....يمه بنيتي نورا شبيج...بنتي هالشي وراج وراج سواء هسه لو باجر لو ورا شهر...وعمار اكيد يحبج ومراح ياذيج ...
خالتي اني احس انو احد داعي عليه ...شو مدااكدر اتقبل عمار...حجيت لامي تكولي خلي يودوج لشيج يقرا عليج يلا يتقربلج عمار...
...ياعمري رحت حضنتها كلبي ...ليش محجيتي ...خلاص باجر اوديج لشيخ ....
...اكول انت ماتنجب ليش متفضح نفسك وتفضحنا وين اكو هيج خرافات ...اصلا هاي مبينه تتموع ...شوف وقسما بالله اذا باجر رحتو للشيخ لااذب طل جوالاتكم كدام الباب....هذا الناقص جهال اخر زمن....
طلعت امي...نورا كامت تبجي...شفت مو كلت حياذوني ...
حبي اتحملي هاي امي .وو وكلامها صح ورا معاناه وححي كومه اقتنعت وتم زواجنا
...طلعت لاهلي شفت امي بالمطبخ...
...هايمه صباح الخير...صباح النور يوم الحمدلله تم كل شي...
...كلللوووش الف مبروك يمه بوستني وراحت تبارك لنورا
عدت ايام ...وكمت اشوف برودة نورا ماتهتملي وملابسي اختي تغسلها ...اني صح جنت اكول حسوي اختي خدامه جوا رجلج بس مقصدي تخلي حتى هدومنا هي تغسلها اني جان قصدي شغل البيت ...ويه نرجس متحمله وتكول عادي هو غساله واغسلها...بس كمت اشتغل بمطعم ...ارجع تتعارك وياي تكول بيك ريحت شحم واني مااتحمل نفسي تلعب ....وكل دقيقه تكول نفسي تلعب ...اخر مره متحملت ضربتها...شوفي ولج احبج اي اعشقج اي...بس تجين كل دقيقه وتكولين نفسي تلعب منك ادوسج افتهمتي....مااشوف غير كامت تصيح ...وابويه كسر الباب وفات ...هاي مو اول مره ابويه كل مره نتعارك يدخل نفسه بيناتنا ويطلعني اني الغلط ويكبر راسها....اني بديت اتندم لان اتزوجتها .. هالمره كالت
واله مااكعدله ولا دقيقه وصلت بيه يضربني ....راحت لاهلها...يومين امها خابرت امي هانتها اني كلت خلاص اطلكها....مرس اسبوع وكالو نورا حامل....اهما ابويه وامي قنعوني ارجعها لخاطر الجاهل شنو ذنبه وبصراحه اني ...ردت ارجعها لان...اتمنى اشيل ابني او بنتي بين اديه ..اريد احس بهالشعور ..اوووف رجعتها...
...ما...ما روح مو تضربني عود كلت اتزوجج وتصيرين الكل بالكل...
...حبيبي هسه شنو ناقصج اشو كل شي تردي اهلي يوفرولج حتى نرجس هدومنا تغسلها...انتي كاعده وماتسوين شي
...ها مو هذا جان وعدك اخلي نرجس خدامه جوا رجليج...
اولا صح اني حجيت هيج بس متندم لان اختي خطيه مدرسه وممقصره تجاهنا
...ها هسه صارت خطيه..
..اوووووووو هسه شتريدين ....
...مااريد تشتغل بالمطعم لان حامل ونفسي تلعب من الشحم...
لااله الا الله .....طلعت وعفت البيت رحت لكيت شغل عند فيترجي .....
رجعت حضنتها
...لخاطرج عفت الشغل بالمطعم...
...ياا صدك حبيبي يعني راح تضل دائما بالبيت وياي
...شنو هالحجي نورا اكيد لا... لعد منو يصرف علينا وهسه خاصه جايلنا طفل عالطريق...
اوووف واني ضايجه لاطلعه ولاطبه ....عود كلت اتزوج اشبع ونسات وطلعات...
...حبيبي ممقصر كل جمعه اطلع واهلج كل يومين اوديج هسه شناقصج...
