قصه تم تأليفها بسنه ٢٠٠٧ القصه بلعاميه لان كنت موقويه بلفصحه
كانت كاعده براق وهية جماعتها شلته الزعاطيط ام الزعاطيط وترويلهم كان علي وأمير واحمد وفوفه بجانبها وهية تسولف قصه الفيلة وتخوف بيهم بعدين شافت خوف على عيونهم قررت تسليهم وتحول القصه الى مزحه
كان يا مكان في قديم الزمان عند احتلال الامريكان الى العراق جابو وياهم فيلة ضخمات وغزو بغداد بلفيلة ودبابات هنا الشعب أنتفض وقرر يحارب بس شلون يحارب وهما ماعدهم اسلاح باوع أحمد الى جيرانهم الي يملكون حديقه وبيه أغنام ركض احمد وصار قوي أخذ الطلي وصعد علية وصاح.
_ديخ ياحصاني .
باوع الى امير وصاح بيه.
_ولك تعال أهجم وياي.
_شلون اهجم اني ما اعرف اسوق الطلي.
_ولك روح لحديقتنا واخذ دجاجه من امي وركب علية .
ركض امير وجابلة دجاجه وصعد علية وركضت دجاجه وهية صيح.
_بااق بيق... مستعدون للحرب قصدها .
علي شافهم وصارت عنده عزيمه لازم يحرر بلده وراح هم يركض واخذلة ديج هراتي وصعد علية وتحرك ونثر تراب وراة الناس شافت هروبهم وكلة ركضت هم مثلهم ناس على طليان صاعده وناس على دجاج ونص على التيل مال الكهرباء تسلق وتهجمو على الامريكان كل المنطقه وكدرو بقوتهم وشجاعتهم يهزمون الامريكان ويطردونهم ولفيلة كلة هربت الا فيل واحد شافه أحمد وحس بلحزن علية وقرر يعتني بيه لان امه تركته واهلة كان فيل حلو ولطيف اخذة احمد وسط معارضه من الناس لكن ما اهتم واخذة ورباة وكبر هذا الفيل وصارو عنده فيلة أطفالة وكامو ناس يجون يشترون من احمد فيلة وكثرت الفيلة لهاي منطقه وعاشو بسعاده مع الفيلة
braq1995 🤔🤔ما اعرف وين كان عقلي من كتبت هاي قصه يعني شلة زعاطيطي خليتهم يوكعون بحب فيل ويربونه هههه وكارثه الاكبر همزين ما زوجت احمد للفيل لان كل قصه ونهايته حب ههههه
حلوة قصه لولا نزلته لخاطر زعاطيكم لان اني كنت مسكته كل زعاطيط بهاي قصه هاي ام البركه والخير سولفوها للطفل بيه بجيه لو متنحس لو مريض وادعولي 😂😂😂
