نوفيلا فرصه انقاذ

الفصل الاول

الفصل الاول من نوفيلا فرصه انقاذ

_____________________

فلاش باك

كان الفرح شغال و كان الكل سعيد

و ليه ميفرحوش ده الحفيد الغالي الابن الذكر الوحيد في العائله  ... هيتجوز النهارده مفيش خبر احسن من كده يفرحوا علشانه ... كانت ليلي في اوضتها و قاعده  مع اختها ولاء  ... و عماله تعيط و مش عايزه تبطل عياط و قلبها واجعها اووي يمكن ايقنت انها النهارده خسرته و خسرته للابد و لا يمكن تجتمع بيه مره تانيه

"" للاسف احيانا بناخذ قرارات نندم عليه بقيه الحياه""

ولاء بحزن : طب بتعيطي ليه دلوقتي

ليلي ببكاء و مش قادره تاخذ نفسها من كتر ما بتعيط

ليلي : معرفش معرفش يا ولاء قلبي واجعني اووي اووي و حاسه اني غلطت لما قولته لا انا معرفتش عملت كده ليه انا كنت خايفه يحكم عليا مكملش تعليمي و لا اعمل اللي لسه مخططه ليه و رفضته رفض قاطع و مكنتش عايزه اتجوز حد من هنا خصوصا لو قريبي مش عارفه ليه عملت كده حتي مسالتهوش و لا قولتله شروطي حسيت انه هيفرض سيطرته عليا خصوصا ان الكل بيتكلم بطريقه الصعبه و خصوصا
ان بابا بيحبه يعني لو كان منعني باابا كان هيوافقه

ولاء : يا حبيبتي ده كلمك بدل المره الف و انتي كنتي بتقولي لا و انك عايزه تكملي دراستك اشمعنا دلوقتي تاعبه نفسك كده و ابوكي عمره ما كان هيفضل ابن اخوه عليكي انتي اللي وهمتي نفسك بكدا

ليلي : معرفش بس نظرته ليا في اخر مره عرفتني اني خسرت كتير و اهو معداش شهر و فرحه النهارده مش عارفه هو بيغظني وله بيعمل كده ليه ...عارفه يا ولاء حاسه اني هتتجنن صوت الطبل و الزغاريط عمال يوجع قلبي طب انا غلطت طيب انا غلطت اني عملت كده بس مش قادره اتحمل

ولاء حاسمه الامر : و لا غلطتي وله مغلطتيش يا ليلي الموضوع خلص و خلاص النهارده فرحه و علي مين علي بنت عمتك اليتيمه اللي مش هسمحلك تضايقيها اللي بتعتبرك اختها ... عارفه يعني ايه فرحه يعني بيتجوز واحده غيرك و مش اي واحده حطي تحت كلمه مش اي واحده ميت خط  .. و موضعوكم اتقفل مهما كانت الأسباب ... و انتي اللي ضيعتيه من ايدك و ده نصيبكم و خلاص ده مولد و انفض مش هتندمي علي حاجه فات اوانها  ... دلوقتي هتخشي تغسلي وشك و هتنزلي ولا كانه في ايه حاجه سمعتي قولت ايه عايزه الناس لما متلاقيش بنت عم العريس في الفرح تقول ايه هتجيبلنا الكلام بقاا علشان مريم معرفتش تخليها تعرف بمنظرك ده انا نازله و تحصليني و كلمتي مش هكررها وشك يتغسل و تنزلي و تنسي اي حاجه حصلت من النهارده هو في طريق و انتي من طريق و مش هيجتمعوا ابدا

و نزلت ولاء و اضايقت ليلي من كلامها اللي وجع قلبها في كل حرف قالته و يمكن ديه اول مره تكلمها بالطريقه ديه بس يمكن هي كانت محتاجه تفوق ان الوقت خلاص فات سالم اتجوز و مبقاش من حقها
تكلمه حتي لو زي الاول!!  قررت قرار انها هتروح القاهره عند خالها و مش هترجع هناا ابداا و كل حاجه هتناسها هو اتجوز و ليه حق اعترفت امام نفسها بانانيتها و افتكرت كلامها اخر مره له انها مش هضحي بمستقبلها علشان خاطر حد و ان جامعتها اهم حتي مفكرتش تقوله تكمل دراسه و يتخطبوا كان ردها حاد و مكنتش عايزه تتجوزه علشان ميتحكمش فيها و طول عمرها بالنسبه ليها مش عايزه تتجوز جواز قرايب اشمعنا دلوقتي هي مضايقه اشمعنا دلوقتي هي حزينه ليه حست انها خسرت و خسرت كتيرر ...