لما دموعها نزلت منها
زعلت منه عشان مخاصمها
حبست دمعها جوه عيونها
خافت جفنها مرة يخونها
بعدت عن اهلها واصحابها
قفلت شبابيكها وابوابها
رفضت تفتحها لخطابها
خافت نبض القلب يسيبها
هى بتصبر ؟ طبعا كانت
سمعت ياما كلمة : هانت
وعدت ولعهدها ده صانت
ونتيجة صبرها ما بانت ..
ايوه طبعا هى عروسة
حلوة لكن عندها ننوسة
جوه حكاية قديمة محبوسة
وبفارس قلبها مهووسة ..
امتى يا قطر العمر تهدى
لمحطة احلامها تعدى
وتقول حب العمر اهوه عَنْدى
اصل حبيب القلب ده عِنَدى ..
