انا زوجتك..الا تذكرني

31

محسن: جاوب ابيازيد جاااوب ...هو يخبط تليفون مع الارض <br>
المضيفة : مسيو واخا تجلس دقيقة غنقلعو طائرة و ممنوع طليفون <br>
محسن : قلبي على مي نتي لي ناقصاني انا لي كنأمر هنا ماشي نتي...درية قربت تبكي<br>
ناضت اميمة: مالك صعصعتي علينا اولي دوز تريح خلي طيارة طير خنعتقو درية سيري اختي ديري شغلك (جرات محسن )ونتا ريح الارض ....جلس بلهلا يطريه ليه كياكل في ضفار يدو و قالب وجهو ليه غيطرطق دارت هي السمطة و دارت تشوف فيه مزال مدارهاش جات ديرها ليه زعمة هي قاست ليه المعلم و رجعت يديها بصدمة هو دار عندها مخرج عينيه(😂😂 يابنيتي يا اميمة مديري والو مالكي على هاد طيران) <br>
محسن: واش نتيي حميقيتيييي ولا خرجلك والعقل <br>
اميمة كلها ولات حمرة مطيشة : لا راه غير بغيت ندير ليك حزام الامان <br>
محسن: واش عارفة اش قستي <br>
اميمة : صافي م م م متفكرنيش ديرو راسك يااه ... ودورت وجهها لهيه و طلعت معاها سخونية و كلها حمرة هو لصقو و دار يشوف فيها و جاتو ضحكة واللهتا ضحك و جمعها دغيا شوية بدات كطلع طيارة <br>
اميمة : واااا مييي لاااااا <br>
محسن: مالك كتخافي <br>
اميمة : هدشي مغيطيحش ياك المحركات مقادين (اش قربك لشي محركات نتي ) شفت في ناسيونال جيوكرافي شحال طاحت من طيارة وااو عمرهم لقاو شي حد حي <br>
محسن : اميمة باركا عافاك (😂😂 دخلت ليه الوسواس )<br>
اميمة : هاني ساكتة ......بقاو هاكاك جالسين وحد شوية غوتات كرش اميمة بجوع وهي دور عند محسن باش تقولو فيها الجوع لقاتو نعس (بسيف مسكين ليل كامل هو فايق ) <br>
اميمة كدوي بشوية: المضيفة و اختي المضيفة المضيفة : نعام امدموزيل<br>
اميمة: اششش عفاك كيف كيهبطو هادا راه نعس و عنقو غيعواج ليه ....هبطات ليه المضيفة لكرسي فحال الكوسان و خلاتو ناعس و اميمة غطاتو بطريكوها زعمة و دارت عند المضيفة <br>
اميمة: بغيت ناكل عافاك مكينش هنا <br>
المضيفة : وي كين الماكلة جاهزة لابغيتي شنو تحبي نجيب ليك دجاج و لا لحم <br>
اميمة : دجاج عافاك ....مشات المضيفة و دارت اميمة تشوف في محسن و دوز ليه على شعرو : لي شافك هاكا يقول ماشي نتي هو لي كان ينقز غير دابا شوية شحال طرطتي تا عيتي بفف ....جات المضيفة وحطات ليها داكشي <br>
اميمة : واخا نحيد الحزام <br>
المضيفة : وي يمكن ليك ....اميمة : شكرا <br>
مشات المضيفة و اميمة بدات كول ياما تاكل دخلات فيه طول وعرض تشبعت الكرشية و دارت عند محسن ناعس وطبطبت عليه : الله يخليك ليا هادشي كولو من خيرك .....صافي بقات جالسة شوية ناضت تستكشف المكان بانت ليها غرفة القيادة دخلت ليها كان تما كابتان و المساعد ديالو و المضيفة <br>
اميمة : السلام عليكم خدامين ؟<br>
المضيفة: اوو مدموزيل ممنوع دخلي لهنا <br>
اميمة: غير خليني نشوف (العار لما جريو عليها)<br>
