فهد :بعد ماطلعت من بيت رحت للسيارة طلعت حقائب هواي لكيت جنطة صغير دورت بيها لكيت جواز شتفه شكد مسافرة هاي بنية شفت جواز امريكي اتصلت بمعارف هناك اريد اعرف عنها كل شي لان هي راح تبقى بيتي رجعتهن مثل ماجانن وطببتهن ورحت اكمل شغلي
سارة : رحت الغرفه اشوف ملاك وصهيب فتت واني احجي ملاك اني .. شفتها نايمه هي وصهيب منظر حلو عفتهم ونزلت اكمل شغلي لان عزيمه اليوم
ملاك:كعدت ع ضرب ع وجهي فتحت عيوني ع كيف شفت طفل يضرب بوجهي ويضحك صفنت وبعدين تذكرت اني وين كمت لكيت حقائب موجودة دخلت للحمام حضرت نفسي لبست جينز اسود وقميص طويل اسود ولفيت شعري كبه ونزلت خصل بشكل مهمل ونزلت ع درج واسمع اصوات هواي هوسه لحد ماوصلت اخر درجة كل انضار صارت علية وبيت عبارة عن نسوان مااعرف أحد وحدة منهن كالت منو هاي بنية
ام فهد:هاي بنت خالد ملاك
ملاك كل انضار عليه صارت وسكوت تام سلمت عليهن طلع عندي عمات انضر عبارة عن كره ونص ثاني حب
ماهتميت لحد اجتي سارة ولخذتني للمطبخ وعرفتني ع بنات سألتني وحدة شعجب هسة يلة اجيتي
ملاك:ماجنت اعرف عندي عمام هسة يلة عرفت
حلا:لا يمكن جاية علمود فلوس جدي عرفت عدنه فلوس لهذا سبب هسة يلة تذكرت وبعدين شنو الي يثبت انتي بنت عمنه
ملاك:تعرفين سبب جيتي بلوقت مناسب من رخصتكم اجاني اتصال وعفتهن وطلعت
ملاك:الووو
متصل : مرحبا آنسة ملاك شلونج
ملاك:أهلا استاذ محمد بخير
محمد:اتصلت بيج حتى ابلغج اكو شخص متصل وسأل عنج وحالو يعرف كل شيء عن حياتج
ملاك:منو هذا شخص تعرفه
محمد: ابن عمج فهد
ملاك :اوكي اني اصرف شكراً تعبتك وياي احجي وية سمعت صوت سارة صاحت اسمي
سارة: ملاك يلة جدي ينتظرج
ملاك :اكمل اتصال واجي
كملت وفتت اخر وحدة سلمت وعيون علية لان غريبه بينهم وكعت يم جدي وهوة عرفني عليهم
فهد :اجاني اتصال وعرفت كل شي عنها طلع عمي ميت ليش ماكالت وعرفت حياتها بس سبب رجعتها للعراق ماعرفته كلت هي راح تبقه واعرف سبب رجعت ع بيت بدلت ورحت كعدت يم ولد عمي سوالف وضحك لحد صبو عشه أمر من جدي عشة جماعي كلها تكعد كلها اجتي اله هي سال جدي عنها كالو اجاها اتصال مااعرف منو خمس دقائق واجتي كل عيون عليها اني ضجت لان حجاب ماكو ولابسه اسودة طالعه حلوة ضليت صافن عليها لحد ماكعدت يم جدي وبدة يعرفها ع عائلة
جد:اعرفكم هاي بنت ابني خالد وهذولة يابنتي ولد عمج سعد وأحمد وهذولة ولد عمتج
ملاك :عرفني ع عائلة واحد واحد همه هواي دخت من عدد ماحفظت اسماء بس شكل بس واحد فصلني بس صافن عليه ماعرف شبي كلها مخلصه كليا ماتصورتهم هيج واحد محامي زين راح يفيدوني بشغلي بلشو واني مامتعودة ع اكل دسم اكلت بس زلاطة ودك تلفوني وكمت وكلت سفرة دائمه
جد:بنتي مااكلتي
ملاك:لا حمد لله شبعت ضل تلفون يلح طلعت وجاوبت من شغل (اني عندي شغلي خاص بل اضافه الى شغلي مع أبي بلمكتب) كملت مكالمه واتصلت بلمحامي شركة يجي للبيت ويجيب ويا أوراق مال شركة والوصية لازم يعرفون أن بابا مات رجعت يمهم وضحك وشقه سالوني
علي:انتي من أمريكا صحيح
ملاك:اي صح
علي:بس انتي تحجين عربي احسن مني
ملاك:ابتسمت وجاوبته لان بابا علمني اتكلم عربي دائما نحجي بلبيت عربي
حلا:من علمج عربي ماعلمج ع تقاليد مالتنة اقصد صلين صومين ع لبسج
ملاك:لا بلعكس علمني كلشي ممكن تتوقعينه
علي :هسة انتي جنسية عراقية عندج.
ملاك:لا امريكا وجواز امريكي من كلت هيج شفت صدمه ع وجوهم لان اني نولد هناك لهذا السبب
سالني جدي :بنتي انت اجيتي وحدج امج وين ابوج ليش محد وياج
ملاك:مااعرف شجاوب حسيت هذا سؤال بعيون كل كلت جدوو بعد شوية تعرف ترخصت من يمهم ورحت غرفه حضرت اوراقي ونزلت لكيتهم يشربون جاي
ملاك:احم احم كلها انتبهت اني حابه اكول شي
أولا "شكراً ع كل الي سويتو آلية
ثانيا"اني راح اجاوب ع اسألتكم ومنها بابا وماما ليش محد اجه وياي وسبب جيتي بعد كل هل سنوات راح تعرفون كل شي .....
ملاك:حابة أوضح شغلة اني مااجيت حتى أخذ فلوس من احد ولا اخذ مكان احد اجيت حتى ابلغكم بشي كم يوم واخلص شغلي هنا وارجع لامريكا
جد :بنتي شنو هذا كلام مين سمعتي
ملاك:ماسمعت من احد بس حبيت اوضح اذا احد جان يفكر هيج وهاي اوراقي حطيتهن ع ميز كلها راح تسال شنو هاي اني اكلكم هاي اوراق تثبت اني بنت خالد ابنكم وهسة راح اكول سبب وجودي هنا حجيتلهم عن وفات بابا وماما وعن طلب بابا قبل ليكود ليموت بس ماحجيت عن وصية ماشفت حزن بعيون كل دك تلفوني وجاوبت
ملاك:الووو
متصل :اني وصلت
ملاك:انتضر دقائق واكون يمك سديت تلفون وحاجيتهم
ملاك: اكو سبب ثاني رجعتي هسة راح ابلغكم بي
....
أنت تقرأ
ملاك -والشيخ (مكتملة)
Romanceفتاة عاشت في امريكا طول عمرها ليترك لها والدها وصية تغير لها حياتها.. (لهجة عراقية) #للكاتبة Mare Ali
