اغتصاب معلن

32

# ﺃﻏﺘﺼﺎﺏ _ ﻣُﻌﻠﻦ ‏[ 32 ‏]
ﺑﻘﻠﻢ / ﺳﺤﺮ ﺳﻤﻴﺮ .....
ﻡ ﻋﺎﺭﻓﺔ ﻟﻴﻪ ﻟﻤﻦ ﻳﻜﻮﻥ ﺍﻟﻤﻮﺿﻮﻉ ﻓﻴﻬﻮ ﺣﺴﺎﻡ ﺍﻧﺎ ﺑﺘﺼﺮﻑ ﺗﺼﺮﻓﺎﺕ ﻣﺎ ﺑﻔﻬﻤﺎﺍﺍ ، ﻋﻜﺲ ﺷﺨﺼﻴﺘﻲ ، ﻋﺎﺩﻱ ﺍﻋﻤﻞ ﺣﺎﺟﺎﺕ ﻭ ﻣﺎ ﺍﺣﺴﺐ ﻟﻴﻬﺎ ﺣﺴﺎﺏ ، ﻃﻮﻝ ﺍﻟﻄﺮﻳﻖ ﺍﻧﺎ ﻣﺘﻮﺗﺮﺓ . ّ.
ﺍﺗﺼﻞ ﻋﻠﻲ ﺍﻧﺎ ﻛﻨﺖ ﻟﺴﻪ ﻣﺎ ﻭﺻﻠﺘﺎ ، ﺭﺩﻳﺖ ﻗﻠﺖ ﻟﻴﻬﻮ ، ﻭﺻﻠﺘﺎ ﺍﻧﺖ ؟ ﻗﺎﻟﻲ ﺍﻳﻮﺓ ﻭ ﻡ ﻟﻘﻴﺘﻚ ﻭﺍﺳﻲ ﺭﺟﻌﺘﺎ ﺍﻟﺒﻴﺖ ،، ﻗﻠﺖ ﻟﻴﻬﻮ ﻫﻬﻬﻬﻪ ﻛﺎﻥ ﺭﺍﻛﺐ ﺻﺎﺭﻭﺥ ﻣﺎ ﻋﺎﺭﻓﻪ ﻭ ﺑﻌﺪﻳﻦ ﺍﻧﺖ ﺣﺘﺮﺟﻊ ﻋﻠﻲ ﺍﻟﺼﻴﺪﻟﻴﻪ ﻣﺎ ﻋﻠﻲ ﺍﻟﺒﻴﺖ ، ﻗﺎﻟﻲ ﻭﺍﻟﻠﻪ ﺣﺮﺟﻊ ﻋﻠﻲ ﺍﻟﺒﻴﺖ ﻻﻧﻲ ﺟﺎﻱ ﺑﻲ ﺗﺮﻳﻨﻖ ﺍﻟﺒﻴﺖ ، ﻗﻠﺖ ﻟﻴﻬﻮ ﺍﺣﻠﻒ ، ﻗﺎﻟﻲ ﻭﺍﻟﻠﻪ ﻭ ﻣﺎ ﺗﻀﺤﻜﻲ ﻓﻴﻨﻲ ، ﻓﻲ ﺳﺮﻱ ﻗﻠﺖ ﻟﻴﻬﻮ ﻭﺍﻟﻠﻪ ﻛﺎﻥ ﻟﺒﺴﺖ ﺷﻮﺍﻝ ﺣﺘﻜﻮﻥ ﺣﻼﺗﻚ .. ﻗﻠﺖ ﻟﻴﻬﻮ ﺍﺿﺤﻚ ﻟﻴﻪ ﻋﺎﺩﻱ ﺍﻟﻨﺎﺱ ﺑﺘﻤﺸﻲ ﺑﻴﻬﺎ ﺍﺭﻗﻰ ﺍﻻﻣﺎﻛﻦ، ﺍﻟﻤﻬﻢ ﺍﻗﻔﻞ ﺍﻧﺎ ﻗﺮﺑﺘﺎ ، ﻗﺎﻟﻲ ﻻ ﺧﻠﻴﻜﻲ ﻣﻌﺎﻱ ﻟﻤﻦ ﺗﻮﺻﻠﻲ ، ﻗﻠﺖ ﻟﻴﻬﻮﻭ ﺗﻤﺎﻡ ، ﻃﻴﺐ ، ﻭ ﺳﺎﻛﺘﻴﻦ ﻓﻲ ﺍﻟﻤﺴﺎﻓﻪ ﺍﻟﺼﻐﻴﺮﺓ ﺩﻱ ..
