أنتِ أنثى (باللهجة الجزائرية)

الحلقة 64 "الأخـيرة" 💖

دينيز : راك تتوهم ..

قرب لوجها كثر وحكا بصوت يشبه الهمس روهجها
أسيف : متوحشتنيش ..

بقات دينيز ساكتة تكذب كون تقولو متوحشتكش وهي كل قطعة منها تنادي بإسمو أسيف شافها هكاك فهم لي يدور في عقلها قرب شفافو من شافاها وطبع بوستو ليها تعبر على شوقو ووحشتو برغبتو بيها على فتنانو وسحرو ووفاءو وكلشي حلو وجميل بحق الاخلاص الحب ...هي مكانتش من العاكسين بدلاتو بكل ذرة مشاعر تحملها تجاهو ...
____________________
     بـــعـــد عــــــــااااااااااااام
متكي فوق لفراش حاط وليدو فوق كرشو ويهدر أمعاه مسكين مش فاهم واش يحكيلو غير يلاغي ويلعب بيديه ويضحك دينيز قدام لمراية تعمل في مكياجها وتعدل في روحها ...

أسيف :شوف وليدو اليوم نروحو لدار جدو مالك عمتو لڨنينة راح تتزوج بخالو زيزو لي ميفيد لوالو ...

دينيز وهي مزالها تخزر في روحها في لمراية :حشاك إذا سبع تاع خويا ميفيد لوالو ...لوكان جا ميفيد لوالو ريمان لاه تقبل بيه ...

أسيف :مديرش على يماك راها تهترف أنا نحكيلك كيفاه ...

دينيز دارات ليه ورفدت سيف "إسم وليدهم" :أسيف شحال من مرة نقولك هدرة كيف هذي متحكيهالوش وهو مزال صغير ...

أسيف قام من مكانو شدها من خصرها طبع قبلة على خدها وقال :تسلملي بلوطة كي تعلمت تربي ..

دينيز :أسيف بركا ...إيه وليدي ونحب نربيه مليح ..

أسيف :حتى أنا وليدي ..نفكرك لوكان ماشي أنا ميجيش ..ديجا طول محبش يكبر باه نعلمو البوكس وحجات خرين ..وغمزها

دينيز خبطاتو لكتفو : دوك أنت متحشمش على غرضك ...

أسيف : نعشق فيكم أنتوما زوج وفرحان كي وليتي مرأة تتحمل مسؤولية دار وخدمة وأهم حاجة مش هاملة رجلها ..

دينيز :هذا كامل ..

أسيف :وزيادة ..

دوك دينيز تخزر فيكم وتقوللكم :وليت أنثى ومرا كيف النسا ...

أسيف :مي كاينة حاجة مقلتهالكمش صح  رجعتها أنثى مي كسوحيت راسها مقدرتش نحيهالها ...

ضرباتو بوكس لكرشو :مزالني نعملو مباريات

شدها أسيف :علاش تكذبي ...

دينيز كيفاه هذا :قوليلهم من النوع لاخر

دينيز :أسيييييييف
          
               الـنــــــــــهــــــايــــة

لبسة دينيز 😍

كلمة لدينيز 💕

أأسيف و سيف كلمة ليهم 😍

                          #أريـولة
__________________
تمت بفضل الله لكل بداية نهاية وهاي خلاصت حكايتنا نتمنى تكونو ستمتعتو بأحداثها وعجبوكم شخصياتها نتمنى تكون عجبتكم نهايتها سمحولي على كاش خطأ فيها بسك أنا من النوع لي ميراجعش واش يكتب و إذا كانت حاجة ناقصة فيها كنت حابة تكون أطول من هكا وبتفاصيل أكثر مي الله غالب  ...

مرسي لكل وحدة تبعتها من الأول للخر مرسي لكل وحدة شجعتني بتعليقها وخلاتني نتعب باش تكون الحلقة أحسن من ختها ونقدم كل لي عندي شكرا لتعليقاتكم الجميلة لي حفزتني نهار فشلني التفاعل وفي جالتكم كملت لحكاية ...

مرسي لصحاباتي لي كانو يقراو قبلكم مور منكتب ويمدولي رايهم في الحلقات ونبهوني لناقص ...

كمونتيو بتعليقات تكون بتفاصيل شوية على واش عجبكم كل وحدة فيكم عندها رأي نحبها تعبر عليه مش شرط يكون مليح حتى إذا كان نقد نتقبلو بكل رحابة صدر ...

ايه واش بقالي نقوللكم راح نتوحشكم بزاااف ونتوحش نكتبلكم دعيولي برك ننجح في قرايتي نجيب عامي الفروض والختبارات راه مبقالهاش
نقوللكم ربي يلاقينا في ساعة الخير ..

علابالي نهدر بزااف وكتبت جرنال مي إن شاء الله تكملو تقراوه هههه ...

ملتقانا في الكورو الجديدة راح يكون اسمها "حب صادق " نتمنى تابعوها وتنال إعجابكم هي تاني مبقالي غير نقوللكم تشاو في لامان👋 ....