كوني أنثي

الوصايا

صلوا على من جلس علي ركبتيه يواسي طفلا مات عصفوره # # # # # # # # # # # # # # # # # # # # # #

السلام عليكم ورحمة الله وبركاته ..
أخواتي الكريمات .. أهلاً وسهلاً ومرحباً بكم في هذا اللقاء المتجدد من برنامج
💕 ( كوني أنثى ) 💕
🍃الحلقة الثامنة عشر🍃

🍃 كنت أوصيك في اللقاء الفائت يا ابنتي فأقول لكِ بارك الله -تعالى فيك ورضي عنك ، اوعي تعقدي مقارنة بين حياتك وحياة الأخريات ، فكري في النعم التي أنعم الله -عز وجل- بها عليكِ هترضي بكل ما أنتِ فيه ، وقد قال -صلى الله عليه وسلم- " أفلح من أسلَم و رُزِقَ كفافًا ، و قَنَّعَه اللهُ بما آتاه " الحديث عند مسلم

🍃 مما أوصيكِ به يا ابنتي ألا تكوني نكدية يعني : بكرة النكد بكرة مش النهاردة ! ... السنة الجاية بلاش النهاردة الله يسترك ويرضى عنك ...
المرأة التي تُكثر الخصام وتتعدد مشكلات وتزداد طلبات وتتروى خصومات ، وتتابع شكوكها هي امرأة نكدية بلا شك ، وسيهرب الزوج من البيت بل ويأنس بغيابها عنه ، يبقى سعييييد جداً ، ((يا ابني روّح بيتك احنا خلصنا الشغل خلاص مروحين)) طب ماتيجي نسهر برة ... ليه ؟ مش عايز يرجع البيت ، طب تعالوا أخدكم أي مطعم اغديكم على حسابي ... ليه ؟ مش عاوز يرجع البيت ... الساعة بقت 10 بالليل ، اما افوت أقعد عن أمي شوية .. ليه ؟ عشان نفسه يرجع يلقى النكدية نايمة ، مش عايز يختلط بيها ولا يتكلم عليها لأنها دائمة النكد ودائمة الشكوى ودائمة الطلبات لما زهقته في عيشته .
⚡ فـــ حضرتك متكونيش كدا ... وأمك لو كدا أوعي تكتسبي منها هذه الصفات فإن عندنا بيقولوا في المثل المصري ( اكفي القدرة على فُمها ... ينزل الفول منها ) .. بس بقول إن 90% فعلاً من النساء ولو بلغت ما بغت واخدة كتوراه ولاماجستير ولا ليسانس ولابكالوريوس ولا واخدة اللي واخداه .. بتاخد نفس صفات الأم 90% على ما رأيت من الحالات .

🍃 إغضاب الزوج يا بنتي واستثارته وسخطه لهو سبب في غضب الله -تعالى- على المرأة .. ليه ؟
قال -صلى الله عليه وسلم- " فإنَّما هوَ جنَّتُكِ ونارُكِ "
يا الله !
زوجك ده جنتك ونارك
🌱 طاعة الزوج من طاعة ربنا
🌱 وغضب الزوج من غضب الله
وهو أحق الناس بصُحبتك ( تعاشريه بالمعروف ) وببرك وإحسانك وحبك (مش) ليس أمك وأبوكِ ، هو الأولى بل والأوجب عليكِ حُسن الصُحبة معه أكثر من أي أحد
النبي -صلى الله عليه وسلم- قال للصحابية : " فإنَّما هوَ جنَّتُكِ ونارُكِ "
كيف أنتِ منه ؟! قالت : انا بعمل كل حاجة ما آلوه إلا ما قصرت في حقه
قال " فإنَّما هوَ جنَّتُكِ ونارُكِ "
فــ خلي بالك رضا الزوج من رضا الله
وسخط الزوج في سخط الله

🌙 صلي باينتي ( حاضر ) صلى الله عليه وسلم ... قومي صلي العشاء .. ربنا يسهل دا أنا تعبانة .. السكر عالي علي شوية ، مفاصلي وجعاني ( مع إنها لو قعدت قدام التليفون ترغي مع صويحباتها ولا على الشات والكمبيوتر تتكلم 10 ساعات وتبقى حاطة التليفون على ودنها وبتقلب بإيدها التانية وبترضع الولد في وقت واحد عشان متكيفة من الكلام اللي بيتقال ، وسعة ما تيجي عند العبادة ( واله العظيم عجيب أمر النساء ) أوعي تكوني منهم ، تيجي آخر اليوم بعد ما تنيم العيال تقول : إيه ده دا أنا لا صليت صبح ولاظهر ولا عصر ولا مغرب ولا عشاء ، بس جاية منهكة فتقول إيه : الله غفور رحيم (( الله أكبر )) إيه يا أختي ده ، أنت مفيش فيكِ صحة تقفي تصلي !! ما انتِ غسلتي وكنستي وطبختي ومسحتي ، لما نيجي عند الصلاة تقول ( آاااه ياوسطي .. آه ياركبتي )) إيه ياحاجة أقفي صلي ، القيام في الفرض ركن من أركان الصلاة ، أمر فرض عليكِ تعمليه يابنتي ، مش بنهزر إحنا ...
إيه ياحاجة !! 3..4 دقايق خلصنا الصلاة ، يابنتي ... حق الله -عز وجل- عليكِ أوجب من حق أي أحد ... حق الزوج مؤخر ، حق ربنا بداية .