قفشات شعر حزينة

بديت اشهك افراكك

بديت اشهك افراكك والنفس مكطوع

اختنك دربك بجدمي وما قبل يككمل

يمر وجهك علك وبوجهي اشد شباك

وشد وجهك بوجهي وبل السهل ينحل

خذت نضره ولهسه عيوني متوضيات

اذا صلت لغيرك كل فرض يذبل

السهر مو زين بس عيوني تشرب ليل

تندل كل سهر بس طيفه ما تندل

المسافه البيني والبينك سبع لجمات

وجيتك والشماته عيونهم تسئل

ما يستاهلك كالو كلت مشتاك

اليحب يضحي لدكلي اليحب ينذل

رحت ولهسه احس بعدك تعيش وياي

غير اقتنع رايح حتى ادور حل

اجيت بوكت ما ماحتاج اسولف بيك

وصرت راس السوالف ولسان اختل

عليك دموعي شدد علك بالعباس

ما تنزل لغيرك حتى اذا اقبل

اجيك وركبتي مرجوحه مال ايتام

وتيهك واليتامه عيونهم تندل

انكسر كلبي بديك اشلون سال

ذيج الساعه اكبر مشكله بلا حل

ويبدي معاتب بالعشاك بالنضرات

واسمع عينك دكلي الزعل طول

واسكت والدمع بي مستحه المحتاج

وجاوب والوجوه اثنينهن تخجل

الزعل مكدور بس فركاك ما مكدور

رضيت تخوني بس ما ردت ترحل

يل رحت بوكت ما رجعت جناز

اثر خطوه بغيابك ماكو حتى اسئل

نويت تخوني لو وي غريب ارتاح

حتى اكدر اجاوب ناسك التسئل

السيف شماغدر بالناس اليشمتون

ما يحله على ولفك كون كوه انسل

الغيره بلايه حد تفرق العشاك

والاصعب لو شماته تردد المقتل

اليحب اليل بي واهس عشك جيلين

المحب يموت اذا يسمع حبيبه انذل

اكول انساك واقره شدازلي واشتاك

ويفز بيه حنين الفاكده مدلل

اليحب يغار من كال ناس اليسلون

على وفه كباله والضحكات تتبدل

تمد جفك لغيري وجفي يعبر كام

وكبل لو جنت تلزم جف ابوي ازعل

كلت للخالقك ما مدهن منحتاج

لغيرك لو امد اجفوفي كون انشل

متأخرين بالطف ما صفينه براي

العمر جبنار عرك ما نرضه نصفه بحل

البجيت الخاطره يبجي عل اليخونون

الكبر يبجي اذا محد عليه يسئل

عليك عيوني سئلت كل وجه شافاك

مريت بوكت حتى السئال انمل

بنفس درب الجمعنه بحجه العشاك

انجمعنه اثنين هسة بلا عشك نقبل