انتقام ام سعى وراء الحب الجزء الاول

انتقام ام سعى وراء الحب الحلقة 3 و4

رواية انتقام ام سعى ورا الحلقات 3_4
الحب الحلقة 3 بقلم هاجر عبدالحليم<br>
فى بيت ادهم<br>
فى اوضة لميس<br>
ادهم:لميس انا لقيتلك شغل كويس<br>
لميس بفرحة:بجد.. فين الشغل دة<br>
ادهم:مول ملابس كبير عند واحد صاحبى من زمان ايه رايك<br>
لميس باستغراب:صاحبك مين دة ياادهم انا اعرفه يعنى<br>
ادهم:لا انتى متعرفهوش بس هو انسان محترم وبيراعى ربنا فشغله ومش هخاف عليكى عنده هو اسمه بشار على العموم لازم تيجى معايا ان شاء الله تشوفى المول<br>
لميس:ماشى بس اعمل حسابك نقاب لا<br>
ادهم باستغراب:رجعتى فى كلامك ليه يالميس.. انتى يابت انتى مش قولتى انك هتلبسى النقاب ووافقتى عليه دلوقتى بتقولى لا ليه<br>
لميس:هو انت مش قولت انك بتثق فى صاحبك دة يبقى ليه لازم البس النقاب دة بقا<br>
ادهم:انا والله تعبت منك يالميس اعملى اللى انتى عايزاه<br>
لميس:حبيب قلب اختك والله العظيم<br>
وباسته فى خده وقالت:يلا خلينا نروح الشغل بسرعة<br>
ادهم:البسى ويلة وانا هستناكى تحت<br>
لميس:فوريرة<br>
عند جاك <br>
الكل كان قاعد بيدرب<br>
رامى:الله عليكى ياهنا وعلى صوتك دى اختى ياجماعة والله<br>
هنا لجاك:ايه يبنى مش هتتدرب معانا ولا ايه الحفلة كمان يومين ومهمة جدا لازم نكون كويسين اوى ونعمل بصمة كويسة<br>
جاك:ان شاء الله <br>
هنا:مالك ياجاك<br>
جاك:مليش<br>
رامى بصوت هادى لهنا:بقولك ايه روحى كلميه بعيد عننا انتى مش شايفة الفرقة كلها بتبص ازاى<br>
هنا:حاضر وبعد كدة بصت لجاك:تعالى ياجاك عايزة اتكلم معاك شوية<br>
جاك:اه طبعا ياهنا تعالى<br>
راحوا وقعدوا فى مكان هادى<br>
هنا:مالك ياباسل<br>
جاك اتخض اول مرة هنا تقوله باسمه الحقيقى<br>
جاك:اول مرة تقوليلى ياباسل دى من زمان ياهنا<br>
هنا:الصراحة انا اول مرة اشوفك مهموم وسرحان كدة اسمعنى كويس انا اسفة انى بدخل بس والله من خوفى عليك<br>
من اليوم ورايح هو اسمه باسل فى نظركم تمام بس نور مش هتعرف بالموضوع دة<br>
باسل:ممكن بلاش المقدمات دى علشان انتى عارفة كويس انى مستحيل ازعلك<br>
هنا:ليه كدة ياباسل انا عايزة اعرف ايه اللى فى دماغك ناوى على ايه من ناحيتها وانت عملت ايه علشان توافق تتجوزك<br>
باسل:ايه يابنتى المفتش كرومبو معايا ولا ايه انا والله العظيم معملتلهاش حاجة<br>
هنا:بطل كدب<br>
باسل:والله ما بكدب ياهنا اسمعى انا فعلا خطفت نور بس فعلا انا ماذيتهاش فى حاجة خالص<br>
هنا:ممكن توضح اكتر علشان والله العظيم مش فاهمة حاجة خالص<br>
باسل:اللى حصل انى خطفتها فعلا وقولت للرجالة انهم فعلا يغتصبوها بس هى من اللى شافته معاهم اغمى عليها بعد صويت وصريخ منها ولما الرجالة كلمونى قولتلهم يمثلوا عليها انهم عملوا معاها اللى المفروض يعمله واجرت دكتور يقولها انها مش بنت بنوت وانا مديتلهاش فرصة انها تروح لوحدها تتاكد بس ياستى <br>