ﻟﻤﻦ ﻭﺻﻠﺘﺎﺍﺍ ، ﺍﺗﻔﺎﺟﺄﺗﺎ ﺑﻴﻬﻮ ﻭﺍﻗﻒ ﻣﻨﺘﻈﺮﻧﻲ ﻋﻠﻲ ﺍﻟﺸﺎﺭﻉ ، ﺣﺎﺳﺐ ﺑﺘﺎﻉ ﺍﻻﻣﺠﺎﺩ ، ﻧﺰﻟﺖ ﺳﻠﻤﺖ ﻋﻠﻴﻬﻮﻭ ،، ﻭ ﺩﺧﻠﻨﺎ ﺍﻟﻤﻄﻌﻢ ، ﻳﺎﺥ ﺳﺒﺤﺎﻥ ﺍﻟﻠﻪ ﻟﻤﻦ ﻧﺘﻜﻠﻢ ﻓﻲ ﺍﻟﺘﻠﻔﻮﻥ ، ﺑﻨﺘﺴﺎﺧﻒ ﻣﻊ ﺑﻌﺾ ﻭ ﺑﻨﻜﻮﻥ ﻣﺎﺧﺪﻳﻦ ﺭﺍﺣﺘﻨﺎ ﻋﻜﺲ ﻟﻤﻦ ﻧﺘﻼﻗﻰ ،، ﺍﻟﻤﻬﻢ ﻗﻌﺪﻧﺎ ﻓﻲ ﻧﻔﺲ ﺍﻟﻄﺎﻭﻟﻪ ﺍﻟﻔﺎﺗﺖ ، ﻗﺎﻟﻲ ﻫﺎ ﻧﻄﻠﺐ ﻃﻮﺍﻟﻲ ؟ ﻗﻠﺖ ﻟﻴﻬﻮ ﻋﺎﺩﻱ ، ﻗﺎﻟﻲ ﻧﺎﻛﻞ ﺍﻭﻝ ﻋﺸﺎﻥ ﻧﺘﻮﻧﺲ ﻭﺍﺣﻨﺎ ﺷﺒﻌﺎﻧﻴﻦ ﻛﺪﺍ ﻫﻬﻬﻬﻪ ، ﻗﻠﺖ ﻟﻴﻬﻮ ﺳﻤﺢ ﺍﻫﺎ ﻭﻣﺎ ﺗﺴﺎﻟﻨﻲ ﺍﻛﻞ ﺷﻨﻮ ﻋﻠﻴﻚ ﺍﻟﻠﻪ ﻋﺸﺎﻥ ﺍﻧﺎ ﻡ ﻋﻨﺪﻱ ﻗﺸﻪ ﻣﺮﺓ ،،، ﻗﺎﻟﻲ ﻭﺍﻟﻠﻪ ﻛﻨﺖ ﺣﺴﺄﻟﻚ ﺗﺎﻛﻠﻲ ﺷﻨﻮ ﺑﺲ ﺳﺒﻘﺘﻴﻨﻲ ﻣﻔﺘﺤﻪ ﻟﻜﻦ ، ﻋﺎﻳﻨﺖ ﻟﻴﻬﻮ ﺷﺪﻳﺪ ﻛﺪﺍﺍ ﻭ ﻫﻮ ﺑﻴﻌﺎﻳﻦ ﻓﻲ ﺍﻟﻤﻨﻴﻮ ، ﻗﻠﺖ ﻟﻴﻬﻮ ﺍﻧﺎ ﺷﻔﺖ ﺷﺨﺼﻴﺘﻚ ﺍﻟﺠﺎﺩﺓ ﺩﻳﻚ ﻭﺍﻟﺼﺎﺭﻣﺔ ﻳﻌﻨﻲ ﻡ ﻗﺎﺩﺭﺓ ﺍﺳﺘﻮﻋﺐ ﺗﺨﻠﻲ ﺷﻐﻠﻚ ﻭ ﺗﺠﻲ ﺗﻀﻴﻊ ﺯﻣﻨﻚ ﻣﻌﺎﻱ ،، ﻗﺎﻟﻲ ﺍﻟﺤﻴﺎﺓ ﺑﺘﺨﻠﺺ ﻭﺍﻟﺸﻐﻞ ﻡ ﺑﻴﺨﻠﺺ ﻭ ﺑﻌﺪﻳﻦ ﺩﻱ ﺻﻴﺪﻟﻴﺘﻲ ﺑﻤﺸﻲ ﻭﺍﺟﻲ ﻓﻴﻬﺎ ﻭﻗﺖ ﻡ ﻋﺎﻳﺰ ﻭﺻُﻬﻴﺐ ﻡ ﻣﻘﺼﺮ ﻓﻴﻬﺎ ،، ﻃﻠﺐ ﻟﻴﻨﺎ ﻭ ﻓﻀﻞ ﺳﺎﻛﺖ ﻳﻌﺎﻳﻨﻲ ﻓﻴﻨﻲ .. ﻗﺎﻟﺖ ﻟﻴﻬﻮ : * ﻣﺎﻟﻚ ؟
_ ﻭﻻ ﺷﻲ ﺑﻌﺎﻳﻦ ﺑﺲ ﻣﺎ ﺍﻋﺎﻳﻦ !