المضيفة : اوكي الالة اجي جلسي حدايا ....جلست حداها وبدات تسول هادشي لاش كتصلاح هادي لاش مع قوت البوطونات بشكال و لوان شوية قالت ليهم ندير تانا دوك سمعات الكاسك باش نسمع اش تيقولو شوية المساعد مشا دخل ينعس جلست في بلاستو الكابتن (جاك) يهدر و هي تشوف فيه و تشوف كيفاش كيخربق في البوطونات خدم النظام السياقة الالية و مشا لطواليط تزير و خلا اميمة و المضيفة جلسات اميمة في بلاصت الكابتن (هالي مبغيناش😒)<br>
المضيفة: عنداك تقيسي شي حاجة <br>
اميمة ديرا الكاسك: الا اويلي متخافيش شوفي شوفي هادا من صباح وهو داوي مدروش حلقو(على هداك لي في الكاسك) ههه يااه هاد زر غوزيي <br>
المضيفة: لاااا متقيسييي والووووو ....حطات عليه صيعها تلغا نظام سياقة الالية و الطيارة بدات غدا نازلة<br>
المضيفة بدات تتبكيي : اهيء اهيء نارييي غنموووت <br>
اميمة شدات المقود: اهيء اويلي اش درت ..بدات دي فيه و تجيب فيه و دور هاك و هاك و كاع البوطنات خدمتهم و بدات كتشعل و طفا واحد البولا حمرة ديال الاندار و طيارة بدات كتمييل هاااك و هااك و نازلة و تخرج و دخل في روايد الطيارة فاق المساعد ناض كيجري محسن تهو معرف شنو واقع الكابتن خرج بسروال هابط مخلاوهش يعقل على خريتو عاد دخلو عندها ناضت من ديك البلاصة عاد بدا جاك كيقاد و المساعد تهو و يقفقفو و يخدو استشارات و تنبهات و اميمة معانقة هي و المضيفة و يتباكاو محسن جا تهو : اش واقع هنا <br>
جاك: مسيو الوضع خرج على سيطرة حنا كنحاولو نرجعوه ....اميمة ناضت عنقت محسن: اهيء اهيء غنموتووو اهيء <br>
محسن عنقها: متخافيش كلشي غيكون مزيان اجي معايا (هههه راه هي مولات نواعر )... خرجها من تما بصعوبة حيت كلشي كيتزعزع جلسها في الكرسي ولبسها وحد المضلة <br>
محسن: لا ساء الوضع غنحل الباب و نلوحك و نتي حلي هادا من هنا فحال المنطاد كتعرفي شنهو المنطاد <br>
اميمة دارت ليه براسها اه و كتبكي: ونتا اهيء اهيء <br>
محسن : كينين غير جوج واحد ليك و لاخر للمضيفة <br>
اميمة: اهيء المضيفة تمشي تلعب خودو نتا و نمشية انا وياك <br>
محسن : جلسي هنامشا محسن بصعوبة للغرفة القيادة و هنا استقر الوضع <br>
جاك: اوووف الحمدالله رجعنا كلشي تحت سيطرة ....كلشي فرح و المضيفة تعانقت مع المساعد محسن رجع يقولها لاميمة لقاها حلات نص ديال الباب دطيارة(حيت كيكوبن ضغط في الجو صعيب يتحل الباب)<br>
محسن خرج عينو و مشا جراها و سد الباب : اش كديري واش حماقيتي <br>
اميمة : تا بغيتي تاطيح طيارة عاد نتلاح اللهما نتلاح دابا <br>
محسن : غير هداي كلشي رجع هو هداك <br>
اميمة فرحت : بصااح حمدتك ياربي وشكرتك <br>
المساعد جا لعندها: مدموزيل علاش ضربتي داك زر راك وقفتي المحركات <br>
محسن : شنو واش قربها لشي محركات ولا زر (هي كتسلت من حداهم)<br>
المضيفة : راه كانت جالسة في بلاصة الكابتن <br>
دار عندها محسن لقاها غادة كي الفارة هو يجرها من قبها من لور لعندو: اش هدشي كنسمع <br>
اميمة : والله مادرتها بلعاني غير عجبني لوين.... <br>