هنا:طب الجواز ليه اتجوزتها ياباسل<br>
باسل:مش عارف بس يمكن علشان اوريها النجوم فى عز الضهر مثلا<br>
هنا بجدية:ايه اللى انت عملته غلط ياخوفى ياجاك الديك تكون حبيتها وبتخبى عليا<br>
باسل:بطلى عبط انا مليش فى الجو دة.. خلينى فى شغلى احسن...انا عملت كدة علشان اللى عملته فيا مش قليل واقفلى على الموضوع خلينا نتدرب علشان الحفلة دى<br>
هنا:ماشى يلة<br>
فى بيت نور<br>
حور قاعدة فى الاوضة بتحرك رجليها بتوتر<br>
طلعت موبايلها ورنت على ادهم<br>
فى العربية<br>
ترن ترن<br>
لميس:مترد<br>
ادهم كانسل<br>
حور رنت تانى<br>
لميس مسكت الموبايل:هى حور بترن عليك ليه <br>
ادهم خد منها الموبايل وقال:ملكيش دعوة انتى ختى الموبايل ليه<br>
لميس:هو فى حاجة حصلت بينك وبين نور <br>
ادهم بتوتر:لا مفيش حاجة حصلت بقولك ايه هاتى ازازة المياه هتلاقيها ورا
لميس محبتش تتكلم تانى راحت وجابت كباية المياه ومشيوا رايحين المول<br>
عند حور<br>
حور بنفاذ صبر:ايدة هو مش بيرد عليا ليه ماشى ياادهم والله لوريك<br>
حور رنت على ابوها فى الشغل<br>
حور:الو<br>
عادل:ايوة ياحور خير يابنتى <br>
حور:هو العريس دة جاى امتى <br>
عادل:هههههههه انتى وقعة كدة ليه الله يرحم لما كنتى عاملة فيها رضوى الشربينى هو جاى بكرة هو واهله ابقى اجهزى كويس وسلام بقا علشان خاطر الشغل<br>
حور:ماشى سلام<br>
حور رنت تانى على ادهم<br>
ادهم بزعيق:ايه فى ايه ترن ترن ايه لبانة لزقة ومش هتتطلع اقفلى بقا انا مش طايق اسمع صوتك <br>
حور اتضايقت منه وعيطت بصمت هو حس بعياطها بس متكلمش وصدمته كانت فى اللى هى قالته<br>
حور:وانت مين يعنى علشان الزقلك انا بس كلمتك علشان بابا عازمك على قراية فتحتى فكلمتك علشان ابلغك احنا خلاص ياادهم زى م انت قلت صفحة واتقفلت ومش هتتفتح تانى سلام ياللى كنت فى يوم من الايام حبيبى<br>
وقفلت<br>
ادهم قفل الموبايل وكان فى حالة صدمة<br>
لميس:المول حلو اوى يادومة<br>
ادهم ساكت <br>
لميس:ايه سرحان فى ايه<br>
ادهم:ها لا مفيش حاجة انتى قولتى لسليم انك جاية المول<br>
لميس:ايوة قولتله متقلقش اى نعم خت منه اجدعها كرباج بس الحمد لله عدا على خير وعملت اللى فى دماغى<br>
ادهم:تمام يلة بينا <br>
راحوا عند بشار وخبطوا<br>
بشار قام وحضن ادهم وقال:عاش من شافك ياادهم عامل ايه وايه اخبار الدنيا معاك<br>
<br> ادهم:والله ليك وحشة يابشار عامل ايه؟تعرفى يالميس على الرغم من ان بشار لبنانى بس بيتكلم عربى كويس جدا<br>
بشار:اهلا وسهلا ياانسة لميس<br>
لميس سلمت عليه هو بحركة لا ارادية باس ايديها هى اتصدمت وبصت لاخوها خايفة ليتهور<br>
