قلوب ارهقها العشق

مشاعر جديدة

الحلقة التاسعة
#قلوب_ارهقها_العشق

اولا اسفة جدا على التاخير لاسباب صحية
اخر حلقة وقفنا عندها لم مرام قرارت تدي عمار فرصة يظهر لها مشاعره تجاها واخترت تكمل شغل في الشركه  وسمر الي بتفكر في قرار خطوبتها 
و اسلام الي مشي مع رهف لحد باب المدرسة بتاعتها

ظل واقفا يتابعها بكل العشق الذي بداخله تمني للحظة أن يأخذها بعيدا عن هذا العالم ولكن مهلا سوف يهرب بها يوما بعيد عن كل هذا العالم تنهد بعشق واغلق باب مكتبه عائدا إلى عمله من جديد
اما هي شاردة في قرارها الذي سوف يغير مجري حياتها بشكل كامل قطع هذا الشرود صوت شرين التي جلست امامها وهي تتمتم ببعض الكلمات........يا صباح الخير يا عسلية سرحانة في ايه ياجميل
مرام...... صباح النور يا شيرين عامله ايه
شرين........ الحمد لله انتي خلاص هتفضلي معنا هنا بجد
مرام......اهاااا
شرين......ده احسن قرار وأن شاء الله مش هتندمي عمار إنسان يستاهل كل خير
مرام...... ربنا يسهل المهم انتي كنتي عايزها حاجه
شرين.....اوبس كنت هنسي أنا لازم اروح ابلغ عمار علشان يروح الموقع الجديد العمال محتاجين يشفوه
مرام.......طيب ادخلي هو جوه
شرين......اوك سلام
دلفت شرين الي مكتبه وهي تجلس امامه وهي في كامل سعادتها
عمار........ في حد يدخل مكتب المدير كده
شرين......لا يا رجل انت هتترسم عليا ولا ايه ده احنا دفنينوا مع بعض
عمار....... هو مين
شرين......البرستيج الي انت بترسمه
عمار........ هو مش عجبك اني اتصلح حالي ولا ايه
شرين بجدية........ أنا اكتر واحدة مبسوطه بالتغيير ده بصراحه فرحت جدا لم شفت مرام النهارده وأنها وافقت تكون معاك
عمار...... وأنتي عرفتي منين الكلام ده
شرين بلهجة مرحة .......ايه يا عمنا انت ناسي اني سكرتيرة امجد بيه يعني لازم اكون بسمع دبة النملة المهم بقي سيبك من كل ده امجد بيه كلمني ونبه عليا علشان تروح الموقع الجديد العمال هناك عاملين اضراب مش عارفه مالهم
عمار......اوبس أنا كنت نسيت يالا أنا هروح لهم دلوقتي الغي كل مواعيد النهارده
شرين بمزاح...... والله شكلك حلوا اوي وانت عامل مدير بدل الطيش الي كنت فيه بركاتك يا مرام
عمار........ مرام صدقي بقي أنها احلي واجمل بنت عيني شافتها مش عارف من اول ما عيني جات عليها حسيت انها ليا ولازم تكون قصاد عيني أنا حاسس أنها جنة وعلشان أوصلها لازم استقيم علشان احس اني فعلا استحقها
شرين....... والله انت غريب جدااا ده في ناس بتاخد سنين علشان توصل لمرحلتك دي في الحب
عمار........ده اسمه العشق الي من اول نظره يا خربيت الي يتكلم معاكي الموقع الوقت أتأخر
خرج من مكتبه بعدما القي عليها نظرة أخيرة يملي عينه منها فلن يراها طوال اليوم اما هي ما أن رأته ارتفاع صوت خفقات قلبها مع كل خطوة منه وهو يقترب منها الي أن وصل إلي اذنها هامسا....... صباح الخير المكتب نور بيكي
قال تلك الجملة وانصرف الي الاسفل مغادر بسيارته الي وجهته الجديدة
في احدي المدارس الخاصة كانت تسير بمفردها فهي ليس لها اصدقاء بسبب انها من الطبقة المتوسطة أما عن الباقين فهم من الطبقة المخملية وفجأة سقطت على وجهها بسبب احدي الفتيات التي تعمدت ذلك اعتلي اصوات ضحكات الجميع عليها لتنهض هي بغضب ظاهر
رهف......  في حد يقف بالطريقة بتاعتك دي يا جرمين
چرمين......اهااا أنا عندك مانع
رهف.....اهاا عندي ياريت تبطلي الرخامه و الساذجة الي انتي فيهم دي
