#فاتنات_من_الزمن_الجميل
#حنين_حاتم
بارت 4
يوم ثاني كعدنة واحنة نسمع اصواتهم يتريكون
ويعقوب يضحك ويتشاقة
اما صدام بس يصيح علة خالة ربيعة ويسأل بيهة عن غراضة
حذائة الروغان الأسود بنطرونة الجارلس الي يحرص علة ان تكون كلوشتة من جوة كلش عريضة
شوية وصعدت هند تحمل صينية فافون اطرافهة مطعجة وشكلهة تراثي
بيهة حليب بكدرية زغيرة تفوح منة ريحة الهيل وبي من فوك كشوة
وخبز حار وبيضات سلك
اكلنة بساع ونزلنة
وتلكاني يعقوب وهوة يحط بيدي ككو
ضحكت واني اتلمسة بيدي واتذكر ابوي من جان يجيبة النة من يحل من الدوام
جانن لبنات ينتضرنة مشينة وطلعنة من البيت وعبرنة حلال بابا الحجي
جانت صالحة تقودنة علة اعتبار ان هية اكبرنة
تقربت يمهة واني الزم ايدهة من صرنة قريبين علشارع وجاي نعبر
ومجرد ان سويت هيج نزت بطريقة خلتني من يمي انز
فركت وجهة بيدهة وكالت
دحجن علي راح نعبر يولي وحدة تلزم لثانية وكمشن بصدريتي لااحد تلزم ايدي فهمتن
وضليت مركزة بهلكلمة وكل ضني تلعب روحهة من عدنة جانت
ومجرد ان حطت رجلهة علة الشارع وكالت يلله
تراكضنة كلنة خوفا من السيارات
وعبرنة لصوب لثاني
اني وخواتي جنة نلبس ربطات زغار يسموهة جفية بس هنة ماجانن يلبسن
وصالحة بثالث متوسط وهم متلبس
بس خالاتي ونسوان خوالي يلبسن ربطات وتنانير
مايلبسن عبا مثل امي واهل ابوي
هواي جانو يعيبون علة حجينة وبعض الأطباع الي عدنة
واول مرة بتدو يحجون بلعقيدة بيوم نزلت رؤى بثاني يوم النة بلبيت
وهية تكللهم ماعدكم تربة
هنا صدام ضحك وحجة كلمات مافهمتهة
بس عقب علة كلامة يعقوب وهوة يكلة
موسى بدينة وعيسى بدينة مالك شغلش بيهن
وبيومهة بس عرفت يعني شنو سنة وشنو شيعة وشنو عقيدة ومذهب
بس من بيبي عرفت صدام هيج حاجي
رزلتة وماقبلت علي وهددتة ان تكرر هلشي توصل خبر لجدي
بس مضايقاتة واستهزائة بينة مانتهت
جان كتلة من التناقض يصعب علة انسان فهمة
بس هواي جنت اشوف بعيونة نضرات تجاه رؤى
وهواي جنت اشوف عندة غيرة وحرص علينة احنة البنات
ماجنة نكرهة ابد بس جنة نخاف من عندة
ومرة لسنة ونجحنة كلنة
وجدي سوة حفلة لمن طلعت نتايج صدام وصالحة ويعقوب
الي جانو صف ثالث
وبيومهة اجن خالاتي التوأم انتصار وانتضار
جانن متزوجات بلموصل وبلسنة حسنة نشوفهن
وحدة حامل ووحدة عدهة توم ولد
تونسنة وية جهالهة وامي حيل فرحت بجيتهن
جانن يباتن يمنة فوك مرات
بقن سبوع ووراهة وداهن خالو ناهض
ومرت اشهر لعطلة شهر ولثاني
واجانة عيد الأضحى
كعدنة مصباح العيد فرحانين كللش كبل ركضت علة هدومي اريد البسهن
وجرتني رؤى وهية تكلي
تعالي نغسل وننتضر هند تجيبلنة ريوك
صدام كال باجر لريوك كيمر عرب وكاهي
باوعتلهة صفح وهية حست علة روحهة وحاولت تغير الموضوع
YOU ARE READING
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
