جنت غلطان ماخذ غيبتك دوم
تحلفلي وجذبك وانهي العتاب
وتجي وتوكف وباب الروح مسدود
وجنت الغير حبك فاتح الباب
ادور فرصه حتى اتزاع وياك
وعلى كل كلمه اسوي حساب وكتاب
وارد زعلان منك مااعرف ليش
واتركك من اروح تدور اسباب
اعوفك وادري روحك تمشي وياي
واخليك بكفاي دموع وثياب
واكلك محترك بس انه بردان
وتجي تطفيني واشتم بيك عطاب
يل كلبك وياي كتاب مفتوح
لكن ويه غيري يصير سرداب
يل المرهمه بس مارهمت وياي
ويل ماخذ بطولة دور الاحباب
كل ما باب تفتح حتى اراضيك
تلكاني بغيابك سادلك باب
تتناكث احلامك خوف وياي
مثل رجفه العش كبال حطاب
انه هديت جفك وركه وتطيح
وعلى خدودك الدمعه مهاجره اسراب
يل منك دريت شلون مرات اكو بين الدموع
دموع تنــــــــــــــــــــهاب
ياخيبه امل فلاح بعدين دره بوكت الحصاد الذاره تراب
كلب شايل جفن رديتلك هيج
اخذ ثارك لان بيناتنه حساب
ولتسامح بعد الله باالله
ولتلزم الجف البي الظن خاب
وانه مزعلك بكد مامفتر الميل
وكت بي جنت تحسب طول الغياب
اهي جانت غلطتي وفرطت بيك
وطن عفتك ورحت لديره اغراب
اذا رايد تعرف شلون ندمان
شوف دموعي اذا طاريك ينجاب
اذا تذكر وعدتك مره باالليل
عهد كتلك نظل للموتن احباب
متت هسه ولكن نفسي موجود
وتتنفسك روحي وي الهوى الهاب
وهسه الدور اليه وانه اوصيك
اذا جرحك تلايم وانتهى وطاب
تجي تهل ذكرياتك على الكبر كون
لتخليهم يهلون التراب
وبعد من الثلج بالك تصنع احلام
لان الحلم الصنعته من الثلج ذاب
واذا حبيت بالك تعرف الناس
المره الثانيه يكولون جذاب
Ops! Esta imagem não segue as nossas directrizes de conteúdo. Para continuares a publicar, por favor, remova-a ou carrega uma imagem diferente.
ESTÁ A LER
قفشات شعر حزينة
Poesiaوصــلت الـمـرحــلـة مــن الــضـيـــم الــيـڪــلي اشبيـڪ اســد أذنـــي
