معاناتي بسبب يتيم

البارات التاسع عشر

شنو السالفه حميته وصبيتله كال مابي شكر

مر زودي شكر رحت جبتله شكر هذا الحجي

اني صامت عرفته يريد بس يصخرني

كال جيبيلي جبن اذا اكو اليوم نفسي

مفتوحه ع الاكل رحت جبت ونطيته

وراه كال تعاي شيلي الصينيه ولاماكل اي شي

خبيث يمه ودي اكله 😠😠 من لصبح

عصبني راح بدل وطلع عبالي ميداوم

قبل لايطلع كال مشتهي ع الغدا

دولمه ع ضلوع غنم عشتو يشهه

الغثه 😏 فتحت المجمده عمو البارحه

جايب لحم غنم وبي ضلوع وعندي ورك

عنب كلت خلي فدنوب الف الدولمه

حته انام براحتي بديت اشتغل بالدولمه

لفيته وكملت وغسلت ماعين البيت نضيف

باوعت لساعه ب 10اله ربع كعدت خالتي

وصيته كتله يمه راح انام عينج ع البيت

الكل نايم. رجعت نمت سمعت صفاوي

كعد ال بيبي فتحتله لباب راح لببيته

صاحت خالتي ارجعي نامي صدك نمت

كعدت ساعه ب 1اله ثلث لكليت البنات

كاعدات سمعن بالدولمه ماتريكن كالن

فدنوب نتغده خليته ع النار صارت ب 2

كملت او لولد وعمو لان اليوم خميس من

وكت كلبت الدولمه بصينيه شكله فد شي

طلع شكل لضلوع فوك وطرشي وخضره

وليمون وصحتلهم دخل ليث كام يسوي

يم يم 😋 دخل غيث كام يصيح

ماهذه الروائح الطيبه تغدو واول

مره الغثه يمدح باكلي نصدمت

كال عاشت ايده السواه صدك طيبه

لليل الغثه كال لاتسون عشا راح اجيب

عشا من السوك اليوم ثواب كال شاجيب

كلما كال شغله اخر شي جاب دجاج وكباب

اتعشينه وكملنه كعدنه بالصاله وضحك

سوالف  وراه رجعت

يمهم ليث كال حضري صفاوي باجر وي الصلا

اخذه وياي 

وراه اخذت صفاوي انيمه وراه

كعده لصبح كوه نومته وقتت المنبه قبل

الصلا لكيت الغثه كاعد سويتله ريوك

ورحت بدلت لصفاوي وراه طلعو