انتقام ام سعى وراء الحب الجزء الاول

انتقام ام سعى وراء الحب الحلقة 12 و13

انتقام ام سعى وراء الحب 12_13
الحلقة 12<br>
كلمات اغنية احبك اكرهك<br>
احبك اكرهك اسيبك اندهك اعلق نفسى بيكى ولا اعمل فيكى ايه اضمك ابعدك اخونك اوعدك غريب احساسى بيكى مش مطمنله ليه احساسى دة بالنسبالى كفايا يضيع من حبى ليكى وكرهى ليكى خيط رفيع ولا القرب مرتاحله ولا البعد اقدر عليه احبك اكرهك اسيبك اندهك اعلق نفسى بيكى ولا اعمل فيكى ايه اضمك ابعدك اخونك اوعدك غريب احساسى بيكى مش مطمنله ليه<br>
احساس غريب بحسه وانا بين ايديكى ساعات بخاف منك وساعات بخاف عليكى لا القرب مرتاحله ولا البعاد اقدر عليه<br>
نور اتصدمت لما شافت باسل باسها بحلقت جامد  كانت نفسها معرفتش حست احساس الضعف قدامه كان لمسته ليها سحر غابت معاه فترة وهو كان مبسوط لما شافها متجوباه معاه مش واخدين بالهم ان الناس بتتفرج عليهم قطع عليهم اللحظة<br>
رامى وهو بيصفر جامد بعدوا عن بعض بسرعة ونور كانت مكسوفة وفى نفس الوقت مستغربة <br>
رامى:بقا بذمتكوا انتوا كدة بتكرهوا بعض اومال لو بتحبها كنتوا هتعملوا ايه<br>
باسل خد بالها انها مكسوفة فحاول يعدى الموضوع كانه لم يكن<br>
باسل:انتى ايه اللى جابك هنا. انتى قولتى انك جاية لا وكمان جاية ديسكوا وقرف على دماغك.<br>
ولوى دراعها جامد:لا وكمان جراتك وصلتلك انك تشتمى جوزك وترمى ازازة الويسكى عليه انتى عيارك فلت على الاخر يانور <br>
نور بحنق:طب ممكن نروح وبعد كدة اعمل اللى انت عايزه..فى حاجة عايزة اتكلم معاك فيها<br>
باسل استغرب ياترى هى عايزانى فى ايه<br>
باسل:طب اتفضلى امشى وبص لرامى اللى غمزله كان باسل هيضربه بس مسك نفسه <br>
وروح باسل ونور<br>
فى البيت عندهم<br>
نور دخلت البيت <br>
باسل:ايه الموضوع اللى انتى عايزة تكلمينى فيه<br>
نور قربت منه وقالت بعصبية:انت بوستنى ليه...ايه اللى خلاك تعمل كدة...احنا مش اتفقنا ان جوازنا هيبقى على ورق وبس علشان بس تعرف ان كلمتك مش واحدة<br>
باسل:بقولك ايه خشى نامى وبكرة نبقى نتكلم ونتخانق كمان بس ياريت اجلى الموضوع شوية علشان والله هموت وانام<br>
نور مستغربة بروده جدا بس قالت تاجل الموضوع الصبح<br>
نور:ماشى تصبح على خير واياك تيحى اوضتى انت فاهم علشان الصراحة معتدتش ليك امان خالص<br>
باسل ضحك وقال:خشى نامى يانور متخافيش منى<br>
نور دخلت الاوضة غيرت وهى سرحانة ونامت على السرير وفى دماغها رقصها مع باسل وقد ايه كانت حبة الرقصة دى متخلص بس ليه هى مش المفروض بتكرهه وهو كمان بس ليه باسها حطت ايدها على شفايفها وهى خايفة فعلا من اللى جاى<br>
تانى يوم<br>
فى بيت ادهم<br>
على الفطار<br>
جنة:طنط انا الصراحة كنت حبة اقول حاجة يعنى<br>
الكل بصلها باهتمام<br>
سمية:قولى يابنتى متكسفيش خالص احنا اهلك<br>
جنة:انا الصراحة بشكركوا جدا انك مقعدينى عندكم بس انا مش حبة اقعد ببلاش<br>
لميس:قصدك تشتغلى يعنى بس هتشتغلى ازاى وانتى معندكيش شهادة ياجنة<br>
جنة:اشتغل اى حاجة...تعرفى واحدة صاحبتى قالتلى انها شافتلى شغل فى اكتوبر المرتب معقول وعلى الاقل اشم نفس شوية<br>
