رفيف..بقيت خجلانه ماعرف شسوي باوعت من جوه جوه صدك حلو نسيت اوصفلكم نفسي اني حنطيه فاتح لون بشرتي وجهي مدور عيوني سود كبار شعري سرح طويل طولي 160رشيقه كلش انيقه بس ماعرف اليوم ليش لبست جبة ماما وطلعت مخربطه جنت قلقه على بابا كلش لان احبه واعتبره مو اب اعتبره صديق الي كلشي اسولفله والدتي ملتهيه بالبيت والدوام مدرسه ترجع تعبانه وسجاد ملتهي باصدقائه ماعندي غير بابا ادلع عليه ونكعد نسولف ونتناقش
جان لبس للدوام زي موحد معهد المعلمات تنوره رصاصي وقميص ابيض وسويتر زرقه اني كنت مفصلتهن على جسمي ماشتري حاضر لذالك جانن الطالبات يكولن انيقه كان ابن خالتي حسين مقارب لعمري عينه عليا يغنيلي يالجمالك سومري وكنت احبه حب مراهقه لان اكبر مني وانيق
عثمان:طول الطريق اريد اعرف هاي شجابها ويانا وصلنا
ابو عثمان..ام سجاد اني اتغده وارتاح وارجع لابو سجاد محاجه تجين وتعبين نفسج
ام سجاد..لا دادا كافي تعبناك ويانا لاتروح اني سجاد يوصلني
ابو عثمان..وشلون تبقى رفيف بحدها مارضى تقبليها بنتي تبقى بالبيت بحدها
ام سجاد..دادا من ياخذني سجاد رفيف ابقيها يمكم
هي هم بنتكم ساعة زمان بس يوصلني سجاد يرجعلها
ابو عثمان..اختي هسه تنزلون يمنا تتغدون ام عثمان محضرتلكم الغده ونتفق ان شاء الله
عثمان..وصلنا للبيت نزلنا بابا اصر يجون يمنا وهاي المكديه ركضت دخلت لبيت ابو سجاد ام سجاد طلبت من والدي فرصه بس يغسلون ويغيرون ملابسهم ويجون والدتي محضره الغده لان تعرف هم مشغولين بابوهم واكيد ممتغدين دخلت اني وبابا غيرنا ملابسنا وغسلت
ابو عثمان..ابني عثمان روح جيب سجاد واهله يتغدون واذا ماجوي وياك امك تسوي صينيه وديها اللهم
عثمان..صار يابه طلعت دكيت الباب قبل السياج مال بيوتنا ناصي واني طويل طولي 190 نص جسمي طالع فوك السياج من اريد ادك الباب لمحت بنيه شعرها طويل اسود وسرح بسرعه انطيت ظهري لبيت ابو سجاد
رفيف..طلعت للممشى اشوف الباب عزه شفته واكف طويل كلش وشعره ضاربته الشمس صاير ذهبي عملاق هذا بس حلو ياربي هسه شيكول عليا رجعت ركض اخذت 5 الاف وطلعت هو منطيني ظهره مديت ايدي كتله هاك
عثمان..سمعت صوت كروان يكلي هاك اخذهن استحيت التفت ..شنو اخذ بابا يكول تعالو يمنا تغدو
رفيف..اخذ5 الاف مالتك اني مو مكديه
عثمان..شنووو 5 الاف هلا انتي منو
رفيف..اني رفيف اخت سجاد
عثمان..متحملت صدك ضحكت مكدرت اتحمل مالتفت واشوفها وياريتني مالتفتت وشفت عيونها
رفيف..من التفت عثمان متحملت من الخجل كمت دمعت عيوني وال5 الاف بعدهن بيدي دخلت اركض
تلكتني ماما
أنت تقرأ
زوجة صديقي
Romanceقصه حقيقه ابطالها على قيد الحياة بدأت وانتهت لا اريد ان افسد عليكم متعة قرأتها شكرا لكل من اعطى اعجاب او علق على القصص السابقه