بشار:اوعى تكونى اتضايفتى اصل الصراحة متعود اعمل كدة لما اشوف واحدة لاول مرة لو اتضايقتى فاانا اسف<br>
لميس:لا عادى مفيش مشكلة الحقيقة انا جيت علشان اشتغل مع حضرتك لو مفيش مانع يعنى<br>
لميس:لا طبعا دة انا اتشرف بيكى تقدرى تشتغلى من النهردة لو عايزة<br>
لميس:معلش نخليها بكرة <br>
بشار:تمام عادى مفيش مشكلة خالص ومتقلقيش من اى حاجة <br>
ادهم:تمام يابشار شكرا ليك جدا<br>
بشار:على ايه ياجدع متقلقش كدة انا مستنيكى ياانسة لميس<br>
لميس:ان شاء الله<br>
ادهم:سلام يابشار<br>
بشار:سلام <br>
ومشيوا<br>
بشار الخولى 31 لبنانى الاصل متزوج من 3 سنوات بس معندوش ولاد جوازه ممل جدا بيعانى من قلة الاهتمام من جانب مراته<br>
فى العربية<br>
لميس فضلت سرحانة وبصة على ايديها وتضحك بس منعت الضحكة انها تظهر اكتر<br>
ادهم:ايه رايك يالميس فى بشار<br>
لميس:هو كويس الصراحة بقولك ايه هو متجوز اصلى شوفت الدبلة فى ايده<br>
ادهم:ايوة متجوز بس جواز على ما تفرج يعنى جواز تقليدى جدا هتقوليلى بيحبها هقولك حب عشرة بس<br>
لميس:طب ميطلقها طالما مش حابب العيشة معاها<br>
ادهم:مينفعش دى بنت عمه وملهاش غيره ابوها وامها ماتوا فى حادثة هو اللى دايما بيكون معاها ومش سايبها<br>
لميس:ربنا يجعل دة فى ميزان حسناته<br>
ادهم:يلة خلينى اروحك واروح انا على العيادة<br>
لميس:تمام<br>
بليل<br>
عند نور<br>
باسل دخل البيت دور على نور لقاها نايمة فى الاوضة وباين على شكلها تعبانة دخل المطبخ وبيبص لقا فعلا نور عملت المحشى ضحك ضحكة خفيفة ودخل الاوضة تانى<br>
باسل بصريخ:نور<br>
نور صحيت بتبص يمين وشمال بفزع:حرامااااااى فين <br>
باسل:حرامى ايه دة انا جاك<br>
نور:طب انا راضية ذمتك فى حد يصحى حد على صريخ كدة دة انا قطعت الخلف ياشيخ<br>
باسل:انتى ايه اللى دة يانور انا قولتلك اعملى محشى صح دة مش محشى ابدا دة حاجة تانية خالص<br>
نور متصنعة عدم الفهم:قصدك ايه انا مش فاهمة حاجة ابدا<br>
قرب منها ومسك ايدها ودخلوا على المطبخ فتح الحلة<br>
باسل:تقدرى تفهمينى ايه دة<br>
المحشى كان الورق بتاعه مقطع ومحروق <br>
نور بصوت متقطع:والله انا قولتلتك انى مش بعرف اعمل المحشى انا حذرتك من الاول مش كدة<br>
باسل بجدية:طب انا عايز اكل اتصرفى بسرعة عصافير بطنى بتسوسو ومش قادر<br>
نور بخوف:طب اعمل ايه طيب انا نزلت جيبت المحشى بس ومفيش اكل خالص هنا انا دورت كويس فى التلاجة<br>
باسل:تنزلى تجيبى اكل حالا يانور ومتقوليش لا والوقت على فكرة مش متاخر تقدرى تنزلى<br>
نور:انت بتهزر انا يستحيل انزل على فكرة<br>
باسل قرب منها وشدها ليه من شعرها هى صعقت من اللى هو عمله<br>
باسل:هتنزلى يانور دلوقتى حالا والا<br>