سمية بقلق:ايه رايك انت ياادهم <br>
ادهم مكنش مركز اصلا فى الكلام كانت دماغه فى حتة تانية<br>
سمية:ادهم ياادهم<br>
ادهم:ها حضرتك بتقولى حاجة ياامى<br>
سمية:مالك سرحان فى ايه بس...بقولك جنة عايزة تشتغل انت ايه رايك<br>
ادهم:والله دى حاجة تخصها احنا ملناش دعوة هى حبة تشتغل تمام مفيش مشكلة بس هتشتغلى فين<br>
جنة:انا هشتغل فى عيادة فى اكتوبر عند دكتور محترم جدا بيبقى اخو صاحبتى <br>
ادهم:ماشى تمام اللى انتى شايفاه عن اذنكم انا خارج<br>
باس راس امه وقال:ادعيلى<br>
سمية:ربنا معاك يبنى ويكفيك شر ولاد الحرام امين يارب العالمين<br>
جنة:انت رايح فين<br>
ادهم:هتمشى شوية بالعربية <br>
جنة:يعنى مش رايح العيادة<br>
ادهم:لا مش رايح بتسالى ليه<br>
جنة:ممكن يعنى لو فاضى توصلنى بالعربية اصل رانيا قالتلى اجى اقعد معاها شوية محتاجة اغير جو وهاجى على طول مش هتاخر<br>
سمية:ادهم وصلها عند صاحبتها تقعد تفك معاها شوية وبعد كدة جيبها<br>
ادهم:ماشى اتفضلى ياجنة<br>
جنة فى سرها:ايه ونبى دة...دة مش انسان طبيعى..دة انسان الى الجواب على قد السوال لا دة مش بيجاوب اصلا<br>
فى العربية<br>
ادهم:اربطى حزام الامان<br>
جنة:حاضر<br>
جنة بتحاول تربطه مش عارفه هو خد باله فقرب منها يعملهولها هى اتصدمت وبصتله وهو بيعمل الحزام خلص جى يبعد بس هو فضل يبص فى عنيها لما شافها بتبصله قعدوا فترة كدة بس هو بعد مرة واحدة<br>
ادهم:احم احم انتى عارفة الطريق مش كدة<br>
جنة:ايوة<br>
ادهم:طب اعملى حسابك ان شاء الله اول مرجع العيادة اجى اخدك<br>
جنة:تمام ان شاء الله<br>
ادهم دور العربية ومشيوا<br>
جنة:هو انت بتشتغل ايه قصدى دكتور ايه يعنى<br>
ادهم:دكتور امراض نسا<br>
جنة:وبتحب شغلك على كدة <br>
ادهم بصلها وقال:اه طبعا بحبه...احساس حلو تكونى سبب فى انك تجيبى طفل على الدنيا...انك تحضرى الموقف دة احساس ميتوصفش ياجنة<br>
جنة ضحكت وقالت:بجد انت انسان طيب ياادهم بفولك ايه هو احنا مينفعش نبقى صحاب تنصحنى وانصحك<br>
ادهم بصلها وقال:عايزانا نبقى صحاب<br>
جنة:ليه لا انا حاسة انك مخنوق ومتضايق احكيلى يمكن اشيل عنك<br>
ادهم ضحك وقال:معلش ياجنة سيبينى على راحتى انا مش عايز اتكلم<br>
<br>
<br>
<br> جنة خدت بالها ان ادهم بيقطم الكلام ومش حابب الكلام معاها فقررت تسكت مسكت الهاند فرى وقاعدة بتسمع اغانى<br>
ادهم فى سره:هو انت ليه بتتعامل معاها كدة...مش عارف انا مش عايز اتكلم مع اى واحدة حتى ولو من باب الصداقة وكمان دى معرفهاش..انا مش عايز اخون حور ابدا..بس دى مش خيانة...البنت ملهاش ذنب ياادهم تلاقيها زعلت منك دلوقتى...يعنى عايزنى اعمل ايه اصالحها لا طبعا مش هيحصل..هو انا زعلتها اصلا علشان اصالحها<br>
فوصلها عند صاحبتها<br>
ادهم:دة البيت<br>
جنة:ايوة هو شكرا ياادهم<br>
ادهم:العفو استنينى انا هوصلك البيت اول ماجى ان شاء الله من العيادة متمشيش بس<br>
جنة:حاضر مش همشى<br>
خرجت من العربية وطلعت العمارة<br>
وادهم مشى<br>
طق طق<br>