* ﻋﺎﻳﻦ ﺑﺲ ﺻﺮﺍﺣﻪ ﺍﻧﺎ ﻓﻲ ﺣﺎﺟﺎﺕ ﻣﺤﺘﺎﺟﻪ ﺍﻓﻬﻤﺎ ﻣﻨﻚ ﺷﺨﺼﻴﺎً ، ﻳﻌﻨﻲ ﻣﺜﻼً ﺻﻮﺗﻚ ﻭ ﺍﻧﻚ ﻡ ﻧﺎﻳﻢ ، ﺣﺎﺻﻞ ﺷﻨﻮﻭ ؟
_ ﻡ ﺣﺎﺻﻞ ﺷﻲ ﻳﺎ ﺳﻠﻮﺍﻥ ﺑﺲ ﺍﺧﺘﻼﻑ ﻣﻊ ﺍﺧﻮﻱ ﻭﻣﻊ ﺍﻟﻮﺍﻟﺪ ﻓﻲ ﻣﻮﺿﻮﻉ ﻛﺪﺍ ﻭ ﺣﺘﻲ ﻋﻤﺘﻲ ﺍﻟﺮﺑﺘﻨﻲ ﻭﺍﻗﻔﻴﻦ ﻛﻠﻬﻢ ﺿﺪﻱ ، ﻳﻤﻜﻦ ﻋﺸﺎﻥ ﻣﺘﻌﻮﺩ ﻳﺴﻤﻌﻮ ﻛﻼﻣﻲ ﻑ ﺍﻱ ﻗﺮﺍﺭ ﻭﺍﻧﻲ ﺍﻟﺰﻭﻝ ﺍﻟﻌﺎﻗﻞ ﺩﺍﻙ ، ﺑﺲ ﻭ ﺍﺭﻕ ﺳﺎﻱ ﻳﻌﻨﻲ ..
* ﻋﻤﻮﻣﺎ ﻛﺪﺍﺍ ﻣﺮﺍﺕ ﻣﺠﺒﺮﻳﻦ ﻧﺘﺘﺎﺯﻝ ﻳﻌﻨﻲ ﺯﻱ ﻣﺎ ﻗﺎﻟﻮ ، ﺍﻥ ﻟﻮ ﺍﺗﻨﻴﻦ ﻗﺎﻟﻮﻟﻴﻚ ﺍﺿﺎﻧﻚ ﻣﺎﻓﻲ ، ﺍﻫﺒﺸﺎﺍﺍ .. ﻭ ﺍﻧﺖ ﺣﺎﻭﻝ ﺗﻌﺎﻳﻦ ﻟﻠﻤﻮﺿﻮﻉ ﻣﻦ ﻣﻨﻈﻮﺭﻫﻢ ﻫﻤﺎﺍ ﻳﻤﻜﻦ ﺭﺅﻳﺘﻚ ﺗﺨﺘﻠﻒ ﻳﻤﻜﻦ ﺗﻘﺪﺭ ﺗﺸﻮﻑ ﺍﻟﺠﺎﻧﺐ ﺍﻟﻤﻀﻴﺊ ..
_ ﻡ ﻣﺰﻋﻮﺝ ﻟﻠﺪﺭﺟﺔ ﺩﻱ ﺑﺲ ﻓﻌﻼ ﻛﻼﻣﻚ ﺻﺢ
* ﻃﻴﺐ ﻡ ﻧﻔﺴﻚ ﺗﺴﺄﻟﻨﻲ ﺳﺆﺍﻝ ﻛﺪﺍ !
