بَين قَلبين

بين قلبين ٢

بارت ٢ . روز علي

عطرك لايزال معبقا في قلب رئتي !
تخشى اخراجه منها
احتضن الغرف الصغيرة الهوائية الممتلئة بك ، 
رائحتك تتسلل عبر اوردتي ...
لمساتك المزروعة بكل ارجاء جسدي،
ازهرت الصحراء تحت عيوني ،
وانبتت وجنتي زهرا به عطرك!
وذات عتمةٍ قبلتني
فتركت لي الكثير من الامل في خدي وايقظت بداخلي الاحلام الغافية منذ ان دس لها الواقع منوم في ساحات الحياة !
يدك التي احتضنت كفي الملطخة برماد الاسى
جعلها سماء ...
وحتى تلك النجمة اليتيمة لم تعد وحيدة تركض فوق صفحات المساء تبكي..
فها هو قلبي يحلق معها في الفضاء كشهاب ... يحقق للعاشقين امانيهم!
لم اعد ارى سواك من بشر!
فكلهم محض اغواء للفناء، الا انت ...
الخلود عيناك،  وسلاما على من توهم ان الخلود بغيرهما سواء! .

روز علي

.
زيد . اووو اليوم ست سما هنا . شدسوين بالغرفه . .
.
سما . (محجيت بس هزيت راسي بنفي يعني لا مدا اسوي شي . بقه هو ثابت بمكانه وصافن عليه .  اني دنجت الم الكزاز  وهو هم دنج يلم ويايه . قربه مني وعطرة الي منتشر بالغرفه خلاني كلش ارتبك بسبب ارتباكي جرحت ايدي  كمت بسرعه بكومتي ضربت راسه .  

ااااي  . .
.
زيد . ثول  . شبيج مدكليلي  .شو خل اشوف ايدج . .

_____

جنت نايم بغرفتي سمعت هوسه جوا بعد مكدرت انام غسلت وبدلت ونزلت شفت البنات بالصاله فتت من يمهم بس ولا كأنه هنه موجودات .. ماكان يعجبني اسلم لان يجلبن . طلعت من البيت وصلت الراس الفرع مالتنه تذكرت تلفوني نسيته و رجعت اخذه اول مفتحت باب الغرفه تفاجئت بوجود سما . لان كلما اروح البيتهم كانت هي تنهزم مني ومتحب تحجي ويايه شعدهه هنا .وهي بس فتحت الباب وكعت العطر وكسرته . عرفت بيهه ارتبكت ونثولت  حجيت وياها متجاوب تهز براسهه نزلت تلم الكزاز نزلت وياها  هي نجرحت ورفعت راسهه تكوم نضربنه بعض طلبت منهه اشوف ايدهه
نطتني ايدهه بس كانت ترجف مدري شبيهه مو على بعضهه .  جبت سبيرتو وعقمت ايدهه وخليت الهه لزكه جروح  وبقيت واكف كدامهه كانت هي صافنه بوجهي لاحظت هذا الشي بيهه . اني بطبيعتي جريئ . تقربت عليهه بستهه بوسه خفيفه من شفتهه . حتى ثاني مرة متخطي خطوة داخل الغرفه ..  .
.
هالمرة سويتيهه وطبيتي للغرفه مرة ثانيه اندمج فاهمه لو لا .. ياله يالزعطوطه روحي من وجي

سما .
نصدمت من الي سوا زيد .ومن تصرفه الجريئ وكلش ضجت من كال زعطوطه
.
اني مو زعطوطه فتهمت وما اسمحلك تكولي هالكلام . .
.
زيد . والمطلوب . .
.
سما . كان يحجي ويايه وداير وجهه  . اني عيبت عليه طلعت لساني 😝 ورجعت كتله

حقير .
.
زيد . تعاي تعاي . هاي عليمن لعبالج مشفتج هالمره حجيتيهه مره ثانيه هذا  لسانج اكصه . فاهمه . دياله ولي . .
.
سما . شكد نرفزتني طريقه كلامه رجعت عيبت عليه وعفته وطلعت اركض من الغرفه هاي عود اني جايه اعترفله  بحبي . شكد حقير لعد  نزلت اركض للصاله كعدت يم البنات . وره شويه هو نزل ورايه . سلم وكعد بالصاله يم البنات  ويم خالتي طبعا هنه مصدكن وبدن يسولفن ويضحكن  ويا  واني ساكته ومدنجه وكل ما ارفع عيني الكه عيونه عليه  من  خوفي وارتباكي من وره نظراته  اكلت اضافري  .
.
زيد . اضافيرج خلصن مو كافي تاكليهن  . .