رانيا بتفتح<br>
رانيا بفرحة:جنة ازيك<br>
جنة:ازيك يارورو وحشتنيى جدا<br>
وحضنوا بعض<br>
رانيا:خشى ياجنة <br>
جنة دخلت وقعدت فى الصالون وفضلوا يرغوا مع بعض كتير اوى لحد م طارق جى<br>
طارق:السلام عليكم<br>
الكل:عليكم السلام<br>
طارق:ازيك ياجنة<br>
جنة:الحمد لله انا بخير الحمد لله <br>
طارق قعد وقال:رانيا كلمتنى قالتلى انك حابة تشتغلى عندى انا معنديش مانع وتقدرى تشتغلى من بكرة لو حابة<br>
جنة:بجد طب تمام جدا
طارق:طب وتعليمك هتعملى فى ايه هتعرفى توفى ما بين الاتنين دى حاجة صعبة جدا<br>
جنة بصت لرانيا بقلق <br>
رانيا:ههههه انت عارف جنة من يومها غاوية تعب<br>
طارق:طب خلاص انا مستنيكى ان شاء الله<br>
جنة:ان شاء الله شكرا ياطارق بجد<br>
طارق:لا ازعل منك متقوليش شكرا دى تانى <br>
وفضلوا يتكلموا كتير ويهزروا<br>
فى بيت باسل ونور  <br>
نور صحيت عادى لقت باسل نايم<br>
نور:جاك ياجاك اصحى ياجاك اوف بقا انت ياعم<br>
نور زهقت جت تمشى بس هو شدها ليه وكانت تعتبر فوقه مسك التوكة وشدها وشعرها كان نازل على وشه بعد شعرها عنه وفضل يبصلها هى اتكسفت واتوترت جدا اول مرة يحصل معاها كدة<br>
نور بصوت متقطع:انت اتخطيت حدودك  على فكرة امبارح بوستتى ودلوقتى بتعمل كدة انت عايز ايه بالضبط<br>
باسل قرب منها وهمس فى ودانها:اربيكى عايز اربيكى وبس <br>
نور:تربينى..انت شايفنى قليلة ادب اه صح هو انت اسمك ايه<br>
باسل استغرب وقال:اشمعنى منتى عارفة اسمى ايه الاستعباط دة<br>
نور:دة مش الحقيقى انا عايزة اعرف اسمك الحقيقى <br>
باسل:اسمى باسل يانور<br>
نور اتصدمت وفتحت بقها من الصدمة<br>
نور:اسمك باسل دة بجد اسمك حلو اوى انت تعرف من وانا صغيرة بقول انا نفسى اتجوز واحد اسمه باسل او لو متجوزتوش اخلف واحد اسميه باسل مش غريبة دى <br>
باسل استغرب وضحك وقال بمكر:انتى فعلا بتحبى الاسم دة طب متكملى جميلك وحبى صاحب الاسم وعلى فكرة الشخص دة ميت الف واحدة بتترمى تحت رجليه مش هتيجى انتى ومتعمليش كدة<br>
نور:انت تعرف انا مهما احاول افهمك مش هعرف انا ماشية<br>
باسل مسكها وقال:انتى رايحة فين فى وش الصبح كدة<br>
نور:رايحة عند ماما ابويا فى الشغل وانا الصراحة وحشتنى عايزة اروحلها لو سمحت <br>
باسل:طب استنى هاجى اوصلك بس اعملى حسابك انا مش مسءول عن اى حاجة تحصلك هناك اوك<br>
نور:ماشى ياسيدى موافقة <br>
لبسوا ومشيوا فعلا<br>
فى المول<br>
بشار:كينت متاكد انك راح تيجى<br>
لميس:ممكن اعرف ايه طبيعة شغلى هنا<br>
بشار:راح تكونى مديرة الحسابات بس مو فى المول فى شركتى اللى  راح تشرفى فيها على شو عم يخرج  وشو عم ييجى شو رايك هاد بيناسب مجالك مو<br>
لميس:شكرا على الثقة دى وان شاء الله اكون عند حسن ظنك بس الشركة دى عبارة عن ايه<br>
بشار:انا واثق من ها الشى كتير منيح بس بدى منك هلا فى بضاعة راح نستوردها من الصين بدى منك تشوفى الملفات الخاصة فييا وتتدرسيه منيح من ناحية المالية الشركة خاصة بمجال الادوية والعقاقير<br>
لميس:تمام ماشى بس فين مكتبى الصراحة انا متحمسة جدا للشغل دة<br>