_ ﺍﻣﻤﻤﻤﻤﻢ ﻻ
* ﻣﺘﺄﻛﺪ ؟
_ ﺑﺮﺿﻮ ﻻ ، ﺑﺲ ﻡ ﻛﻞ ﺍﻻﺳﺌﻠﻪ ﻳﺠﻮﺯ ﺍﺳﺄﻟﻚ ﻟﻴﻬﺎ ﻳﻤﻜﻦ ﺗﻜﻮﻥ ﺷﺨﺼﻴﻪ ﺍﻭ ﺍﻧﺘﻲ ﻡ ﺣﺎﺑﺔ ﺗﺤﻜﻲ ﻓﺎ ﺍﻧﺎ ﻣﺎ ﺑﻘﺪﺭ ﺍﺟﺒﺮﻙ ﺻﺮﺍﺣﻪ ﺍﻭ ﺗﺠﺎﻭﺑﻲ ﻭﺍﻧﺘﻲ ﻣﺮﻏﻤﺔ .
* ﻡ ﻋﺎﺭﻓﻪ ﺑﺲ ﺍﻧﺎ ﻣﺘﺄﻛﺪﺓ ﺍﻧﻨﺎ ﺑﻨﺘﻜﻠﻢ ﻋﻦ ﻧﻔﺲ ﺍﻟﺤﺎﺟﻪ ﻳﺎ ﺣﺴﺎﻡ ﺍﻟﻔﻲ ﺑﺎﻟﻚ ﻓﻲ ﺑﺎﻟﻲ ، ﺑﺲ ﻋﺸﺎﻥ ﺍﻟﺘﻌﺎﻣﻞ ﺑﻴﻨﺎ ﻳﺒﻘﻲ ﻣﺮﻳﺢ ..
_ ﺷﻮﻓﻲ ﻓﻌﻼ ﺍﻟﻔﻲ ﺑﺎﻟﻚ ﻓﻲ ﺑﺎﻟﻲ ﺑﺲ ﺍﻧﺎ ﺍﺧﺪﺕ ﺍﻻﺟﺎﺑﻪ ﺭﻏﻢ ﺍﻧﻲ ﻡ ﻛﻨﺖ ﺑﻔﺘﺶ ﻋﻦ ﺍﺟﺎﺑﻪ ﻗﺪﺭ ﻡ ﻛﻨﺖ ﺑﻔﺘﺶ ﻓﻴﻜﻲ ، ﺍﻧﺎ ﺍﻟﻠﻪ ﺧﻠﻘﻨﻲ ﺍﺗﻌﺎﻣﻞ ﻣﻊ ﺍﻟﻨﺎﺱ ﻟﺸﺨﺼﻬﻢ ﺑﻐﺾ ﺍﻟﻨﻈﺮ ﻋﻦ ﺍﻏﻼﻃﻬﻢ ﻭﻻ ﺣﻴﺎﺗﻬﻢ ﺍﻟﺴﻮﺩﺍﺀ ، ﺍﻟﻤﻬﻢ ﺍﻻﻧﺴﺎﻥ ﺩﺍ ﺑﻴﻌﺎﻣﻠﻨﻲ ﻛﻴﻒ ..
* ﻓﻬﻤﺘﻨﻲ ﻓﻌﻼً ..
_ ﻋﻘﺒﺎﻝ ﺗﺤﺴﻲ !
* ﺍﺣﺲ !! ﻫﻪ ﻛﻴﻒ ﻳﻌﻨﻲ
_ ﺍﻭﻛﻲ ﺑﻼﺵ ﺗﺤﺴﻲ ﻋﻘﺒﺎﻝ ﺗﻔﻬﻤﻲ
* ﺣﺴﺎﻡ ﺑﺘﻠﻌﺐ ﻣﻌﺎﻝ ﻟﻌﺒﺔ ﺍﻻﻟﻐﺎﺯ
_ ﻻ ﺍﺑﺪﺍً ﺑﺲ ﺑﺤﺎﻭﻝ ﺍﻗﻮﻝ ﻟﻴﻜﻲ ﺍﻧﻲ # ﺑﺤﺒﻚ
* ﻫﺎﺍﺍ .... ﺷﻨﻮ !!