...خلاص خلاص مناقصني شي..
قربت عليها وهسه ممشتاكه الي
...مااكدر حبي حامل ونفسي تلعب...
متفهمين شصار ترى من يوم الي تزوجنا انتي هيج مكضيتها صارلنا ٧شهور متزوجين ....كاضيها بس عركات وكانو ادورين العركه دواره حتى بالاخير تنطيني ضهرج وتنامين ...اسمعي زين ترى الرجال اذا المراه ماملت عينه يكوم سدور برا ..
...هه<ه عود هسه البنات مصفطين كدام الباب ...
..ها هيج صار الحجي نورا ...
...كتلك تعبانه وانت متقدر شسويلك ...وهسه حباب طفي الضوا خلي انطمر. ..
هزيت راسي طفيت الضوا وطلعت عالسطح....افكر شلون تعرفت على نورا
....جنت رايح لبيت عمي الصغير علاقتنا حلوة سوا اني وياه هو متزوج من ١٠سنين ماعده جهال ويريد يتزوج ومتردد ...المهم جنت جاي بتكسي من نزلت.رحت ادك بابهم جان اشوف وحده مو ذاك الجمال بس ماادري اصلا شلون دخلت كلبي مو يكولون الحب اعمى...صدك والله الي يشوفنا يستغرب اني صح اسمر بس حلو معالمي وهي موذاك الجمال بس بعيني جانت احلى البنات..المهم ضليت يوميه ببيت عمي اريد اجذبها الي بيو طلبت من مرت عمي تاخذرقمها ...وفعلا مرت عمي صادقتها واخذت رقمها وانطتني ياه...اول يوم خابرتها ...مجاوبتني ..ضليت كل دقيقه اخابر وهي تفصل ...اخر شي جاوبتني وشبعتني رزاله وسدت الخط....وراها عرفتها بنفسي وحبينا بعض .اوووف شكد وكتها جنت احبها ومااشوف اغلاطها ...او سمكن اني السبب ...لان نزلت من كرامة اهلي كدامها ...من اتعارك وياهم ..واجي اسلوفلها ...اخ يانو ا مو ردت اخليج اسعد وحده ليش تخليني اكرهج وابتعد عنج..نزلت جوا شفتها نايمه ولايمها...رحت نمت ...كمت اشتغل فيترجي ...وطبعا كلت لنرجس بعد نورا هي تغسل هدومنا انت مالج دخل....الا شوي تنفجر نورا ماادري شلون متغاركت يجوز تريد تنعدل ...بس مستحيل نورا وتتغير ههه....
بيوم كبرت عركتنا
هسه شتريدين اكو نسوان يتمنون زلمهم تشتغل وانتي يوميه مطلعتلي شغله شتريدين...
ريحه الكاز موتتني ...غير شغلتك....
شنو شايفتني. وزير اغيرشغل بكيفي اليوم ريحة شخم وباجر كاز...لعد شاشتغل كوليلي...
ماادري هذول الشغلتين مااتحمل ريحه الكاز ولا الشحم ...
....استغفر الله واتوب اليه ....
ضلت ترادد وتصيح ...اخر شي فقدت ردت اضربها...بس اتذكرت حامل دفر باب الكنتور انكسر وطلعت برا...طبعا كالعاده الولد ادخل
ولك مايصير براسك خيرمرتك حامل ليش تخوفها وتصيح..
...يابه الله يخليم متنعدل خليني اعدلها وانت لاتتدخل ..
والله انت يرادلك تنعدل ..
رحمه الله والديك ...عفنه وطلعت من البيت ...اووف يانورا خليتيني اعض اصابيعي ندم ...خلي نشوف الى وين تريدين توصلين يانورا
..
CZYTASZ
الرغبة18+
Krótkie Opowiadaniaقصه اجتماعيه تتحدث عن شاب فضل غرائزه على اعز ناسه هي اعطته الحب هو اعطاها الخيانه فياترى هل سيستمر الحياة بينهما ام تنتهي
البارت الاول
Zacznij od początku