بشار:اتفضلى معايا هوريكى مكتبك بس مكتبك راح يكون بالشركة مو بالمول بس تقدرى تشتغلى هلا بس يومين مو اكتر<br>
لميس:مفيش مشكلة عادى<br>
مشيوا وراحوا عند المكتب<br>
بشار:شو رايك<br>
لميس:حلو جدا<br>
بشار:منيح تقدرى هلا تشوفى شغلك هاد ملف المشروع حضرتلك اياه اوك<br>
ترن ترن<br>
بشار بيبص لقاها منة فكنسل عليها<br>
لميس:لو فى حاجة مهمة رد <br>
بشار:لا ما فى شى مهم عن اذنك تقدرى تشوفى شغلك هلا<br>
ومشي<br>
لميس:انا معرفش ليه حاسة ان اللى رن تبقى مراته بس ليه كانسل عليها وانا مالى انا طب كلام جنة صح فعلا هو معجب بيا بس انا لازم اعرف وهعرف<br>
قعدت فترة تشتغل وتعرف ابعاد المشروع ايه خلصته وراحت عند مكتب بشار<br>
بشار:شو ها السرعة هيه لميس<br>
لميس:استاذ بشار انا لما بحط حاجة فى دماغى وخاصة لما اكون حباها بخلصها بسرعة <br>
قعدوا يتكلموا فى الشغل لميس حطت ايدها على ثغرات المشروع وقد ايه الدواء دة غالى جدا ومش هيناسب الناس<br>
بشار باعجاب:منيح كتير عن جد انتى نبيهة<br>
لميس:شكرا يااستاذ بشار عن اذنك <br>
بشار:استنى يالميس<br>
لميس:نعم<br>
بشار:راح ترجعى لسليم ولا شو <br>
لميس:هو انا لو سالتك انت مبسوط فى جوازك هترد عليا<br>
تقولى ايه<br>
بشار اتصدم من سوالها:ليش عم تسالى<br>
<br>
<br>
<br>
<br> لميس:زى منت مش عايز حد يدخل فى حياتك انا برده مش عايزة حد يدخل فى حياتى ولو سمحت بطل كلام على سليم مش كل شوية تقعد تكلمنى عنه<br>
بشار:ليش متعصبة خلاص ماراح ايسال مرة ثانية<br>
لميس بتحاول تثير غيرته:انا بحبه وهرجعله وهحاول اغيره ومستعدة استتاه العمر كله انا ملكه هو وبس<br>
جت تمشى بس هو مسكها وقال:هو انتى عبيطة شايفاه الغلط قدامك وبتحاولى تتجاهليه سليم مش بيحبك افهمى بقا هو عايزك عروسة بالظبط الكلمة متنهاش<br>
لميس:وانت بقا بتحب مراتك<br>
بشار سكت مش عارف يقول ايه<br>
لميس:رد عليا<br>
بشار:ايوة بحبها مش مراتى وبعدين احنا بنتكلم عنك مش عنى دلوقتى<br>
لميس:انت بتحبها علشان بتحبها ولا علشان هى مراتك انت ليه بتهتم بيا وبتنصحنى كل شوية<br>
بشار:انتى عايزة توصلى لايه يالميس <br>
لميس:مش عايزة اوصل لحاجة انا خلصت شغلى دلوقتى عن اذنك<br>
ومشيت<br>
بشار فضل يكسر كل حاجة بغيظ شديد كان نفسه يقولها انه بيحبها بس يستحيل مش هيظلم منة وبعدين هو مينفعش يطلقها ولميس مش هتقبل تكون زوجة تانية طب يعمل ايه<br>
فى العربية<br>
نور بخوف:متنزل معايا<br>
باسل:خايفة<br>
نور:جدا ونبى انزل معايا<br>
باسل:طب يلة <br>
نور فرحت ونزلت معاه ودخلوا البيت<br>
ياترى ايه اللى مستنى نور فى البيت؟
<br>
انتقام ام سعى وراء الحب الحلقة 13 <br>
طق طق<br>
سلوى بتفتح تلاقى نور<br>
سلوى بفرحة:نور<br>
نور اترمت فى حضن امها وفضلت تعيط<br>
نور بعياط:انا حاسة انى وحيدة من غيرك اوى ياماما سامحينى انا مش عايزة ابعد عنك تانى ابدا لو سمحتى ياماما كلمى بابا خليه يسامحنى وارجع اعيش معاكوا تانى<br>
سلوى بصت لباسل:انت السبب فى اللى بيحصلها روح ياشيخ منك لله طلقها بقا وسيبها <br>