جرمين..... شوفوا مين الي بتتكلم بلاش انتي بالذات يا قطة
ده انتي سيرتك بقت اشهر من النار على العلم بالاخص بعد المشهد الرومانسي بتاع الصبح مع حبيب القلب الجديد
رهف...... انتي بتقولي ايه حبيب مين
جرمين..... احناا هنضحك على بعض كل المدرسة شافتكم قال عاملة فيها عيانة وهتموت وايه مبتكلمش شباب فعلا بنات رخيصة
رهف.....انتي انسانه مش محترمه وأنا مش محتاجة اشرح حاجه لحد
فارس......اتلمي يا بت واعدلي لسانك ده وإلا أقسم بالله اعرفك ازي تتكلمي مع اسيادك
رهف......بت في عينك لم تبقي رجل الاول وتحترم نفسك ومتددخلش بين البنات
انهت كلمتها سقطت على الأرض بسبب تلك الصفعة التي سقطت على وجهها
فارس.....احترمي نفسك يا روح امك ميغركيش الشكل ده أنا ممكن اخفيكي انتي واهلك وره الشمس
نهضت من الأرض بعدما نظفت ملابسها ونظرات الغضب تتطاير من عينيها ثم هتفت قائلة......قال يعني لم رفعت إيدك عليا بقيت رجل بتعمل عليا سبع رجاله في بعض أنت إنسان زبالة وهي الزبالة احسن منها وكل المدرسة عارفه كده كويس لم تستطيع چرمين الصمت جذبت رهف من شعرها وضربتها بقوة حتى استطاع الطالبا ابعادهم عن بعض وصل الأمر لمدير المدرسة فقام باستدعاء الجميع الي مكتبه
المدير....... ممكن افهم ايه الي حصل بالتفصيل
چرمين ...... أنا كنت واقفة مع صحابي وهي جت قالتلي أني زبالة وحتى فارس قالت عليه أنه مش رجل
رهف بدفاع عن نفسها...... اقسم بالله ابدا دي كدابة ده هي وقعتني على الأرض وبيعدين قالت عليا كلام مش كويس والي اسمه فارس ده ضربني بالقلم ولسه ايده معلمة على وشي
فارس......دي كدابة حضرتك محصلش انت عارف اني متربي واخلاقي ما تسمحش بكده حضرتك عارف أنا ابن أخوك مستحيل اكون بالاخلاق دي
المدير...... خلاص يا فارس حصل خير وانتي يا رهف اعتذري لهم
رهف أنا مغلطش علشان اعتذر لحد حضرتك كده متحيز معاهم علشان فارس ابن اخو حضرتك
المدير......انتي بنت قليلة ادب وأنا هعرفك ازي تردي عليا فصل اسبوع من المدرسة واستدعاء ولي امرك اتفضلي من هنا يالا
خرجت باكية وسط نظرات الشماتة من فارس وچرمين غادرت المدرسة منهارة كيف تخبر شقيقتها بما حدث وتحملها فوق طاقتها كانت تسير وهي لا تري أمامها من اثر الدموع بعينيها الي أن قطعت سياره طريقها ونزل منها شاب في مقتبل العمر نظرت إليه حتى تذكرت من هو
رهف....... أنت
عمار........ مالك يا رهف أنا شفتك بالصدفة وانتي بتعيطي مين مزعلك كده
مسحت اثر الدموع من على وجهها مبتسمة......مفيش حاجه أنا بس وخدة دور برد
لمح اثر اصابع علي وجهها ثم نظر إلى هيئتها كيف وثيابها المبهدلة
عمار.......مين عمل فيكي كده انتي مين ضربك وبهدلك كده مش المفروض انك في المدرسة
هنا نزلت دموعها وقصت له كل ما حدث فلم يكن منه إلا أنه جذبها من يدها و وضعها في سيارته وصعد بجوارها
عمار......مدرستك فين
رهف...... هو احنا هنروح فين
عمار بغضب اخافها.....سالتك مدرستك فين
املت عليه العنوان فلم يبعد كثيرا سار بها إلي المدرسة دلف بسيارته من الباب الرئيسي واوقف السيارة في منتصف المدرسة نزل منها  وهو في أقصى مراحل الغضب فتح الباب لها وانزلها
عمار.......تعرفي الواد ده في اي فصل
رهف......انت هتعمل ايه ممكن افهم
عمار.....ردي علي قد السؤال ممكن فين فصله
اشارت الي الفصل فما كان منه إلا أنه ذهب الي الفصل ودفع الباب بقوة مما افزع الطلبة والمدرس
