدت بمكاني
شكلة اريد اتاني ابنك كل عمري
دنكت وهوة استمر يكتب ونطاني الورقة وقريتهة
جان كاتبلي
كعدتنة هنا صارت تجيبلهم حجي من الجوارين ومن الاقارب
بقائنة هنا غلط بس احنة ماعدنة غير حل
ورجعة يم شمة مارجع الى ان تشيلوني جنازة ويصيرلي لكبر بيت عندي اهون من لعيشة وية شمة
ماحاجة احمدلج نوري انتي تعرفينة شنو اكثر مني
فكري زين خالو اذا رفضتي نوري معناهة لازم نطلع منا
ووكتهة شلون بينة ماادري
كمت من يمة ورحت للحديقة دنكت وصرت ابجي وجه يعقوب كبالي
يعقوب الي جان اول بشر سكن كلبي وتملك مشارعي يعقوب الي ضحكتة مافاركتني لليوم
الي ماشفت احن من كلبة علية ولا حتة امي
ولليوم اتاني يجي ويوفي بوعودة
روحي ماتتقبل رجال غيرة
ولا اكدر اتقبل فكرة انو اصير مرت نوري
ويعقوب لو رجع وشاف حبيبة عمرة واعز صديق الة شراح تكون ردة فعلة
فركت راسي حيييل ودنكت وكمت ابجي واشهك
حلين مالهن ثالث لو اقبل بنوري لو ارجع يم شمة
لمشكلة مو بلرجعة يم شمة
المشكلة بخالي الي معاند وميرضة يرجع ويفضل يعيش بلشارع ولا يرجع يمهة
دنكت ابجي بحركة على حالنة
وين جنة ووين صرنة
جنة بعهد بابا الحجي فووك والناس جوة
عايشين بعزة وخيرة احسن حتة من عيشة مسؤلين الدولة
راح ووية روحتة نكنس البيت من الخير وماضل كلشي ورا
مدنكة وراسي بين رجلية وابجي
حسيت ايد على جتفي
رفعت راسي عبالي ام نوري
وتفاجئت بي هوة
جان لازم جكارتة ومدنك
عدلت كعدتي ومسحت دموعي
ضل كاعد يمي وصافن ويدخن
الى ان حجة وهوة يجر اخر نفس بلجكارة وكلي
جان يحبج حيييل
كالهة وصفن وخلاني ابجي بلزايد
رجع تنهد وكمل
جان يحبج لدرجة انو يحجي بيج كدام الكل
سهى سهى سهى
ماجان اسمج يوكع من حلكة ابد من جنة بلكلية
ومن يحجي بيج تلمع عيونة ويرتعش كلشي بي
يبتسم الة ولكيفة
خلة بداخلي فضول تجاه سهى
ردت اعرف شنو الي بيهة خلة يعقوب
الي جان احلة ولدد بلجامعة واكثر واحد رزن وجذاب صاحب هيئة وكريزما ملفتة مستحيل تكدر بنية تقاومة
يتولع بيهة ويمتنعع عن اي بنية غيرهة
جان اكو سكن مال طالبات قريب على طريق جامعتنة
مجرد مانطلع اني ويا من الدوام
اشوف تجمهر لبنات يم شبابيك البلكونات
اشوف خيال شكولهن من ورة لجامة واضحك واني متأكد مبتغاهن والي سالب عقولهن يعقوب
مابيوم همتة وحدة
ولا بيوم وحدة لفتت انتباهة
وشكد توصلة رسايل غرامية من اصحاب المحلات الي بلمنطقة
والي ينطوهة الهم البنات
جان يشكك الورقة بدون مايفتحهة
ويكلي تخسة وحدة تاخذ مكانت سهى
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