باسل:انا معملتش حاجة بنتك هى اللى وقفت فى طريقر انتى متعرفيش هى عملت ايه خلينى ساكت احسن<br>
سلوى:هتكون عملت ايه يعنى مش انت اللى خطفتها وضيعت شرفها بايدك بنتى مستحيل تكون عاملت حاجة زى كدة برضاها <br>
نور بعياط:خلينى هنا ياامى انا مش عايزة غير حضنك وبس ابوس ايدك<br>
باسل قرر يمشى ويسيب نور فتح الباب بس لقا عادل فى وشه<br>
عادل اتصدم لما شافه زقه لقا نور فى حضن امها قرب منها وشدها من شعرها وقال بزعيق:شكلك كدة عايزة تاخدى علقة من بتوع زمان يابنت عادل وحشك الحزام من يومك وانتى قليلة ادب وبتاعة مشاكل<br>
نور بعياط:حرام عليك انا عايزة امى وبس مش عايزة منك حاجة تانى ابوس ايدك يابابا قولى اعمل ايه علشان متبعدنيش عن رعايتك وحضن امى<br>
عادل جاب علبة السجاير بتاعته وولعها نور بصتله بصدمة حقيقية<br>
باسل اتصدم وخاف عليها بجد وبص لسلوى لقاها بتعيط وبتبصله علشان يلحقها من جبروت ابوها<br>
عادل:عايزانى اسامحك يبقى لازم تعملى اللى هقولك عليه<br>
نور بعياط:ليه كدة ليه من يومك كدة معايا ليه كنت بتحب حور اكتر منى تعرف انت السبب فى كل اللى بيحصلنا انت اللى ضعيت فلوسك على مشروع فاشل ياما حذرتك بس انت مكنتش عاوز تسمع لحد انت السبب انت اللى خليتنى اقع فى طريق الشخص دة بس تصدق عيشتى معاه ارحم بكتير من عيشتك انا بس لولاه امى مكنتش جيت هنا اصلا انا بكرهك ياعادل انا عمرى م حسيت بطفولتى وانا معاك كانت حور بتاخد كل حاجة كان كل اللى فى ايد حور كنت دايما بطمع فيه حتى ادهم مسلمش منى<br>
سلوى:ابوس ايدك ياعماد سامحها دى بنتك ومن لحمك ودمك حرام تبعدنى عنها <br>
عادل:تبقى تخرجى معاها ياسلوى انا مش طايق اشوفها دى حاطة شرفنا فى الارض<br>
نور:بس انا عايزة امى وعايزة ابقا معاها هى محتاجانى جمبها<br>
عادل:يبقى تعملى اللى انا هقولك عليه <br>
نور:اللى هو ايه<br>
راح وجاب فحم سخن جدا وهى كانت بتترعش من الخوف وبصت ناحية باسل اللى اترعب فعلا<br>
باسل بصدمة:انت جايب الفحم دة ليه...انت عايز تعمل فيها ايه<br>
عادل:هى مش عايزة تبعد عن امها يبقى لازم تعمل كدة نور امسكى الفحمة واضغطى ايدك عليها جامد وساعتها اقدر اسامحك<br>
نور اترمت فى الارض وبتعيط عياط صامت<br>
سلوى بعياط:يالهوى لا ياعادل بلاش الفحم ايدها هتتحرق مش هتستحمل لا ياعادل<br>
عادل بصريخ:لازم تعمل كدة هى السبب فى موت بنتى هى اللى حرقت قلبى عليها نور هتعملى اللى بقولك عليه ولا لا<br>
نور مدت ايدها وخدت من ابوها الفحم باسل جاى يدخل كان واقف بصمت وبس خايف عليها ومستغرب ياترى حياتها مع عيلتها كانت عاملة ازاى جاى يتكلم بس نور منعته وشاورت براسها انه ميدخلش<br>
ضغطت ايدها على الفحمة جامد وغمضت عينها بقوة بتفتكر لحظة م عادل جاب لحور لعب وهى لا بتفتكر لحظة م ابوها بيضربها على اتفه الحاجات لحظة م احتياجها للفلوس خلاها تقع فى وش باسل...باسل كان مغمض عينه بيمنع نفسه من انه يشوفها بس اللى خلاه يجيب اخره صريخها اللى جاب اخر الدنيا<br>
