..... بعد مرور شهر ......
رزان خطبها تركي ووافقت وتمت الملكه بعد اسبوع
ماجد كلم امه عن روز وانه يبيها وامه ماصدقت خبر ولدها يتزوج كانت تبي بنت خالته له بس وافقت لان روز بعد تعرفها وتحبها واخلاقها حلوه معها
شجون اليوم فيه ناس جايين يخطبونها هي والبندري مع بعض ومايدرون من هم يقولون يبونها مفاجاه (خبلات )
وانفال صارت مقربه من البنات خصوصا رغد بحكم انها اختها وتبي تتعرف عليها اكثر
رغد ورائد عايشين الرومنسيه والهبال والضحك والهواش المستمر والزعل نفس اي متزوجين
{ يوم الخطبه }
البندري جهزت ولبست فستان وسوت شعرها وماحطت مكياج لانه شوفه الشرعيه مايصير تحط مكياج لازم تكون على طبيعتها
* الفستان * أسود تحت الركبه اليدين حقته شفافه ومطرز بالولو ناعم مع الكم الى عند اليد
شعرها سوته كيرلي واخذت خصل منه من فوق وسوته تجديله وختمته في موخرة الراس باكرسيتال ناعم على شكل قلب
( شجون )
لبسة جامبسوت احمر خالي من التفاصيل
زينة لبسها بالاكسسورات الذهبيه ساعه ذهبيه مزينه بالكرستالات الصغيره الناعمه ومن داخل عقارب الساعه مرسومه بافضي مع ذهبي وطلعت هاديه وناعمه ومسويه لوك مع المناكير العنابي وسلاسل رقبه ثلاث كسرات مطرز عند الاخير بكريستالات ناعمه والثانيه لولو صغير عند الاخير والاخيره كريستال مع لولو وطلعت شكلها حييل حلو وشعرها سوته ذيل حصان مرفوع فوق ومن تحت كيرلي وطالع شكلها حلو وانيق
البنات كلهم جالسين بالغرفه
وشجون والبندري متوترات
كلهم جالسين يطق طقون على شجون والبندري
رغد بسخريه : شدعوه كل هالتوتر ههههههههههههههه
روز : قسم بالله اشكالكم تحفه اجل ليلة الزواج وش بتسوون ههههههههههه
شجون نزلت الكعب وبتهديد : قسم بالله يالبعارين يابقره انتي ويها لا ادخل هالكعب براسك اص عاد
رزان تمسح على ظهر شجون : ماعليه حبيبتي اتركيهم عديمات ضمير
رغد جالسه تضحك وعيالها يلعبون : شفتي حتى لودي وعزوزي يضحكون عليك ههههههه مافيه شي يخوف ترا اذا دخلتي خايفه بيستلمك اساله ويضحك عليك ادخلي واثقه
رزان ضحكت : اقول اسكتي انتي بالذات عذبتي اخوي نطيتي من الشباك ههههههههههه
والبنات قلبو طقطقه على رغد ورغد تضحك معهم عادي عندها
بعد 10 دقايق جاء رائد من ورا الباب : ام عبد العزيز تعالي ابيك شوي
رغد بحب وضحكه : قايلك ياحبيب الروح
والبنات يضحكون عليها
رائد ابتسم على زوجته جابت عيال ولا ركدت
طلعت رغد راحت عند رائد واقف يكلم
جت تمشي من وراه على طراف اصابعها وحطت يديها على عيون رائد : من هو حبيبي
رائد ابتسم ويسوي حاله بزر : انا حبيبك
رغد ضحكت : من هو الى خاط شنبه وعنده عيال ومتزوج ويسوي حاله بزر ومو لايق
رائد بضحكه : مدري
رغد ضحكت : ماش مو حلو عليك الدلع
رائد ابتسم : حبيبتي انا كل شي لايق علي
رغد حطت يديها ورا رقبت رائد وتبتسم بدلع : ايواه حبيبي ابو لودي وعزوزي وش تبي ياروحي
رائد خق عليها وابتسم : طلب واحد بس عزوز وليد ماخلوني انام شرايك نروح ننام وانام بحضنك ؟
رغد استحت وجها صار احمممر وعطت رائد بوسه على خده وشالت يدها
رائد ابتسم على شكل رغد وجلس يلعب بيد رغد : نادي البنات ترا طولو ماصارت
رغد ابتسمت بحب لرائد : من عيوني الحين بروح اناديهم بس اول بشيك على المجلس
رائد قرب لخد رغد وباسها : تسلم عيونك حبيبتي
.
......
دخلت رغد المجلس رتبت الشوكلات والمكسرات والقهوه والشاي وشغلت الفواحه وحطت البخور
المكان كان باررد وريحت البخور والفواحه ممزوجه ومعطيه جو خاص للمكان
ناظرت نظره اخيره وابتسمت وهي تدعي لصديقات عمرها وخواتها ان الله يوفقهم ويكتب لهم الخير
وطلعت
..................
نروح للمكان الثاني ريحة العود والبخور مع ريحة القهوه والاصوات الخشنه والرسميه
رائد : حي الله من جانا زارتنا البركه
.... : الله يحييك ويبقيك .. حنا اليوم جايين على سنة الله ورسوله نطلب بناتكم لعيالنا واتمنى ماتردونا
رائد : الله يحييكم وعيالك ياعمي رجال ينشد فيهم الظهر والنعم فيهم ماعليهم قصور بس نترك القرار للبنات انا مااقدر اجبرهم على شي هذي حياتهم
العم : ماعليك زود والنعم فيك ياابو عبد العزيز لاخلا ولا عدم والزواج قسمه ونصيب والله يكتب لهم الى فيه الخير
رائد : امين يارب
