حب بالإجبار (نهوة)

الجزء 9

كمت ابجي وسمعته يطلع المكص من غلافه وكلت خلص كل شي انتهة ... فجأه شفته شمر المكص بالكاع وشمرني وصار فوكايه !
محمود : هالمره مكصيته بس ثقي واعتقدي المرة الجايه اسوي وصلة مسح ! عافني وفتح الباب وطلع اني جنت ابجي وارجف !
الباب بقى مفتوح شافتني ريام من ورة الباب ابجي جتني ركض كلت عليها بكلبي شكد حبابه مبينه ومتاكدة حتصير صديقتي ...
اجتني وكالت : شبيج يحلوة ؟ جنتي تستعرضين شعرج وجسمج الحلو ومن كتلج كمتي تتبجبجين ؟ ليش شعبالج الكح** متجي لهالبيت ...! صفنت وفتحت عيني على حيلها مصدومة ...
اسيل : شدتحجين انتي ؟ ومنو سمحلج هيج تحجين ويايه ...
ريام : باوعي ولج اذا اكله هيج تحجين ويايه يجنزج وعلي فـ خليني ساكتتلج لان لو افتح حلكي تشوفين المن يختار بنت عمه اللي عايش وياها من جانت طفله لو وحدة غريبه مثلج ؟! عافتني وطلعت صدك انقهرت تاليهة اتبهذل من وحدة بعمري وتهددني لا واكفه هاي ...
كلبي انكسر كلش مو اني اللي يصير بيه هيج !
...........................................................................
محمود :
ضوجتني كتلتها فرغت كلبي وطلعت اني اشتغل محقق طلعت لشغلي الهي نفسي بي واني دا اسوق شفت دم هذا الاثر مال نزف شفت اسيل كلبي انهز بس بنفس الوقت تستاهل الجرة تجاهلت وكملت طريقي ...
6 P.M :
مردت ارجع للبيت لان هوسه وهذيج اذا رجعت اكتلها يلا ارتاح ...
اتصلت على سنا ...
محمود : راح اجي حضريلي بجامه وحمامي والعشة اشوفه منتضرني وراها ماشوفج ...! كملت سديته بوجهها ... للعلم سنا تكون بنية تحبني من طرف واحد اهلها عدهم سوابق اجراميه ولهذا السبب طالعين خارج العراق {مهزومين} واني جبتها افرغ نفسي بيها واطلع قهري واذا مابيه حيل اهلي هيه هناك تخدمني ...!
طلعت من المركز رحت للبيت لكيتها واكفتلي بالباب فتحتلي وفتت جوة ! سنا : نورت البيت ! محمود : —-! نزعتني قمصلتي وعلكتها رحت للحمام غسلت ولكيتها محضرتلي بجامة لبستها وجابتلي العشة ليمي ! حطت الصينية وبديت اكل ...
سنا : صارلك شهر مجايني ... محمود :—— !
سنا : ليش جاي هنا منزعج ادري لتجاوبني بس اريد اكلك تنزعج اني انزعج وياك محد يستاهل زعلك شيخنا ...
محمود :——! كملت شالت صينية الاكل وودتهة ورجعتلي !
سنا : ادري احضرلك فراشك هسه ثواني اكعد عالقنـ(كنبه)ـفة!
كعدت منتضرها تخلص خلصت شغلت فوني وتمددت وجابتلي غطة وحطته يمي ... سنا : محمود يصير اعرف ليش جايني ؟
كمت اتأفأف وازفر الهوى ... سنا : زين ماريد اعرف ليش كاطع بيه ؟ محمود بهدوء : كلمة لخ اطلعج برة تباتين بالشارع ...
سكتت سنا وتمددت يمي شافت بايدي اثر الدم فزت ...
سنا بخوف : محمود هذا شنو الدم ؟ ضارب احد ؟؟؟؟
محمود : طلعي برة ... سنا : والله ماحجي بعد والله جربني !
محمود : —-! نمت وعدة اليوم !
....................................................................
اسيل :
الله البارحة نمت وحدي مرتاحة كلش وماكو ازعاج ولا لبس حجاب ولا دشداشة ولا احد يجبرني على شي بس اكيد اليوم حيجي !
افففف مابيه حيله مراح اسوي اي غلطه اليوم مالي واهس كتل !