باسل قرب منها وقومها وقال:هتفضلى طول عمرك ملطشة يانور شوفى ايدك بقت عاملة ازاى انتى ليه بتعملى فى نفسك كدة ليه<br>
نور بعياط ووجع:علشان انا استاهل انا عايزة اموت بابا سامحتنى ولا لا<br>
عادل:فاضل بس حاجة واحدة<br>
نور:ايه هى<br>
عادل:تتطلقى<br>
نور وباسل اتصدموا<br>
باسل بص لنور:عايزة تتطلقى يانور<br>
نور بصت فى عنيه وبتلقاءية منها قالت:لا مش عايزة<br>
عادل:يبقى ملكيش مكان هنا <br>
نور:وامى يابابا <br>
عادل:امك تقدرى تشوفيها لما اكون مش موجود اظن كدة عدانى العيب ولا ايه ياجوز بنتى<br>
باسل كان عايز يضربه فعلا بسبب اللى عمله فى نور بس مسك نفسه<br>
باسل من تحت ضرسه:اه اوى الصراحة يلة يانور انا اللى علطان علشان وفقتك تيجى يلة<br>
نور بصت لامها بصة اخيرة ومشيت<br>
سلوى:ليه بتكرها اوى كدة ليه...ليه خليتها تكبر على كرهك ليه خليتها مبتفتكرش ليك غير الوحش وبس<br>
عادل:انتى عارفة كويس بكرها ليه..فمتعمليش نفسك عبيطة دى سبب مشاكلنا انتى نسيتى العرافة قالتلنا ايه ساعة مكنتى حامل <br>
سلوى:بس انت راجل مومن مينفغش تومن بالخرفات دى نور ملهاش ذنب<br>
عادل:لا ليها هى هتجيبلنا النحس انا مش بحبها دى وش فقر<br>
مشى خارج البيت كله<br>
بليل<br>
جنة:ههههههههه دة انت نصيبة ياطارق حرام عليك مش قادرة ابطل ضحك<br>
طارق:تصدقى ضحكتك حلوة اوى<br>
جنة:ههههههه لا ياشيخ متشكرين ياسيدى<br>
طارق:هو احنا هنفضل واقفين كدة كتير ولا ايه<br>
جنة:معلش ياطارق اصل ادهم قالى استناه هو ان شاء الله مش هيتاخر<br>
طارق:يابنتى متيجى اوصلك بدل العطلة دى هو مش هيقول حاجة وبعدين مين هو علشان يقول هو اصلا مين ادهم دة<br>
جنة بتوتر:دة ابن عمى ويعتبر هو اللى مربينى فعلشان كدة بيخاف عليا<br>
<br>
<br> طارق بغيرة:امممم ماشى تحبى اوصلك يعنى ولا ايه <br>
جنة:لا انا هستنى ادهم <br>
وفعلا عدا الوقت وجى ادهم<br>
ادهم:معلش ياجنة اتاخرت اصل بعد العيادة روحت المدافن اقرا الفاتحة لحور<br>
جنة:لا ولا يهمك عادى حصل خير<br>
طارق بغيرة واضحة حسها ادهم:هى مرديتش تخلينى اوصلها قالت علشان انت متزعلش شكلها كدة بتخاف على زعلك اوى<br>
ادهم بص لجنة وبعد كدة بص لطارق:معلش اصل انا نبهت عليها علشان هى لسة متعرفش الطريق وبعدين <br>
جى يكمل بس جنة قطمت الكلام وقالت:بقولك ايه زمان طنط سمية قلقانة علينا يلة علشان منتاخرش باى طارق<br>
ادهم:تمام يلة بينا<br>
ومشيوا<br>
فى العربية<br>
جنة:ممكن اسالك سوال<br>
ادهم:اتفضلى<br>
جنة:هى مين حور دى<br>
ادهم بعصبية:وانتى مالك ايش حشرك انتى<br>
جنة:انت ليه اتضايقت انا بسالك عادى على العموم انا اسفة مش هسالك تانى<br>
ادهم:متزعليش حور دى كانت حبيتى ومازالت وهى حاليا متوفية<br>
جنة باسف:انا اسفة مكنتش اعرف<br>
ادهم:ولا يهمك<br>
جنة:بقولك ايه بلاش الرسميات دى خلينا صحاب احسن علشان الصراحة كدة الموضوع رخم ومش لطيف<br>
ادهم:ماشى ياجنة هنكون صحاب<br>
جنة:بجد<br>
ادهم:ايوة ياستى ومتزعليش منى لو رخمت عليكى<br>
جنة:لا خالص احنا تقريبا مواقفنا مع بعض صغيرة <br>