نور بلعت ريقها بصعوبة وقالت:صدقنى مش هينفع انزل فى الوقت دة خالص حاول تفهمنى<br>
باسل شدها ودخلها الاوضة وقلع التى شيرت اللى كان لبسه نور مسكت عينها وقالت:لا لا انت يستحيل تعمل كدة انا خلاص هنزل اجيب اكل بس مش هلاقى ربنا يستر بقا واطلع برة خلينى اغير <br>
باسل:انزلى هاتى اكل جاهز okey انا فعلا جعان انا خارج خمس دقايق وتكونى هنا تمام<br>
نور نفخت وقالت:تمام اتكل بقا<br>
تفتكروا نزولها هيعدى على خير ولا لا؟وتفتكروا لميس هتحب بشار ولا حب سليم متملك منها؟وتفتكروا بشار هيحب لميس وهيلاقى فيها الحاجة اللى بيدور عليه ؟ولحد امتى هيفضل ادهم بيعاند مع حور؟<br>
<br>
رواية انتقام ام سعى ورا الحب الحلقة 4 <br>
فى بيت ادهم<br>
طق طق<br>
سمية:اهلا ياسليم يبنى اتفضل <br>
سليم:معلش ياطنط انا جيت فى وقت متاخر بس انا كنت عايز لميس ضرورى<br>
سمية:بس ياسليم الوقت متاخر واكيد لميس نايمة لو فى حاجة مهمة ممكن تقولى وانا ابلغها<br>
سليم ببرود:والله اللى انا عايزها فيه لازم تكون هى فى وشى علشان اعرف اكلمها كويس هى عملت حاجة المفروض تفسرها<br>
سمية بعدم فهم:حاجة ايه دى ياسليم <br>
سليم جاب الموبايل من جيبه ورن على لميس<br>
لميس:الو<br>
سليم:انا فى البيت عندك انزلى حالا بسرعة يالميس<br>
لميس:استنى انا نازلة حالا<br>
لميس بخضة قامت من على السرير وبتدور على حاجة تلبسها ونزلت<br>
لميس:فى ايه ياسليم ايه اللى جابك فى ساعة زى دى<br>
سليم بيحاول يمسك اعصابه:انا وادهم مش اتفقنا معاكى ان مفيش شغل ودلوقتى روحتى اشتغلتى عند بشار الخولى انتى مجنونة يالميس<br>
لميس:انا واحدة معايا شهادة ليه مستغلهاش وبعدين انت ليه مش عايزنى اشتغل بجد مش فاهمة وبعدين بشار قصدى استاذ بشار انسان محترم وجينتل جدا<br>
سليم بعصبية:لمبس الزمى حدودك انتى بتتكلمى على راجل تانى قدام خطيبك على فكرة<br>
لميس:على فكرة انا مغلطتش خالص بس انت علشان شكاك حسبتها كدة انا خلاص تعبت منك انت جيت ليه اصلا<br>
سليم:جيت علشان اقولك مفيش شغل خالص دلوقتى ودة قرارى الاخير يالميس<br>
لميس بتحدى:وانا مش موافقة كله الا شغلى ياسليم<br>
سليم بزعيق:لميس بلاش استفزاز <br>
طق طق<br>
لميس:دة اكيد ادهم <br>
فتحت لقت ادهم<br>
ادهم سلم ودخل لقا سليم <br>
ادهم باستغراب:سليم ايه اللى جابك فى الوقت دة<br>
سليم:دة انا شكلى مش مرحب بيه هنا خالص<br>
ادهم:لا لا متقولش كدة ياسليم انا بس مستغرب على العموم اهلا بيك بس ايه سبب الزيارة دى فى الوقت دة<br>
سليم بعصبية:اختك المحترمة اللى المفروض هتكون مراتى بتجادلنى وبتخرج عن طوعى انا قولتلها مفيش شغل ودلوقتى هى بتقولى انها هتشتغل شوف صرفة معاها انت بقا ياادهم<br>