بالعودة لسكينة لقات طواليط من بعد مدخلات لعندهم الكوزينة دخلت حيدت طربوش ونضاضر و حيدت المونطو حطاتو حيدت صباط و بدات تحيد ليبا هو يدخل وحد بوكريشة حيت في الاصل هديك طواليط رجال بقا كيشوف فيها وهي تشوف فيه و بدات تغوت عتقونيي راجل دخل عليا و تشير عليه بطالون هو يخرج واحد اخر من طواليط زادت في الفوليم دالغوات كلشي جا كيجري بيازيد ناض تهو تخلع دخل عليهم لقا سكينة كتكرم فيهم واحد واحد بدارجة و هي لي منها لافوط و هما غير حنيين راسهم و خارجو داك بوكريشة حيت تاهو شخصية مهمة <br>
بيازيد: اش واقع هناااا <br>
سكينة دغيا طارت لعندو: دخلو الرجال لطواليط العيالات هادي قلت الاحترام حنا معندناش هادشي <br>
بيازيد: راك نتي لي داخلة لطواليط الرجال ...دورت عينيها بانت ليها القضية بصح حشمت و جاو كلشي كيعتادر منها واخا هي الغالطة و لكن هي مرت سي بيازيد اما بيازيد غير كيمسح في وجهو و يصبر راسو على هادشي لي وقع صافي دخلت لطواليط لبنات قادت و صيبت و خرجت عندو لقاتو عاقدهم و مشبك يدو و حاطها على طابلة <br>
سكينة جلست قبالتو : س س سمحليا مقصدتش (بيازيد غير تيشوف فيها و هو في نفس الوضعية ) واللهما درتها بلعاني تيقني عافاك <br>
بيازيد طلع نفس و هبطها : صافي تادابا موقع والو <br>
سكينة : لا راك باقي مقلق <br>
بيازيد غوت: صافي كلمة وحدة (هي قفزت و سكتات وحنات راسها )...بقات فيه وشد ليها من يديها و طلعت فيه راسها<br>
بيازيد: شوفي مكنبغيش نغوت عليك دكشي لاش مديريش علاش باش نبقا ديما زوين واخا <br>
سكينة هزات راسها بواخا ....جابو الاطباق حطوهم قدامها المنضر ديالهم ديشهي بداو كيكلو سكينة ساعة لي داقتو حمقها بزااف دخلت فيه طول و عرض شربت من موراه داك العاصير و كلات لاكلاص و كتبنن و بيازيد راجع اللور في داك الكرسي و شاد داك الكاس و يتفرج فيها حتى سلات على خطرها و جاتها تخمة حطات راسها على طابلة صافي هههه عاد نوضها بيازيد مقداتش تنوض اضطر انه يهزها هو غادي و كتقولو غير نزلني و الناس كيشوفو عاجبهم الحال محطها حتى وصلها لطموبيل و كسيرا تاني في اتجاه لوطيل على مدا كليموطرات كان بعيد بزاف على الصداع و كتلقا تما غير صحاب الراس المال الصحيح و الشركات الكبار كان فندق خمس نجوم عبارة عن طبقات و كل طابق بمتابة شقة مطلة على البحر (الصورة ) دخلة تما سكينة حلا فمها و غادا معاه خدا الكارط و طلعو من سانسور لطابق 4 خرج منو لقا باب شقة ديالو دوز لاكارط في واحد لا مشين و تحل الباب و دخلو كانت شقة عصرية على الهواء مباشرة بالبيض و الكري و الفطويات كحلين و قدامهم بلازما و بيت نعاس راقي بزاف تهو بالكري سكينة مشات نيشان طل على البحر <br>
سكينة : اللله هادي هي العيشة و الا فلا ...عنقها بيازيد من لور و باسها في عنقها هي تجمدت : هاكا غتكون عيشتنا انا وياك...هي بقات مسمرة و تويل و في خاطرها فينك ا اميمة ...صافي دخل هو يدوش و هي لبست عليها بيجامة شورط قصير و ديباردو(كتقلبي عليها دابا هادو لباس يتلبس) تخشات في النموسية و نعست مع السفر عيات خرج هو لقاها دخلات في سبات شتوي مشا جلس حداها و كيحيد ليها شعر على عينيها: سكينة سكينة ...مجوبتش باسها فوق راسها و مشا لبس عليها و تخشا من موراها و لصق عليها و نعسو بجوج (اححح سعداتكم😍)<br>