ادهم:تمام انا قبلت صداقتك وممكن تخلينى اسوق علشان الدنيا زحمة وعايز اركز<br>
جنة بغرور مصطنع:سورى مش هكلمك خالص وعلى فكرة انت اللى خسران<br>
ادهم بضحكة:لا ونبى<br>
جنة ضحكت وحطت الهاند فرى  هو ساق ومتكلموش من ساعتها ووصلوا البيت<br>
فى اوضة لميس<br>
لميس:انتى جيتى<br>
جنة:لا خيالى هو اللى جى<br>
لميس:توء ياجنة تعالى<br>
جنة:فى ايه يالميس<br>
لميس:فى ان شاربة المر من كعانى فيه ان طول عمرى فقرية انا معرفش انا بحب مين فيهم دة انا قربت اتجنن<br>
جنة:انتى اتخبلنى يالميس سليم دة صفحة واتقفلت انتى معندكيش كلام الا عليه..غيرى ام المحطة دى بقا<br>
لميس:طب اعمل ايه دلوقتى انا استغلت مع بشار والشغل معاه حلو جدا<br>
جنة:تمام اشتغلى واتعاملى معاه عادى يالميس هو مقلكيش حاجة ولا شكلوا هيقول بس يعنى ممكن يعرض عليكى الصداقة علشان يبقى قريب منك<br>
لميس:ولو دة محصلش<br>
جنة:يبقى اللى فى دماغك تخيلات وبس<br>
ترن ترن<br>
لميس:ايدة دة بشار<br>
جنة:حلو اوى الكلام دة هاتى التليفون بقا وسيبينى امخمخلك<br>
لميس ايدت لجنة التليفون<br>
جنة:الو<br>
بشار:الو هى لميس موجودة لو سمحتى<br>
جنة:الحقيقة لميس تعبانة جدا وسخنة اوى وهى نايمة حاليا<br>
بشار بقلق:ليه مالها هى كانت كويسة لما كانت معايا لو سمحت ممكن اكلمها بس اتطمن عليها<br>
جنة:متقلقش هى هتيحى ان شاء الله بكرة بس لو معرفتش تيجى اتمنى تعذرها <br>
بشار:تمام شكرا ليكى بس لو سمحتى خلى بالك منها كويس عقبال منا اتطمن عليها بنفسى بكرة <br>
جنة:ان شاء الله سلام<br>
بشار:سلام<br>
وقفلت<br>
جنة:شوفتى علشان تبقى تسمعى الكلام هو هيموت من قلقه عليكى<br>
لميس:مينفعش<br>
جنة:ايه هو اللى مينفعش<br>
لميس:مينفعش يحصل اللى فى دماغه انا مستحيل ادخل على ضرة<br>
جنة:اتنيلى محسسانى انه عرض عليكى الجواز..احنا منعرفش هو نيته ايه من ناحيتك اصبرى واتقلى تمام<br>
خلينى بقا اقولك هتعملى ايه بكرة<br>
لميس:قولى ربنا يستر بس انا مش عايزة اعلقه بيا انا عايزة اعرف مشاعره ايه من ناحيتى<br>
جنة:هتعرفيها...اتقلى شوية بس<br>
عند باسل ونور<br>
باسل:بصى كدة على ايدك انا معرفش كنت بتفكرى فى ايه وانتى بتوافقى على كلام الراجل دة ايدك اهى اتحرقت مبسوطة <br>
نور:على الاقل هشوف امى بس انت ليه قلقان عليا اوى كدة<br>
باسل قرب منها:علشان انتى مراتى يانور لازم اخاف عليكى<br>
نور بحلقت فيه جامد هو اصلا مش عارف ازاى نطقه<br>
نور سرحانة اصلا مش يتتكلم<br>
نور:هو انا مراتك بجد<br>
باسل:ايوة مراتى يانور<br>
نور:بس انا مش بحبك<br>
باسل:مش شرط انك تحبينى على فكرة علشان تبقى مراتى<br>
نور:انت سامحتنى يعنى<br>
باسل:لا<br>
نور:ليه بس مش كفايا لحد كدة<br>
باسل:انا معملتش حاجة لسة<br>
نور:طب انت عايز ايه<br>
باسل قرب منها وهمس فى ودانها بطريقة مثيرة جدا:عايزك تحبينى<br>
نور بصتله بصدمة:مش هيحصل الموضوع دة على فكرة<br>
باسل بتحدى:لا هيحصل يانور <br>
نور:هو ممكن يحصل بس دة فى احلامك<br>
جت تمشى بس شدها من ضهرها ليه جامد وبعد شعرها علشان يخلى رقبتها تظهر وباسها فى رقبتها نور اتصدمت من حركته احساس بالضعف امتكلها مرة واحدة<br>
