الحلقة التاسعة ٠ ( الجزء الاول)
بقلم: جنة الأحلام ٠ ٠ منال إبراهيم ٠
بعد حوالي ربع ساعة
وصل محمد للعماره اللي ساكن فيها لاحظ حركه غريبة و عربية إسعاف طالعة و عربية الشرطة واقفه
استغرب و قلق طلع بسرعه الشقه لقي فيها البوليس اتخض و بدأ يسأل فيه ايه؟!
ضابط الشرطه: فيه شابه تقريبا عشرين سنه وقعت من البلكونه من هنا و فيه شك جنائي و هنعاين موقع الحادثه...
محمد حس بزلزال بيهز كل كيانه مبقاش عارف يعمل ايه؟!!!
بلغ الضابط ان الشابه دى زوجته وا ستأذن بسرعة يروح يطمن عليها في المستشفى
الضابط أخد بياناته ورقم تلفونه
محمد جرى زى المجنو و و و ن على المستشفى و بدأ يسأل علي الحالة كانت لسه فى الفحص
و هو مش عارف يعمل إيه فضل رايح جاي فى الممر
بيعد الوقت بالثوانى و نبضات قلبه متتابعة
من الرعب والخوف يكون جرى لها حاجة
فضل يدعى ربنا ينجيها و يطمنه عليها و في نفس الوقت هيتجنن ازاى حصل كده
لحد ما الدكتور اللى عمل الفحص ما خرج
جرى عليه بسرعة و سأله وكانت الصدمة لما قاله
الطبيب: الحالة من الكشف المبدئي واضح من شكل المصابه انها كانت حالة اغتصاب عنيفة
محمد حس وقتها كأن الارض اتزلزلت من تحت رجله
و بقى حرفيا مش قادر يقف على رجله و لا قادر ينطق و لا يتكلم
كمل الدكتور: الحاله وصلت هدومها متقطعه وفيه خدوش و كدمات نتيجه مقاومتها لكن انتظر تقرير الكشف التفصيلي للحالة
انتظر محمد نص ساعه مروا كأنهم عمر طويل و خرج دكتور تانى معاه تقرير الحاله
قال له محمد بتوسل : أرجوك طمنى
رد الدكتور و قال له : الحاله بتعانى من ارتجاج في المخ ادى لغيبوبه و كسر في دراعها الشمال و جروح خفيفه و كدمات حظها كويس انها وقعت من الدور الثاني انت المسؤول عن الحالة؟!
رد عليه محمد و قال لها : ايوه انا زوجها
الدكتور بعدم تصديق : إزا ى ٠ ٠مستحيل انت بتكذب !
محمد : بكذب ازاى انا زوجها فعلا
الدكتور : الحالة اللي وصلت عذراء اتفضل شوفها اكيد بتتكلم عن حاله تانيه!!!
على قد ما كان قلبة موجوع من خوفه و حزنه على اللى حصل لسارة ٠ ٠ لكن حمد ربنا اللى حماها من
القذر اللى حاول يعتدى عليها ويدنسها ٠ ٠ ٠
محمد مشى مع الدكتور لحد ما وصل لاوضة العنايه المركزه و بص عليها من شباك زجاجى الخاص بغرفة العناية المركزة
لقي سارة فاقده الوعى فى غيبوبة و متركبه لها أجهزه و محاليل فى دراعها بدأ يبكى بحرقه زى الاطفال الصغيرين
صرخ محمد: ساره ايه اللي حصلك ؟!! مين اللي عمل فيكى كده؟!!!
نفسي تسمعينى!!! نفسي تعرفي قد ايه بحبك ؛ بحبك اكتر حتى من نفسى
بدأ الدكتور يهديه و كمل كلامه معاه
الدكتور: توقعنا في البدايه انها حاله اغتصاب و ان الجانى رماها بقصد القتل لكن بعد الكشف اكتشفنا
انها كانت محاوله فاشلة لكن واضح انها قاومته بشدة و لما يأست انها تتخلص منه رمت نفسها من البلكونه استأذنك٠
مشى الدكتور و محمد لسه علي حاله بيبكى و يقول
:. آاااه
لو اعرف مين اللي عمل فيكى كده؟!!!
٠ ٠ ٠ ٠ ٠ ٠ ٠ ٠ ٠
