وكيف أهرب منه إنه قدري هل يملك النهر تغييراً لمجراه للكاتبة/ بوح.الصمت

الجزء الواحد والاربعون

البارت 41

..................
جود طلعت من الغرفه وشافت الطاولة فيها اكل وورد منثور 
فهد: صباح الخير 
جود: صباح النور .كل هالشي انت سويته
فهد: اكيد 
جود: طلعت شيف خطير ونحن ما عندنا خبرك
فهد: جربي وبعدها نقدر نقرر 
سحب الكرسي لجود وجلست 
جود: كل هالدلع لي انا 
فهد: تستاهلي اكثر يا قلبي 
جلست وبدا فهد يوكلها وكانت مستمتعه بالاكل لانه جد كان لذيذ
جود: بصراحة طباخك حلو وايد عجبني 
فهد: من غير مجاملات بليز
جود: والله ما اجامل وبعدين خلص والله شبعت 
فهد: لا لازم تتغذي عشان شوي تمتني 
جود: لااا خلني كذا خفيفة أحسن 
....................
رفا كانت تكح بقوة ريان الي كان جاي من الاجتماع سمع كحتها القوية ودخل للغرفة شافها نايمة ووجها احمر حط ايده على جبينها وكانت حرارتها مرتفعه وتكح 
ريان: قلتلها بتمرض وهي بس تعاند 
توجه للمطبخ وجاب ماي بارد وفتح علبة الادوية وطلع خافض حرارة 
ريان: رفا حبيبتي قومي شوي بعطيك دوا
رفا تحاول تفتح عيونها لكن مو قادره من الألم بدت دموعها تنزل : ابي امي ورغد 
ريان مسك ايدها: انا هنا معك قومي الحين خليني اساعد بعطيك دوا وبعدها بسويلك كمادات ان شاءالله تخفي 
ريان جلس ونومها فحضنه عطاها الدوا وبعدها بدا يسويلها كمادات 
...........
مرت ساعات على رغد وهي ما فتحت عيونها رعد نام جنبها وهو ماسك ايدها من التعب شوي وحس بضغط على ايده قام وشافها تتحرك وتحاول تفتح عيونها 
رعد: حبيبتي رغد 
رغد فتحت عيونها : ليش مطفين النور 
رعد استغرب وهو يشوف المكان منور 
رغد: رعد افتح النور عيوني تعورني بعدين انا وين وشو صار 
رعد وهو متفاجئ ويحاول يكذب نفسه وهو مو مستوعب معقوله الي فباله صحيح وان رغد انعمت وما عاد تشوف 
رعد: لحظات حبيبتي شوي واجي 
رعد خرج من عندها وركض للدكتور خبره انها صحت وانها ما تشوفي أي شي الدكتور جا عشان يفحصها 
رعد وهو متوتر وياكل باظافره ويطالع بالدكتور الي صارله نص ساعه وهو يفحص عيونها ويسألها كل مرة سؤال طلع الدكتور وطلع رعد وراه 
رعد: دكتور شفيها زوجتي وليش تقول انها ما تشوف 
الدكتور: هذا الي توقعته مثل ما خبرتك ان الضربه جتها فمكان حساس براسها وهذا أدى لاصابتها بعمى بس يمكن يكون هذا العمى مؤقت أيام او اشهر ويرجع نظرها مع الادويه الي بتساعد وفي أسوأ الحالات الي نادرا ما تصير ان البصر يروح 
رعد كان مصدوم ومو قادر يصدق كلام الدكتور يعني خلص رغد انعمت 
الدكتور: انت خل ايمانك بربك كبير وان شاءالله كلها أيام ويرجعلها نظرها المهم الحين لازم تخبرها 
الدكتور راح ورعد تسند على الجدار وهو حاس ان كل قوته راحت مو عارف كيف بتكون ردة فعلها لما يخبرها دخل الغرفة وجلس جبنها ومسك ايدها 
رغد: شفيك رعد انا شو فيني 
رعد: رغد سمعيني زين وما ابيك تنفعلي ولا أي شي انا جنبك ومستحيل اخليك مهما صار 
رغد: رعد لا تخوفني قولي شوصاير وشو قالك الدكتور 
رعد غمض عيونه واخذ نفس وهو يحاول يخبرها اذا كان الخبر نزل عليه مثل الصاعقه وما قدر يتحمله كيف هي مسكينه 
رعد خبرها شو قال الدكتور بالضبط انتظر وهو يبي يشوف ردة فعلها 
رغد كان جسمها يرجف ودموعها تنزل رعد يطالعها وقلبه يتقطع عليها 
ما سمع غير صرختها الي ملت المكان نزلت من السرير وهي تتخبط بالجدران وهي يحاول يمسكها ويهديها لكن كانت تدفه وتبعده عنها وهي كل مالها صرخاتها تعلى رعد نادى عالممرضات ومسكها بكل قوته9 بين احضانه دخلوا الممرضات وعطوها ابره مهدئة وطاحت بين ايديه جلس بالأرض وهي فحضنه وهو يبكي على حالها وهي تهلوس وتهوجس بكلام مو مفهوم بعد ما نامت رفعها عالسرير وطلع اتصل على امه وخبرها بالي صار واتصل على أمها وابوها 
..............