لبست دشداشة وحجاب ونزلت اساعدهم بالغدة 😁اليوم كاعده متاخر ... واني جنت بالمطبخ دخل محمود !واني مجرد طيفه يمر ارجف منه واخاف ...الكل عدايه : هلا شيخنه نورت دارك و!و ريام : مساء الخير شيخ تريد احطلك غداك ؟
محمود بغضب : وعليكم السلام .لعد اسيل شنو شغلها هيه تحطلي !عرفت شيقصد صبيت الاكل بمواعين وحطيتها اله انتضرته يجي !
بيبي : اسيل عيوني شكلج متعرفين روحي ريام عليمهة وين تحطه وشتسوي ! كاعدتني ريام من ايدي والثانيه اني شايله بيها الاكل. ريام : شوفي اسيل روحي للديوان وحطي الاكل كدامه اصلاً محد اكو بس هوه اذا تريدين نزعي حجابج ! داروح لزمتني من ايدي وكالت : اسيل اسفة عالسويته سامحيني.! ابتسمت بوجها وكلتلها سامحتج ! واني جنت دا اودي الاكل للديوان لزمني حارس وكال الحارس: يمعودة شدتسوين بروحج ميصير بنيه تدخل هنا والتدخل تتجنز تلاحكي وانطيني الصينيه همزين لحكتلج الله ستر ! انطيته الصينية واني مصدومة معقولة هاي هيج تسوي شمسويتلها !
دخلت وباوعتلها بتحدي وهذيج انصدمت لان مسوالي شي !
بس اتمنى تضوك الدتسوي بيه بس مره بس !
صار الغدة كعدت اتغدى ومن خلصت حمدت ربي وشكرتهم ورحت اغسل واصعد بالغرفه استغليت انو هوه ماكو رحت افوت اغسل واخذت منشفتي ويايه ! فتت وكملت سمعت الباب فتح عرفته دخل كلت خلي اطلع من الحمام اكيد بريد يدخل نشفت روحي بس شو هدومي ماكو ... عزززة نسيت هدومي برة زين هذا يقبل يناولني الهدوم لو يكلبها مناحة ياربي ! لفيت المنشفة على جسمي وحان شعري يوصل للركبة مال رجلي وينكط مي والمنشفة توصل لربع فخذي وكل زنودي طالعة اذا طلعت هيج مو بس يجنزني يموتني ويشمر جثتي للحيوانات ... سمعته يدك الباب ...
محمود : طلعي اريد اغسل ناويه تباتين ؟ فتحت الباب وشفته كاعد ع لجربـ(سرير)ـايه رحفت ادري حيكتلي شفته يباوعلي من فوك لجوة بنضرات الله ليشوفكم اياها ! وهوه يتقدملي كتله ...
اسيل : قبل ما تكتلني ... والله معبالي حتصعد قبل ماكمل ونسيت هدومي والله اسفة.! تقدملي واني ارجع لحد ما التصقت بحايط ورطت روحي ! تقرب عليه وكال : وليش دا اكتلج ؟ استغربت
نزلت راسي داباوع لجسمي اتاكد اني شلابسه ! محمود : بس تدرين اذا احد غيري شافج هيج لابسه شنو عقابج ؟. هزيت راسي بخوف بمعنى لا ! بدة يتقرب اكثر ومضل بيناتنه سانتيم راح يم اذني وكال : اول شي اجنزج ثاني شي اقتل اللي تحبيهم امج مثلاً اختج ... بعدين اكتلج وراهم واغسل العار ... اسيل بخوف وهيه ترجف : يعني ... يعني هسه ... اني مشايفني احد هيج ... غيرك .... حتكـ ... تكتلني ؟ محمود : اعتقد كتلج اذا غيري!
فجأه انفتح الباب علينه وماشفت اله محمود يصيح اطلع برة وخلاني ورة ضهره وهوه معضل فـ ما بينت تالي طلعت ريام ... وخرت منه بسرعة ... ريام : اسفة دخلت بوقت غلط قاطعتكم !
اسيل : لا لا لتفهمينة غـ...! قاطعني محمود : اي والله طلعي وسدي الباب زين ! ريام : يبو نمر بس جدي يريدك. !
محمود بعياط : كلمتي متصير 2.! عافتنه ونزلت !
محمود : اذا دخل احد هنا وشافج هيج صدكيني انضف عاري بيج !
عافني وراح واني رحت امشط شعري ولبست هدومي ! بس شنو يعني ابو نمر شنو متزوج ؟ معليه طبه مرض المهم يبقى بعد عني!
بدلت ونزلت ولبست شالي ... كعدت بالهـ(صاله)ـول ويايه بيبي وريام وواحد ماعرفه ومحمود بالغرفه اللي بصفنه !
يتبع ...