بالنسبة لاميمة ضربها محسن على دكشي لي دارت (صمكها و نتفها😂😂) و هي تشد ركنة جالسة و مخنزرة و مكتدويهش و حنكها فيه لطراس دصباعو و مربعة يديها و جيها طالعة من شعرها الجيهة لي نتفها منها(هههه ونتي تستاهلي كنتي غتقتليهم ) <br>
↪paris: france: 00:00 <br>
صافي وصلو الباريس هبطات طيارة جاو هابطين هو قدامها و هي من موراه كانت غطيح بغا يشدها بعدات عليه: متمسنيش عافاك (بقات فيها الطرشة 😂) تهو مهدرهاش زادو خدا طموبيل حمرة رونج روفر نيت ركبو هو سيك و هي حداه غير مربعة يديها و مخنزرة <br>
محسن : نتي غتبقاي هكاك <br>
اميمة دورت وجهها لشرجم : مكيهمكش <br>
محسن : اوووف ...و ديمارا الاوطو و كيهدر فديك السماعة ديال الودن كاكد علىبقا محسن جالس و مرة مرة يخطف نضرة من اميمة لي باقا على حالها غضبانة <br>
محسن : دابا مغنتصالحوش (هي مجوباتش كتشوف غير القدام و مخنزرة) شنو غتبقاي مخاصماني (هي دورات راسها لجيهت جاجة )واخا ليبغيتي ...حيد حزام السلامة هي دارت تشوفو اش باغي يدير زير على الكيدون بيد ناض وشد من كتف اميمة ودفعها حتا راسها تخبط مع زاجة و برك مص يما تمص في داك الفم عندها بدات تضرب فيه باش يبعد عليها وهو يشد ليها يديها بجوج حكمها مزيان و كمل خدمتو عيات تلوى باش تفلت ووالو هو شد فمها مطلقوش يمص ويعاود حتى هدات على خاطرها و بدات تجاوب معاه و طلق ليها يديها وحطاتهم ليه فوق ودنيه و تهي بدات كتمص معاه .....<br>
نرجعكم المغرب و بضبط في السبيطار باقا جالسة ضحى في قاعت الانتظار لا حنين لا كريم و طاح ليل و هي ماكلات ماشربت غير جالسة و تغبن غطرطق كلشي خوا بيها بقات جالسة تما سبيطار بدا يخوا بقاو غير المرضى فيه و المستعجلات لي كيجيو بليل هي غير جالسة بوحدها و تخبط في رجليها و دور هاك و هاك هو يخرج سهيل من واحد القاعة لابس طابلية و دير نضاضر و كيهدر مع الممرضة و كيعطيها شي تعليمات و مشات خشا يدو في جيبو و جا غادي حتى بانت ليه ضحى دور هاك و هاك و تخبط في جنابها دخلو فيها الشك مشا وقف على راسها <br>
سهيل : سلام ...هي طلعت فيه عينيها بشوية و عاودت نزلتها : اش باغي هادا عاود تاني <br>
سهيل : واش نتي مريضة و لا كتسناي شي مريض <br>
ضحى هزت فيه راسها: كنتسنا خواتاتي <br>
سهيل : ايه خواتتك شكون <br>
ضحى : قالو بلي راهما دي فام دو ميناج و الله و علم عييت نقلب عليهم ووالو <br>
سهيل: ولكن كاع لي فام دو ميناج كيمشيو بليل كيجيو تال صباح ؟؟<br>
ضحى: ءء؟ و فين غ يكونو م شاو هادو <br>
سهيل: نسولك نتي مهيم راه ميمكنش ليك تبقاي هنايا <br>
ضحى : م عندي فين نمشي خ ليني نتسناهم <br>
سهيل: أ مدموزيل هادا سبيطار ماشي ملجأ لرعاية المتشردين <br>