رجعوا للبيت بعد ليلة اعتبروها من اجمل الليالي الي مرت من لما تزوجوا
فهد: السلام عليكم 
ريم وام فهد: وعليكم السلام
ام فهد: شخباركم 
جود: الحمدلله خالتي طيبن 
ام فهد: فهد يمه ابيك توصلني المستشفى اتطمن على رغد يقولوا تعبانه مسكينه 
جود لما سمعت اسم رغد حست قلبها استعل من الغيره وليش فهد يروح 
فهد حس ان جود تنرفزت لما فكت ايدها من ايده 
جود: عن اذنكم 
وطلعت للغرفة 
ريم: جود انتظريني ابيك 
وركضت لفوق عند جود 
فهد ما كان يبي يرد امه غصبا عنه : طيب يمه يالله 
بالغرفه جود كانت معصبه دخلت ريم وشافتها تهز رجولها من العصبيه 
ريم: شفيها الحلوة 
جود: هاه لا ما فيني شي تعالي 
ريم نطت فالسرير جنبها ومسكتها من ايدها 
ريم: يالله ابي اعرف كل شي وين كنتوا وشو سويتوا وشو صار 
جود: شوي شوي عليي خليني اخذ نفس شوي 
.................
ريان كان يسوي الكمادات لرفا لاحظ الاحمرار الي بجسمها والحبوب الصغيرة 
ريان: رفا شفيه جسمك احمر وكله حبوب
رفا وهي بصعوبة تتكلم من التعب: فيني حساسية من الاكل البحري وامس اكلنا 
ريان : وليش ما تقولي عاجبك حالك الحين 
رفا: قلت بأكل شوي ما بيأثر والله احبه محرومه منه
ريان: بشوف مرهم للحساسيه احطلك منه الى ما ادويك المستشفى
رفا: لا ما ابي مستشفى الله يخليك ما احب الابر أخاف
ريان: دامك تخافي الابر ليش تأكلي شي وعارفه انه بيضرك 
قام ريان وتناول المره وجلس : خليني احطلك 
رفا: لا عطني بحط بروحي 
ريان: رفا لا تعاندي بعدين بروحك تعبانه يالله شيلي البجاما خليني احط المرهم على جسمك
رفا: لا ما ابي 
ريان عرف انها مستحيه مسك وجهها بكفوفه وحس بحرارة جسمها : رفا لازم تعرفي وتقتنعي اني زوجك وانتي هنا فغربة ومحد غيري معك والله ما بقربلك بس بحط المرهم 
رفا شالت البجاما وهي مستحيه وبقت بملابسها الداخليه ريان ما قدر ينزل عيونها عنها وهو مفهي بعد الأفكار الي براسه وبدا يحط المرهم وحس برجفتها عرف انها خايفه وان قربه منها مخوفها خلص وهي م زالت مغمضه عيونها بعد عنها قبل ما يتهور 
ريان: خلصت 
لبست بجامتها على طول وسحبت البطانيه وتغطت فيها ريان طلع من عندها وجلس بالصاله طلع أوراق الشغل وبدا يشتغل فيهم يلهي نفسه عن التفكير فيها 
........
كانت جالسه جنبها وتقرا قرآن 
دخلت فاطمه عليهم
فاطمة: السلام عليكم
ام سالم: وعليكم السلام
فاطمة: طمنيني عن رغد كيف صارت الحين 
ام سالم والحزن مبين بعيونها: الحمدلله على كل حال كل ما تصحى تصيح وتصرخ ويعطونها ابره تهديها 
فاطمة: الله يكون بعونها الله يشفيها ويبعد عنها كل شر 
ام سالم: آمين 
.
.