المدرس...... أنت يا بني ادم ازاي تدخل فصلي بالشكل الهمجي ده
عمار بدون اهتمام.......مين هنا فارس
لم يرد عليه احد فلم يكن منه إلا ان جذبها من يدها وأشار إليهم
عمار.......مين فيهم الي ضربك
المدرس....... هو حضرتك داخل زريبة في ايه وانتي يا بنت مش المفروض انك اتفصلتي اسبوع بسبب المشاكل جايبلنا واحد بلطجي ولا ايه
عمار....... اقسم بالله لولا فرق السن كنت عرفتك البلطجية على حق اخلصي مين فيهم الي ضربك
كادت أن تتحدث فقاطعها فارس....... أنا الي ضربتها في ايه
عمار........ وكمان ليك عين تتكلم
اقترب منه ثم كور يده ولكمه بين عينيه أسقطه على الأرض وسط زهول الجميع ثم جذبه من ياقته وهو يصطحبه الي مكتب المدير الذي فزع حينما رأي هذا الوضع
المدير...... في ايه انت مين يا بني ادم ازاي تدخل مكتبي بالشكل ده
عمار...... علشان لم تكون المدرسة زبالة والمدير انسان معدوم الضمير يبقي الأسلوب الهمجي هو الي ينفع مع اشكالكم
المدير وهو يشير إلى رهف.......انتي جايبلنا بلطجي يا رهف
عمار محذرا.......كلامك معايا أنا يا محترم أولا أنا ابقي عمار امجد نصار اظن غني عن التعريف يعني لو عايز ممكن احسابك على غلطك ده واقفلك المدرسة الزبالة دي بس أنا مش هعمل كده
المدير.......اتفضل اقعد يا بشمهندس نتكلم بهدوء و نحل المشكلة دي ما بنا
عمار........مفيش هدوء ولا كلام الواد ده ضربها بالقلم و غلط فيها هو والبنت اللي كانت معاه قدام المدرسة كلها وسبادتك بدل ما تجيب لها حقها غلطت فيها وفصلتها كده بقي أنا الي هحل المشكلة بنفسي
المدير......معلش يا بشمهندس حصل خير وإذ كان على رهف ترجع على فصلها من دلوقتي وكأن مفيش حاجه حصلت ومحدش هيقرب منها
عمار.....لا ما هي هترجع فصلها وبردو مفيش حد هيقدر يلمس منها شعرة بس بعد ما حضرتك تعتذر لها  والحيوان ده هو البنت الي كانت معاه يعتذرو لها قدام المدرسة كلها وكمان تضربه زي ما ضربها
المدير......بلاش شوشرة في المدرسة احنا هنحل الموضوع هنا بدون مشاكل
عمار......مفيش مشاكل هتحصل و كلامي هيتنفذ ولا سيادتك حابب المدرسة دي تتقفل نهائي
المدير......بس يا بشمهندس أنا
عمار........هااااااا قلت ايه
المدير....... حاضر الي قلت عليه هيتنفذ
وبالفعل اعتذر فارس وچرمين لرهف اماما المدرسة باجمعها بعدما ردت القلم ل فارس وسط نظرات الحقد المتطايرة من الإثنين
المدير...... مبسوطه كده يا رهف
عمار........ أسمع رهف هنا تحت عينك لو حد داس لها على طرف أنا هخفيه من على وش الدنيا
المدير....... حاضر بس هي تقرب لحضرتك ايه
عمار........ تبقى اخت خطيبتي وفي مقام اختي الصغيره يعني الي يزعلها ميلومش إلا نفسه
يالا يا رهف تعالي معايا النهارده انتي باقي اليوم اجازة مش كده يا سيادة المدير
المدير..... طبعا برحتها
غادر عمار وهو يصطحب رهف الي سيارته وخرج بها إلي أقرب مطعم
في المدرسة كان الجميع يتحدث عن هذا الشاب الذي سحر اعين الفتيات والكل متشوقون للغد حتى تأتي رهف وتقص عليهم من هذا الوسيم
اما في مكتب المدير
فارس....... أنا مش عارف حضرتك ازي تسمح له يهينك كده
المدير...... علشان ده مش اي حد أنت عارف ابوه من أكبر رجال الأعمال وعندهم سلطة ونفوذ يقدروا يشيلوا المدرسة كلها أسمع انت تبعد عن رهف نهائي مش معني اني عمك هتحمل مشاكلك والبت الي إسمها چرمين دي تبعد عنها بت بتاع مشاكل فاهم
فارس....... فاهم