ادهم:دى حاجة تخصها هى ياسليم هى مش بتعمل حاجة غلط علشان تمنعها هى تعبت فى التعليم من حقها تشتغل على فكرة لا انا ولا انت نقدر تمنعها<br>
سليم:طالما انا مش هقدر امنعها يبقى نفضها سيرة ياادهم<br>
لميس اتصدمت وقالت:عايز تسيبنى ياسليم دى اخرة صبرى عليك وتعبى معاك <br>
ادهم:اسكتى انتى يالميس ملكيش دعوة عايز تسيبها ياسليم سيبها ميت الف واحد يتمناها <br>
سمية:ياولاد استهدوا بالله دى اكيد عين وصابتكم كله هيتحل ان شاء الله بالتفاهم<br>
لميس:مفيش تفاهم ياماما خلاص يااستاذ سليم قدى دبلتك اهى <br>
وقلعت الدبلة وفتحت ايده واديتهاله وجريت على اوضتها عمالة بتعيط هى حبيته بجد وما زالت من وجهة نظرها انه جرحها وتخلى عنها هى صبرت عليه كتير وعلى طباعه معاها دة اخرة صبرها عليه<br>
ادهم:اعتقد كدة ملكش مكان هنا. اتفضل اطلع برة<br>
سمية:ياادهم ملكش دعوة انت اخرج برة الموضوع دة خالص<br>
ادهم:يعنى ايه مليش دعوة دى اختى ياماما سليم انت لازم تتعالج من المرض اللى انت فيه دة<br>
سليم بعصبية:انت شايفنى مريض علشان اروح اتعالج واختك على فكرة ولا تلزمنى انا ماشى ووعد منى هى اللى هتيجى وتقولى انى ارجعلها سلام ياادهم<br>
ومشى<br>
جت امه تتكلم بس هو مداهاش فرصة ودخل جوة اوضته<br>
فى الشارع<br>
نور ماشية فى الشارع عادى عمالة تلعن فى باسل كان فى حد بيراقبها الحد دة رن على شخص ما<br>
المتصل:البت انا شايفها اهى ياباشا<br>
الشخص:انت متاكد انها نفس البنت اللى فضحت جاك الديك <br>
المتصل:ايوة متاكد ياباشا عيب عليك المهم ايه الخطة<br>
الشخص:انا متاكد انه اتجوزها طالما هو عمل كدة يبقى اكيد خدت ولو جزء صغير من قلبه اخطفها وهاتها فى المكان اللى قولتلك عليه<br>
المتصل:اشطا سلام بس حلاوتى كدة هتتضاعف<br>
الشخص:اللى انت عايزه هاديهولك يلة سلام<br>
المتصل:سلام<br>
فتح العربية وقرب ناحيتها وكممها الناس شافته بس هو قالهم انها مراته واغمى عليها الناس بطيبتها صدقت دة<br>
خدها وراح بيها للمكان المقصود<br>
عند جاك او باسل الاتنين واحد ياجماعة<br>
كان قاعد بيتفرج على مجلة بعدم اهتمام بيبص على الساعة لقا الوقت اتاخر قلق عليها عمال بيهز رجليه بيقاوم احساس الخوف عليها مش عارف عدت فترة مش كتير وتليفون باسل رن<br>
باسل:الو<br>
المتصل:معقولة مش عارف صوتى ياجاك <br>
باسل:لا وحيات ابوك مش وقت هزارك دة على المسا ما تخلص ياعم وقول عايز ايه<br>
المتصل:عايز اباركلك على الجوازة بس ياخسارة مش هتلحق تتهنا بيها خالص لان العد التنازلى لعمرها على وشك الاتنهاء <br>
باسل بقلق ممزوج بالعصبية:انت فين يازبالة اياك تقرب منها...هى فين <br>
المتصل:انا مين انا الشخص اللى خت منه كل حاجة نور فين انا هديك العنوان بس علشان تعرف انى عايزك انت مش هى العنوان اهو ................وخليك راجل وتعالى لوحدك علشان نصفى حسابتنا<br>