رجع فهد من المستشفى وطلع للغرفة كانت تمشط شعرها عند التسريحه لما دخل شدت على مسكة المشط وطنشته تقرب منها وحضنها بعدته عنها استغرب من حركتها
فهد: شفيك حبيتي 
جود: ما في شي 
فهد عرف سبب زعلها مسكها من ايدها وجلسها عالكرسي
فهد: انتي زعلانه ليش اني وديت امي المستشفى تشوف رغد
جود نزلت راسها وما ردت عليه
فهد: جود انتي كل شي بحياتي متى بتفهمي ان رغد ماضي وخلص راح والبنت تزوجت والحين عندها حياتها مثل ما انا عندي حياتي مجنون انا اطالع وحده غيرك 
جود طالعته وابتسمت
فهد: افهم ان الغيرة اشتغلت 
جود: أخاف يأخذونك مني 
فهد: محد يقدر ياخذني منك 
.............
رفا قامت والحرارة خفضت عندها طلعت وشافت ريان جالس مندمج بالاوراق الي قدامه استحت لما تذكرت الي صار دخلت الغرفه وطلعتلها ملابس ودخلت تأخذ شور الحرارة كسرت عظامها وتعبتها خلصت وطلعت وهي تحاول انها ما تحتك فيه ولا تطالع فيه 
شافها ريان رايحه للمطبخ 
ريان: رفا 
رفا وقفت من غير ما تلف
ريان: المطبخ جبتله أغراض اذا تبي تطبخي شي 
رفا : بسويلي شوربة اسويلك معي 
ريان: طيب بس اذا ما عليك امر سويلي قهوة احس راسي يعورني من التركيز بهالاوراق 
رفا: ان شاءالله 
خلصت القهوة وطلعتها له خلتها عالطاولة ورجعت للمطبخ من غير ما تتكلم معه 
نص ساعه وخلصت الشوربه طلعت وخذت وحده لريان خلتها قدامه وجلست عالكرسي الي مقابله جلست وهي تدور الملعقه في الشوربة ريان كان يطالعها وحاس ان فيه عندها كلام بتقوله 
ريان: رفا اذا بتقولي شي اسمعك
رفا رفعت راسها وشافته يناظرها استحت ونزلت عيونها 
رفا: حبيت اشكرك انك ساعدتني امس واهتميت فيني 
ريان ابتسم : اول شي رفعي عيونك طالعيني 
رفا حاسه بتوتر رفعت راسها وناظرت بعيونه الي كل ما شافتهم حست باحساس غريب 
ريان: أي كذا احسن عشان اعرف أتكلم..وثانيا ما يحتاج تشكريني انتي زوجتي وحبيبتي وهالشي واجب عليي اني اسويه 
رفا رجعت شعرها ورا اذنها وهي حاسه بتوتر من نظراته كانت حاسه براحه من ناحيه ريان وبداخلها تحمد ربها انه وفقها معه وصارت زوجته 
ريان: يالله الحين خلصي الشوربه عشان بنطلع 
رفا تحمست والفرحة بانت فوجهها: وين بنروح
ريان: بنروح المستشفى نشوف سالفة الحساسية مالتك
رفا تذكرت الي صار امس وقلب وجهها احمر من الحيا ريان عرف انها انحرجت من الي صار امس قرب منها ريان ووقربها لحضنه رجفت من قربه 
ريان: ادري انك مستحيه مني بس انا ما ابي يكون بينا حدود والي صار امس هذا شي عادي انا زوجك واذا كنت شفت أي شي فهذا شي عادي ما ابيك تنحرجي 
رفا وتتمنى الأرض تنشق وتبلعها فهذي اللحظه من الحيا 
مسكها من ذقنها ورفع راسها : توعديني ما عاد تحطي بينا حدود ونعيش حالنا حال أي زوجين 
رفا تطالع بعيونه وهي فعالم ثاني 
ريان: توعديني 
رفا هزت راسها بمعنى طيب
ريان فرح ابتسم ولمها فحضنه وهي كانت حاسه براحه وفرحه كبيره 
ريان: يالله قومي بدلي 
رفا بدلع: ما ابي اروح المستشفى والله كله راح 
ريان خليني اشوف اتأكد \رفا فتحت عيونها على وسعها وركضت للغرفه وقفلت الباب وتسندت على الباب 
رفا: شو قال بيشوف مو كافي امس 
غطت وجهها بايدينها وهي تحاول تنسى الي صار امس
......
اندق الباب
مهرة: تفضل
دخل ابوها 
مهرة: هلا يبه تفضل حياك 
أبو مهرة: بنيتي زوجك موجود تحت بياخذك معه 
مهرة تضايقت من سيرة غسان: بس انا قلتلك يبه ما ابيه خلص