الذئب القاسي .....للكاتبة فاطمة عماره

الفصل الثاني

الحياه فترات فتره سعيده ..فتره حزينه لكن لابد من العيش فاستغلها بحلوها ومرها ..عافر توصل ❤🌸
××××××××××××××××××××××××

الفصل الثاني 

بعد انتهاء عمله قام وحمل مفاتيح سيارته وهاتفه وخرج من المكتب

ليل بجديه شديده "انا خلصت شغل تقدري تمشي وعلي فكره معاد الموظفين بيخلص الساعه 5 متبقيش تقعدي للاخر"
نادين بدلع "ما انا قلت يمكن حضرتك تعوز حاجه
ليل بحده دي حاجه متخصكيش بعد كده تمشي زي باقي الموظفين فاهمه" !!
نادين بضيق "فاهمه"

خرج ليل وهو يضحك بسخريه علي هذه الحمقاء كما يسميها ولكنه يقول "الشاطر اللي يضحك ف الاخر "
ركب سيارته وانطلق بها سريعا بعد وقت ليس بطويل وصل الي قصره ودلف الي الداخل ثم صعد غرفه ما واستمر فيها نص ساعه ثم خرج مره اخري ودلف الي غرفته ثم خلع ملابسه واخرج من الدولاب ملابس بيتيه مريحه ثم دلف الي المرحاض لينعم بحمام دافئ يزيل تعب اليوم المرهق هذا ثم خرج وجلس ع السرير وسرعان ما ذهب الي نوم عميق !!
************************************
ف منزل مجدي العزازي بالقاهره
دخلت عين من باب الشقه وقلبها يرتعد من الخوف وتقول ف نفسها ( ي مصبتي ي خرابي آدم هينفخني طب اعمل اي دا النهارده اخر يوم ف الاجازه وبعدين انا متأخرتش اووي يعني لا اتأخرتي ي عين متعنديش الساعه 10:30 وبعدين احنا مش ف الصيف طب وبعدين ي لهووي ) قاطع حديثها مع نفسها والدها

مجدي بعتاب "ينفع التأخير دا ي عين"

عين برجاء "انا اسفه ي حبيبي والله الوقت خدنا هصالحك وهعملك صنيه بسبوبه اللي انت بتحيها بس حوش من عليا مستر هالك دا ونبي"

مجدي متصنع الجديه "انا مليش دعوه بيكوا انتي غلطتي استحملي بقي العقاب"

عين "بقي كدا ي حج هتبيع بنتك حبيبتك اهئ اهئ" توقفت عن حديثها اثر صوته الغاضب

آدم بغضب حمدلله ع سلامتك ي دكتوره
عين ف "نفسها ي لهوي مستر هالك"
عين بابتسامه متوتره الله يسلمك ي دومي (دومي دنتي هتترفعي النهارده)

آدم بحده "ورايا ع اوضتي"

عين بخوف "انا عاوزه انام دلوقتي"
آدم بغضب "بقولك ورايا ع اوضتي هي كلمه واحده مش هتنيها"

عين وهي تنظر لوالدها لعله ينقذها من براثن الفهد الواقف امامها لكن ما باليد حيله
دخل آدم غرفته وجلس علي الفراش متجهم الوجه ابرع في رسم العصبيه والغضب بشده علي قسمات وجهه منتظرها "دقت الباب منتظره رده"

ادم بصوت غاضب .."ادخلي"
دلفت بخطي متوتره تعلم اخيها تمام العلم ف آدم يحب المزاح ولكن عند الغضب يتحول لشخص ثاني تهابه هي وقت غضبه

عين بتوتر "نعم"
رفع آدم نظره اليها وجدها تقف والخوف واضح بشده علي قسمات وجهها ولكنه تحدث بصوت هادئ ولكنه يحمل الغضب
آدم "انا قولتلك اي الصبح ي عين"
عين بتوتر "قولتلي علي حاجات كتير"
آدم رافعا احدي حاجبيه بغضب "بخصوص الوقت ي دكتوره"
عين بتوتر "قولتلي متتأخريش"
آدم بحده "وانتي عملتي اي"