باسل بزعيق:انا رجل غاظ من عنك يازبالة ومتخافش هاجى لوحدى انت مجرد حشرة تتداس بالرجلين ومحدش يسال عنها ابدا انا جاى حالا اقفل<br>
باسل لبس بسرعة ونزل عند الراجل اللى اتصل بيه احساس بتانيب الضمير ماليه لانه السبب فى نزولها<br>
فى العربية<br>

<هنا:يانهار ابيض
اتخطفت ازاي دى<br>
باسل:والله العظيم انا مكان قصدى حاجة ياهنا انا بس كنت بنتقم منها على اللى عملته فيا انا مغلول منها اوى ياهنا<br>
هنا فاض بيها وقالت:انت ايه ياباسل حرام عليك يااخى لحد امتى هتفضل كدة معاها اللى حصل حصل خلاص انت اتجوزتها ياباسل عايز تربيها ربيها ماشى بس مش تنزلها بليل لوحدها الله اعلم الشخص دة ناويلك على ايه <br>
باسل بندم:خلاص ياهنا لو سمحتى كفايا انا بس بتصل بيكى علشان لو غيبت عليكى ترنى على البوليس انا معنديش استعداد اخاطر بيها تانى<br>
هنا:ماشى خلى بالك من نفسك<br>
باسل:خليها على الله سلام<br>
هنا:سلام<br>
بجججاسل بيسوق بسرعة جنونية عايز يلحقها من اى خطر بيواجها<br>
فى مكان ما<br>
طراااااااااخ<br>
نور بزعيق:جرا ايه بقا هو اللى رايح واللى جاى يضربنى ولا ايه انا مش ملطشة وقولتلك لو عايز تقتله اقتله انا ميهمنيش اللى اسمه جاك دة ومش عارفة اى جاجة عنه خالص<br>
مايكل بخبث:يابختك ياعم جاك طول عمره محظوظ فى شغله وفى حياته كمان واحدة شقرا مرة واحدة مش كدة ياجون<br>
جون:مت بس ياعم خلينا نشوف هنعمل فى امها ايه دى<br>
نور:ياجماعة ممكن سوال انتوا اساميكوا غريبة كدة ليه انت اسمك جون والمفروض تتكلم انجليزى او على الاقل زى ابو غامض دة اللى كل لما يتكلم يلزقلى كلمة انجليزى فى النص <br>
مايكل:احنا اسامينا مش حقيقة بس علشان خاطر شغلنا الاسامى دى بتعلق مع الناس<br>
نور:اهااااا فهمت دة على كدة جاك دة مش اسمه الحقيقى مش كدة<br>
جون بزعيق:متسكتى يابت انتى وانت ياعم خت عليها اوى ولا ايه تصدق انا اللى غلطان انى جيبتك <br>
وشد شعرها جامد وقال:جاك دة صدقينى هموته قدام عنيكى بس بالبطى هو لازم يتكسر وانا عارف هكسره ازاى علشان خد منى كل حاجة شغلى وحبيتى وجمهورى كل حاجة بس اصبرى وشوفى<br>
وخرجوا وقفلوا الباب احساس متملك منها احساس انها هتخسر حاجة غالية عليها بس ياترى ايه اللى فى دماغ جون دة<br>
فى بيت ادهم<br>
ادهم خد شاور وجاى ينام تليفونه رن بيبص لقاها حور رد عليها بس قبل ميقول الو سمع عياط بصمت غمض عينه جامد صعبت عليه فعلا<br>
ادهم بحنية:ممكن اعرف انتى بتعيطى ليه ياحور حرام عليكى نفسك انتى عايزة ايه ياحور انا تعبت منك والله<br>
حور بعياط هادى:بحبك اعمل ايه بس للاسف الشخص اللى بحبه مقدرش حبى ليه ودلوقتى بيتخلى عنى بسهولة دة حبك اللى وعدتنى بيه <br>