ضحى ضحكت بسخرية و ناضت وشافت فيه: دابا بنت ليك انا متشردة يكما هدرت مع خويا بالاداب يعني راه خفت منك <br>
سهيل هز حاجب : بصاح؟ يلاه تفضلي على برا بلاما منعيط لسيكغيتي <br>
ضحى : و شنو غيدير ليا هاد سيكيريتي غيقطع ليا راسي انا والله لا تحرك من هنا تيجيو الحمارات و لا تجي الحاجة <br>
سهيل : راه مغيجي لا حاج لا حاجة اش غندير مغنصدعش معاك راسي نوال (فرملية) عيطي لسكيغيتي <br>
ضحى رجليها مهزينهاش كتفيفري و دارت يديها على نصها : عيطي ليه راكم مغتخلعونيش شفتو انا والله لا خرجت من هنا معندي فين نمشي تا دار معقلاش عليها و معنديش فلوس طاكسي هي 800 <br>
جا سكيريتي تبركالله القلدة : وي مسيو <br>
سهيل : هادي متبانش هنا ...و دار جا غادي فحالو<br>
ضحى: راه والله و تمسني (هزها من طريكو من كتفها و هي تبدا طلب و تبكي) اهيء اهيء عافكم غير خليوني اهيء العااار ما خليوني ...مهدرش معاها مشا هزها تالبرا طلع سهيل لبيرو ديالو حيد عليه طابلية و نضاضر و بدل عليه و نزل لاكاف حل طموبيلتو بيضة و خرج لقا ضحى مزالا كطلب في سيكيغيتي في الباب باش ترجع دخل شدها ولاحها على الارض ناضت فحال شي تور كتجري باش ضربو زعمة وقفها غير بيد و لاحها تاني تجرحت من يديها بقات تشوفيهم و تدمع و تمسح دموعها و ناضت و جلسات في وحد العتبة كتبكي هو يوقف عليها سهيل بطموبيل بقات فيه و طوط عليها هي معرفتوش خافت ناضت و غادة راجعة عند سيكيغيتي سهيل هبط جاجة : ايييه نتيي <br>
ضحى دارت بشوية و خيفة: اشش بغيتي عندي (و هي تحقق فيه مزيان) نتا هو سيد لي كان لفوق لي جرا عليا <br>
سهيل: وي هو <br>
ضحى: تابعني تالهنا باغي تجري عليا <br>
سهيل: فين جات داركم ؟؟؟<br>
ضحى: م م معرفتش <br>
سهيل جبد من بسطامو شي فلوس: هاكي هادو شدي طاكسي و سيري لداركم <br>
ضحى : انا معرفاش الدار جيت غير ضيفة<br>
سهيل: واخا عاقلة على البلاصة ؟؟؟<br>
ضحى: ااه شوية <br>
سهيل : واخا طلعي نقلب معاك ...هي ترددات المرة لولة و لكن مكيننش حل اخر دارتها فيد الله و طلعت معاه لي ليها ليها <br>
سهيل : عاقلة على سميت البلاصة لي كانو فيها <br>
ضحى : معقلتش بزاف كانت كتسول كتقوليهم شارع اليمان و اليابان مهيم شي حاجة كتسالي بنون <br>
سهيل : كيفاش وصفيه ليا <br>
ضحى: هانتا هو شارع كولوو عمارات طواااااااال بزااااف و كينين فيهم بزاااف ديال شراجم و باقا نعقل كان قادوس حدا العمارة لي فيها و من الداخل كان سانسور فاش طلعنا الفوق كينا واحد اللعيبة فحال البنكة كندوزو منعا لاكارط كدخل كتلقا اثات عصري...<br>
سهيل: حبسي انا ما طلبتش منك هادشي كامل وصفي ليا غير المنطقة <br>
ضحى: و انا اش بان ليك كندير هنتا زيد زيد و انا نوريك .....باقاو غديين هادا اه هاد لا و هي كتهدر بزاف فرعت ليه مخو عمر سهيل تعصب ديما دمو بارد تال هاد المرة <br>
سهيل معصب : صافي هاااالعااار لما سكتييي <br>
ضحى: انا غير كنقوليك<br>
سهيل: الله يرحم باك متقوليليا والو وليت نخاف نسولك ...هي تغوت معد