HUSBAND SERIES 1: My Sweet Sadist Husband ✓

CHAPTER 12

"PIPAY! Pipay! Pipay! Umayos ka nga! Ano ba'ng nangyayari sa 'yo huh? Bakit lagi ka nalang nagpapadala sa mga halik niya sa 'yo?" panenermon ni Pipay sa sarili habang hindi siya mapakali. Paroo't parito ang lakad niya sa loob ng kaniyang kuwarto. Hindi pa rin siya maka-get over sa mga nangyari sa kanila ng kaniyang asawa kanikanina lamang. Muntikan nang may mangyari sa kanila ni Hector. Laking pasasalamat lang niya nang may mang isturbo sa kanila. Bigla kasing nakatanggap ng emergency meeting ang asawa mula sa opisina nito. Nagalit pa nga ang huli at ipinaggiitan nito na kanselahin ang lahat ng meeting nito sa araw na iyon, ngunit wala ring nagawa ang Hector kundi ang tumayo at mag bihis para pumasok sa trabaho.

"I'll be back baby, okay! Just wait for me. Huwag kang lalabas ng bahay. Saglit lang ako." anito bago tuluyang umalis sa kanilang bahay.

Hanggang ngayon ay ramdam na ramdam pa rin ni Pipay ang pag-iinit at pamumula ng kaniyang mukha dahil sa pagkapahiya. Oo, aaminin niyang nabitin siyang talaga sa naging pore play nila ng asawa, pero sa kabilang banda ay nagpapasalamat pa rin siya na hindi iyon natuloy. Hindi niya pa kasi alam kung ano o paano niya ipapaliwanag sa asawa ang maaaring madiskubre nito sa kaniya oras na makuha siya nito. Hindi niya alam kung saan siya kukuha ng lakas ng loob para magtapat ng katotohanan dito.

Mayamaya ay naagaw ang pagmumunimuni ni Pipay nang tumunog ang doorbell sa labas ng gate nila. Nagmamadali naman siyang lumabas ng kuwarto at tinungo ang malaking gate upang pagbuksan ang tao roon.

"Kumusta?" bungad na tanong ni Helga kay Pipay.

"Bes? Kumusta?" biglang sumilay ang malapad na ngiti sa mga labi ni Pipay pagkuwa'y sinunggaban ng yakap at halik sa pisngi ang kaniyang kaibigan. "Pasok ka dali. Na miss kita." aniya.

"Namiss din kita! Sorry at ngayon lang ulit kita na dalaw. Naging busy kasi ako sa trabaho e!" anito habang magkaagapay silang dalawa na pumasok sa kabahayan. "Ikaw kumusta ka na rito? Ang demonyo mong asawa nasaan na?" biglang nawala ang ngiti nito sa mga labi nang itanong kay Pipay kung nasaan si Hector. "Sinasaktan ka pa rin ba niya? Sabihin mo at hindi talaga ako natatakot sa kaniya." dagdag pa nito 'tsaka inilibot ang paningin sa buong sala para hagilapin ang asawa ng kaibigan.

"Bes, wala siya rito. At isa pa, okay lang ako! Okay na okay!" nakangiti pang saad ni Pipay kay Helga. Inakay niya itong umupo sa sofa.

Kunot noo at nagtataka namang napatitig sa kaniya ang kaibigan. Mayamaya ay sinuyod siya nito ng tingin. Tila iniinspeksyon si Pipay. "Himala at wala kang pasa at sugat ngayon!" nagtatakang saad pa nito.

Isang matamis na ngiti naman ang kaagad na ibinigay ni Pipay dito. Ngiti na ni minsan ay hindi na nakita ng kaniyang kaibigan mula nang maikasal siya kay Hector. Dahil saksi si Helga kung paanong nag bago ang masayang buhay niya noon. Masayang buhay na napuno ng pasakit at kalbaryo nang dahil sa kaniyang asawa.

"Why are you smiling like that? May sakit ka ba Pipay?" mas lalong nagsalubong ang mga kilay nito. Kinapa nito ang leeg ni Pipay para alamin kung mainit ba ito o ano! "Okay ka lang ba Pipay? Hindi ka naman mainit pero parang nagdidiliryo ka ata ngayon!" dagdag pa nito.

"Grabe ka naman bes! Hindi ba puwedeng masaya lang ako?"

"At bakit ka naman naging masaya aber?" tanong nito. "Don't tell me na okay na kayo ng asawa mo out of the blue? Na tinatrato ka na niya ng maayos o bilang asawa niya?" lumipad sa ere ang isang kilay nito.

Hindi talaga maikakaila ang pagkadisgusto ni Helga kay Hector. Hindi rin naman kasi masisisi ni Pipay itong si Helga kung bakit ganoon na lamang ang pakikitungo at mag-isip ito tungkol sa kaniyang asawa.

"Bes, alam naman natin na nagbabago rin ang tao. Kahit pa sabihing madami na siyang nagawang mali. At iyon ang ginagawa ng asawa ko ngayon sa kin. Nangako siyang susubukan namin na mag work out ang kasal namin. Tinatrato niya naman ako ng maayos." pagpapaliwanag niya rito.