كان في شغل مشترك بين شركتنا وشركة المنفلوطى اللى ادم شغال فيها ويومها كنت اول مره اروح هناك لان مدير شركتنا جاله شغل طارئ تانى وقرر ان انا الى هروح مكانه امضي الورق من شركتهم مكنتش اعرف مين مدير الحسابات انا رايحه كورق همضيه وهمشي
_ بخبط ع باب المكتب
ادم : اتفضل
=احم السلام عليكم انا اللى جايه تبع شركة النصر عشان حضرتك تمضيلي ع الورق لان المدير جاله شغل مفاجئ
=ادم : انا سمعت الصوت كنت حاسس انه بيعزف ف قلبي مكنتش عاوزها تسكت رفعت عيني اشوف مين صاحبة الصوت ده وقومت اقف عشان ارحب بيها
_حوا : قام يقف يرحب بيا عينى وقعت عليه قلبي فضل يتنطط ف مكانه وعقلي بيقولى هو ده ادم ي حوا دا الى كتبتيله وبتكتبيله ده قدرك ي حوا متسيبهوش
=ادم : بتبصيلي كده ليه يا انسه ف حاجه
_ها .. لا
= ادم :*حسيت بحاجه غريبه جوايا كأن كل ذره ف جسمى بتتغير من مكانها او ان قلبي دقاته بقت اسرع بس اتجاهلت كل ده
=هو انتى اسمك ايه !!
_ انا حوا
=وانا أدم
_ ها ..! مستحيل مش ممكن
=ايه الى مستحيل ..!
_ لا مفيش
=ادم اتفضلي استريحى هطلبلك قهوه لحد ما اخلص الورق
_حوا : صدقنى مفيش داعى
= طلبت القهوه
_ حوا : انا كنت عاوزه اعيط واقوله مبشربش القهوه بس سكت ..
=ادم : مضيت الورق وانا كنت بتمنى انها تفضل متمشيش .. قهوتك بردت ملحقتيش تشربيها
_ حوا : مش مشكله وقت تانى ان شاء الله
=ادم : تسمحيلي اعزمك ع قهوه تانيه غير اللى بردت ونبقي صحاب !؟
_ حوا :*صحاب ...انا وقعت فيك انا قلبي خلاص اعلن استسلامه قدام ابتسامته وطوله ودقنه وشخصيته انا حبيته حبيت ساعته وبرفانه اللى ملا روحى حبيت ملامحه حبيت أدم ....
_ حوا : بس انا مبعملش صداقات مع ولاد بره حدود الشغل
= ادم : خلاص نقعد ف مكان ونناقش الورق ونبقي صحاب واعزمك ع قهوه بدل اللى بردت ونبقي صحاب برضو عادى ...
* وقام ضاحك
_حوا : قلبي وقع خلاص انا حبيته وهو ده اللى انا كتبتله يا ويل قلبي من ضحكتك في نفس المواصفات اللى كتبتها طوله والعرض دقنه جسمه الرياضي وشخصيته وكفايه ضحكته بالله بالعالم كله
_ حوا : غصب عنى ضحكت قولتله تمام موافقه
= ادم : ف حاجه مش طبيعيه بتحصل انا هقع تقريبا بس لا ده مجرد اعجاب لا يمكن يكون حب مش ادم سيف الدين اللى يقع
_اتقابلنا تانى يوم ف كافيه ع النيل وطبعا كان معايا الورق بتاع الشركه بس كل دى كانت حجه انا كنت بتلكك عشان اشوفه تانى
=ادم : انسه حوا اطلبلك قهوه !
_حوا : لا عاوزه عصير فراوله
= ادم : تمام وانا هطلب قهوه زياده
_ حوا : قعدنا نتناقش ف الورق بس انا ممكن اقسم ان مش فاكره هو كان بيقول ايه ولا بيتكلم في ايه انا كنت سرحانه ف عالم تانى عالم عباره عن ادم وبس
_خلصنا وقعدنا نتكلم عن حياتنا واحلامنا الوقت سرقنا منعرفش اواى
_ حوا : يا خبر الوقت انا لازم امشي .. وقومت عشان امشي
= ادم : انا هوصلك
_ حوا معلش مش بركب مع حد
= ادم : انا اسف مش قصدى انا كان قصدى اوصلك اسرع بس
_ حوا : انا عارفه وانا اللى اسفه هوقف تاكسي
*" جينا نخرج من الكافيه "*
= ادم : انسه حوا مقولتيش ليه انك مش بتحبي القهوه !!
_ حوا : انا وقفت مكانى كأن ف صاعقه نزلت عليا .. انا انا انا اتحرجت اقول وقومت اخده بعضي وجريت من قدامه كنت هموت من الاحراج وركبت اول تاكسي قابلنى
ل هند مراد
