دينا اتلفتت ولقت الولد المشوه جنبها وهي بقول ليها
-اهربي عايزين ياخدو الطفل حقك اهربي لانو بعد ياخدو الطفل حايقتلوك اهربي بسرعه واثناء ماالطفل بتكلم جات حبوبتو وجرتو من يدو وبقت تتكلم معاهو وبغضب انا مش قلت ليك ماتطلع هنا 😡😡😡😡 انت مابتفهم جرتو ووقع ع الارض وبقي يبكي ويقول لدينا ساعديني 😭😭 دينا شالت تلفونها وجرت وراهم عشات تطلع من المبني بس لقت ياسمين والمره العجوز واقفين ليها ف البلب وغضبانين قالو ليها
-محاتقدري تطلعي في صيانه ف المصعد
- مالكم دعوه بي ح انزل بالسلم 😡 زحو من طريقي
- هنا ياسمين والمره العجوز ضحكو وقال ليها (ههههههه انتي ماعارفه انو المبني ده مافيهو سلم 🤣🤣🤣🤣 وبقو يضحكو بااصوات غريبه وصوتهم بقي عالي واتغير وفجأه اختفو من قدامها بس دينا ماسمعت ليهم طلعت وبقت تضغط في المصعد مابشتغل ولابجي معاها قررت تنزل بالسلم واتفاجأت لما لقت انو ماف سلم فعلا 😰😰 جات تنزل ولقت المكان فاضي ومن بعيد شايفه الارض جرت رجعت شقتها واتصلت ب حسن
- حسن في الوقت داك كان ليهو خمس شهور مامشي الشغل من اخر يوم لاقي فيهو دينا وحالتو كانت سيئه جدا ونفسياتو تعبانه (فجأه لما شاف رقم دينا ف التلفون ماصدق رد عليها بلهفه )
- دينا دينا انتي كويسه 😨ليه ي دينا غبتي عني كده ??!
- حسن غبتا عنك شنو انا امس مش كنت معاك ف الحفله 😳😳
- حفله شنو دينا انتي من اخر مره اتلاقينا ومشينا الحفله بتصل عليك مابتردي وماقادر اصل ليك وعدت اكتر من خمس شهور ع الكلام ده
- دينا قعدت في الارض وبقت تبكي وتقول ليهو ( انا في مصيبه المبني فيهو حاجات غريبه وانا محبوسه ارجوك تجيني عايزاك تجي وتسال الجيران الحوالين المبني عن الحاصل شنو هنا حارسل ليك العنوان ف رساله )
- وفعلا نزل حسن بسرعه وركب تاكس ووصل ع العنوان ولما وصل المبني لقاهو مضلم وشبه مهجور اتخلع 😳😳😳 في عامل ببيع بره قريب البيت وعندو محل جري حسن وسالو عن المبني واتفاجا لما قال ليهو
- ((يااستاذ انت جادي بتسال عن العماره دي 😳😳😳 العماره دي واعوذ بالله مسكونه ومقفله من خمس سنين ماف زول دخلها من يوم ماكانت ساكنه فيها مره ولدت جديد والمره وقعت وانتحرت هي والطفل من السطح ومن يومها والعماره مقفله واي زول يكون عايز يأجرها مجرد مايسمع عنها انها مسكونه وفيها روح بلغي البيعه او الايجار انصحك ماتدخل ليها 😨😨😨
- حسن طبعا كان متفاجي وحس انو دينا ف خطر حقيقي وسال الراجل تاني وقال ليهو
- والمره دي وين زوجها وين ؟؟! والسبب الخلاها تنتحر شنو مع انها عندها طفل جديد مااعتقد انو الموضوع يكون انتحار
- يااستاذ في خرافه قديمه كده بتقول والله اعلم انو في مره كانت ساكنه في بيت مكان المبني ده قبل يتبني وكانت ساحره بتشتغل بالسحر الاسود والسفلي وبقولو كان معاها زوجها بس مره انقلب السحر ع الساحر وزوجها اتزوج من بنات الجن وانجب منهم 😰 بس الساحره جابت شيخ قرا قران وحرق الجنيه والطفل حقها لكن بعد كم يوم اكتشفوً انو الساحره وزوجها ماتو بعد كم يوم ومن هنا بدت قصه الانتقام بيقولو انو الجنيه ماحرقت ومن اليوم داك هي بتنتقم من اي ام وبتاخد طفلها لكن ف شركه اجنبيه جات وبنت المبني ده وانت عارف الخواجات براك مابقتنعو بالارواح والحاجات دي وجات شركه قالو اجرت المبني لمده شهر بس وطلعو بعداك بعد بقو يشوفو حاجات غريبه وجات بعدهم المره الانتحرت ومن يومها والمبني مهجور ومابتسكن وقالو زوجها فقد عقلو بقي مجنون
- حسن اول ماسمع الكلام ده جري علي المبني ودخل وبقي يعاين في الابواب المقفله من حوالينو وجا عشان يطلع بالسلم لقي ماف سلم ولس المصعد بيحاول يضغط ع المصعد بس مابستجيب اتصل علي دينا
- دينا لاذم تطلعي من هناك باقصي سرعه انا ماقادر اطلع ليكي دينا المبني ده مسكون وقصتو طويله انا ماقادر احكيها ليك اثناء ماهو بتكلم دينا بقت تصرخ وتقول ل حسن ي حسن شكلي ح اولد انا حاولد وبقت تصرخ
- حسن قال ليها ماتخافي حاتصرف حتجيكي واطلعك انتي والبيبي وبقي ببكي ويضرب ف المصعد برجلو وفجأه المصعد فتح براهو بقي يقول ليها اهدي خلاص المصعد فتح انا جايكي
- (دينا رمت التلفون من يدها وبقت تدفع بقوه وكانت بتدفع شديد عشان البيبي يطلع وهنا دخل حسن وجا جاري عشان يساعدها وهي بقت تنزف من رجلوها واتملو دم وقاعده ف الارض وماقادره تتحرك فجأه حاجه رفعت حسن فوق وبقت تضرب فيهو وظهرت حاجه كبيره وضخمه وكانت نفس المره البتظهر كل مره وهي شايله الاطفال في يدها وكانت
- المره شكلها مرعب اكتر من اول لونها ابيض كلو وعيونها لونا اسوود وضفورها طويله بشكل مخيف وكل ماتفتح خشمها بتطلع منو صراير وحشرات ورفعت حسن فوووق وعاينت ل دينا وقالت ليها
- الطفل ده طفلي انا وحايموت اي زول يحاول ياخدو مني 😡😡😡😡😡 )) دينا كانت بتحاول تساعد حسن بس ماقادره تتحرك وهي بتنزف بقت تصرخ وتقول ليها لااااااا سيبيهو هو ماعندو زنب سيبيهو بس المره بضفورها الطويله دخلت في رقبه حسن وبقت ترفعو فوق وتنزلو وتضرب بيهو الارض لحد ماوقع جنبها ومات 😓