نور بصوت متقطع:ابعد<br>
باسل بعد عنها ولفها ليه:الله الحلوة بقت ضعيقة قدامى اهو دى الكلمة اللى ربنا قدرك عليه ابعد<br>
مسك ايدها مكان الحرق وفضل يتامل فيه بحرقة هى حست انه زعلان عليها بس معرفتش ليه<br>
باس ايدها المحروقة بسبب الفحم هى فضلت تبصله بصات غريبة حيرة خوف شوق مش عارفة تفسرها خالص<br>
باسل:مش قولتلك هتحبينى يانور<br>
نور بعدت عنه وجريت على الاوضة<br>
هو فرش ونام على الكنبة<br>
وفى دماغه رقصته مع نور وانه ضعف فى لحظة وباسها فيها ضعف فى لحظة وباس ايدها نفسه يسامحها نفسه يعرف ماضيها نغسه يفهمها ويعرفها عمال يفكر كتير اوى راسه وجعته فنام<br>
تانى يوم<br>
جنة خرجت برة الاوضة ودخلت المطبخ علشان تشرب بس اتفجات باادهم <br>
جنة:ايدة انت هنا بتعمل ايه فى وش الصبح كدة<br>
ادهم:عادى يعنى قولت اعمل لنفسى قهوة تحبى اعملك معايا<br>
<br>
<br>
<br> جنة:اه ياريت انت بتشربها ايه<br>
ادهم:انتى بتحبيها ايه اصل انا بحبها سادة من غير اى اضافات عليها<br>
جنة:وانا كمان بحبها من غير اى اضافات عليها<br>
ادهم:تمام هعملك دلوقتى<br>
جنة قربت منه وقالت:هو احنا مش خلاص بقينا صحاب<br>
ادهم:ايوة ياستى بقينا صحاب<br>
جنة:طب متتكلم معايا حساك متضايق اكيد علشان موت حور مش كدة<br>
ادهم بالم:ايوة هى حور موتها كان بالنسبالى صدمة انا لسة بحبها ياجنة ومعتقدش انى اقدر ادخل واحدة قلبى تانى<br>
جنة:ان شاء الله ربنا يجمعك بيها فى الجنة الموت علينا حق ادعيلها ياادهم <br>
ادهم:الله يرحمها ويرحم موتانا اجمعين<br>
جنة:انت رايح عندها انهردة<br>
ادهم:احتمال كبير اروح اه<br>
جنة:طب متاخدنى معاك اروح ازورها وبالمرة اتعرف عليها ايه رايك<br>
ادهم استغرب هى عايزة تروح لحور ليه<br>
ادهم:لو حبة تروحى على فكرة انا معنديش مانع اطلاقا<br>
جنة:شكرا جدا ياادهم<br>
ادهم:طب هو انا ينفع اطلب منك طلب كمان<br>
جنة:اومر رقبتى سدادة<br>
ادهم:بدل متشتغلى مع طارق ايه رايك تشتغلى معايا انا اصلا محتاج سكرتيرة <br>
جنة:ايوة طبعا موافقة بس طارق هيزعل<br>
ادهم:لا ان شاء الله مش هيزعل لو حبة تنزلى معايا النهردة تمام<br>
جنة:ايوة تمام <br>
ادهم:قهوتك<br>
جنة:شكرا<br>
وشربوا القهوة مع بعض وفضلوا يرغوا كتير<br>
لميس:صباح الخير<br>
ادهم:صباح الفل ايه ماشية<br>
لميس:ايوة ماشية رايحة المول<br>
ادهم:طب استنى هوصلك اطلع اغير بس<br>
لميس:اوك<br>
ومشى<br>
لميس:انتوا كنتوا بترغوا فى ايه<br>
جنة:عادى يعنى بندردش دردشة عادية بس تصدقى طلع طيب <br>
لميس:ايوة طيب وحليوة وجينل مش كدة<br>
جنة بسرحان:جدا...ايدة ايدة انتى بتوقعينى فى الكلام ولا ايه اوعى كدة خلينى اطلع اغير اوعى<br>
لميس:جنة على الحافة بس ادهم دة اللى موال ربنا يقدملوا اللى فى الخير<br>
فى المول<br>
لميس:مساء الخير<br>
بشار قرب منها وقال بلهفة:انتى كويسة يالميس<br>
لميس:انت مالك قلقان كدة ليه...تعب بسيط متقلقش<br>
بشار:لازم اقلق يالميس دة انتى حبى وعشقى<br>