ادهم بعصبية:انا حبى مش ضعيف ياحور تصدقى احنا فعلا غامضين اوى منحسش بقيمة الحاجة الا لما تروح مننا مشكلتك ياحور انك بتحكمى على الموضوع بدماغك انتى بس... فاكرة ياحور لما جيتى العيادة وقولتيلى ان نور بتحبنى<br>
حور غمضت عينها جامد بحزن واقتكرت اللحظة اللى كان بيقول عليها<br>
فلاش باك<br>
حور دخلت على ادهم العيادة <br>
ادهم قام وباسها فى جبينها وقال:وانا بقول العيادة منورة ليه وحشتينى<br>
حور بجدية:ادهم احنا لازم نسيب بعض انا ما بقتش عايزاك انسانى ياادهم<br>
ادهم:انتى بتهزرى صح ههههههه قولى انك بتهزرى<br>
حور متصنعة القوة والتماسك:لا ياادهم انا مش بهزر خالص انت لو تعرف ايه السبب هتعذرنى <br>
ادهم بصدمة:سبب ايه دا ....دة انا خلاص كلمت ابوكى وحددت معاه ميعاد...للدرجادى انا رخيص عندك كدة فهمينى هو انا زعلتك فى حاجة علشان تسيبنى<br>
حور معلقتش جت تمشى هو مسكها جامد:انتى رايحة فين مفيش مشيان من هنا غير لما تقوليلى فى ايه<br>
حور بزعيق:فى ان اختى نور بتحبك جاتلى وقالتلى انها بتحبك كنت عايزنى اعمل ايه وانا شايفاها بتقولى انها اخيرا خلاص حبت<br>
ومسكت قميصه جامد:اختى دى مقدرش اشوفها بيتتعذب قدامى حتى لو دة كان على حساب قلبى وقلبك انا فعلا بحبك بس مش بايدى.. اعمل ايه<br>
ادهم بصدمة:نور بتحبنى...ازاى؟ وانتى اصلا مين قالك انى ممكن اوافق اخطب نور <br>
حور:هتعملها ياادهم انا واثقة انك هتعملها<br>
ادهم:لا ياحور مش هيحصل<br>
حور طلعت من شنطتها سكينة وحطتها على رقبتها وسط ذهول ادهم<br>
ادهم بصدمة:لا ياحور انتى بتعملى ايه...لا بلاش جنانك دة<br>
حور:هتروح تخطب نور ولا لا ياادهم علشان خاطرى لو بتحبنى اعمل دة علشانى نور بتحبك وهتسعدك<br>
ادهم:طب سيبى السكينة دى وبلاش علو صوت احنا فى العيادة ياحور مش هعرف اسعدها صدقينى المشاعر والحب مش بالعافية هظلمها ياحور<br>
حور مسكت السكينة وعلى الشريان عدل هو اتخض ومسك السكينة من ايديها ورماها<br>
ادهم بزعيق:حور هى حياتك رخصية عندك كدة انتى عايزة ايه اتجوزها ماشى ياحور بس صدقينى الصفحة بتاعتنا لو اتقفلت انا مش هفتحها تانى هنساكى ياحور<br>
حور ضحكت ضحكة خقيفة معناها انها خلاص هتنساه ومشيت كان كل همها انها تسعد اختها حتى لو دة على حسابها <br>
باك<br>
حور:انت ليه مش عايز تنسى الموضوع دة<br>
ادهم:مش بايدى ياحور<br>
حور:لا بايدك انت لو عايز تسامحنى هتسامحنى.<br>
ادهم:انا اللى غلطان مش انتى يبقى لازم اتحاسب واكبر عقاب ليا هو بعدى عنك ياحور<br>
حور بعياط:لا ياادهم انا مش مستعدة اكون ملك حد تانى ادهم ادهم<br>
قفل ادهم السكة وهى رمت نفسها على السرير وفضلت تعيط:غبية ساذجة غبية غبية ضيعتيه منك خلاص انسيه ياحور وعيشى حياتك انتى قدها ياحور هو نسيكى خلاص<br>