_ ﻡ ﻣﺤﺘﺎﺝ ﺍﻻﻧﻔﻌﺎﻝ ﺩﺍ
* ﺍﻧﺖ ﺑﺘﻬﺰﺭ ﻣﻌﺎﻱ ! ﻛﻴﻒ ﺑﺲ ﻓﻬﻤﻨﻲ
_ ﺍﻧﺎ ﺍﻟﻤﺎﻓﺎﻫﻢ ﺳﺒﺐ ﺍﻧﻔﻌﺎﻟﻚ ﻋﻠﻲ ﻓﻜﺮﺓ ﻣﺎ ﻣﻦ ﺍﻟﻠﻴﻠﻪ ﻭﻻ ﻣﻦ ﺍﻣﺒﺎﺭﺡ ، ﺳﻠﻮﺍﻥ ﺍﻧﺘﻲ ﺩﺧﻠﺘﻲ ﻗﻠﺒﻲ ﻣﻦ ﺍﻭﻝ ﻣﺮﺓ ﺍﻧﺎ ﺷﻔﺘﻚ ﻓﻴﻬﺎ ﻣﻦ ﻏﻴﺮ ﺍﻋﺮﻑ ﺍﺳﻤﻚ ﻭﻻ ﺣﻴﺎﺗﻚ ﻭﻻ ﺍﻱ ﺷﻲ ﻋﻨﻚ ﺑﺲ ﻛﺪﺍﺍ ﻫﻮ ﺣﺐ ﺭﺑﻨﺎ ﺑﻴﺨﺘﻮ ﻓﻲ ﻗﻠﺒﻚ ﻣﻦ ﻏﻴﺮ ﻟﻴﻪ ﻭﻻ ﻛﻴﻒ ..
.............* ﺍﻭﻝ ﻣﺮﺓ ﺩﻱ ﺑﺎﻟﺰﺍﺕ ﻣﺤﺘﺎﺟﻴﻦ ﻭﻗﻔﻪ ﻓﻴﻬﺎﺍﺍ ، ﺑﺘﺤﺒﻨﻲ ﻭ ﻟﺤﺪ ﺍﻻﻥ ﻡ ﺳﺎﻟﺘﻨﻲ ﻋﻦ ﺷﺮﻳﻂ ﺍﻟﺤﻤﻞ ﺍﻟﺠﻴﺖ ﺍﺷﺘﺮﻳﺘﻮ ﻣﻦ ﺻﻴﺪﻟﻴﺘﻚ !
_ ﻋﺎﺩﻱ ﻭﻳﻦ ﺍﻟﻤﺸﻜﻠﻪ ! ﻃﺒﻴﻌﻲ ﻻﻧﻚ ﺷﻐﺎﻟﻪ ﻓﻲ ﻣﺴﺘﺸﻔﻲ ﻳﻌﻨﻲ ﻭﻳﻦ ﺍﻟﻤﺸﻜﻠﻪ !
* ﺷﻐﺎﻟﻪ ﻓﻲ ﻣﺴﺘﺸﻔﻲ ؟ ﺍﻧﺎﺍﺍﺍﺍﺍ !
_ ﺍﻳﻮﺓ ، ﻳﻌﻨﻲ ﻗﺼﺪﻱ ﻛﻨﺘﻲ ﺷﻐﺎﻟﻪ ﺑﻲ ﻣﺴﺘﺸﻔﻲ ﻭﺍﺳﻲ ﺷﻐﺎﻟﻪ ﻓﻲ ﻣﺤﻞ ﺣﻠﻮﻳﺎﺕ ..
* ﺣﺴﺎﻡ ﺍﻧﺖ ﺑﺘﺘﻜﻠﻢ ﻋﻦ ﻇﻨﻮ ﻭﻻ ﻋﻦ ﻣﻨﻮ ﺑﻤﻌﻨﻲ ﺍﺻﺢ ، ﺷﻜﻠﻚ ﻣﻠﺨﺒﻂ ﺑﻴﻨﻲ ﻭ ﺑﻴﻦ ﻭﺣﺪﺓ ﺗﺎﻧﻴﻪ !
_ ﻻ ﻱ ﺳﻠﻮﺍﻥ ﻣﺴﺘﺤﻴﻞ ﺍﻟﺨﺒﻂ، ﺍﻧﺘﻲ ﻡ ﻣﺘﺰﻛﺮﺓ ﺍﻭﻝ ﻣﺮﺓ ﺍﺗﻘﺎﺑﻠﻨﺎ ﻭﻳﻦ ؟
* ﻓﻲ ﺍﻟﺼﻴﺪﻟﻴﻪ ﺣﻘﺘﻚ ﺣﺘﻲ ﻋﺎﻣﻠﺘﻨﻲ ﺑﺎﺳﻠﻮﺏ ﻛﻌﺐ ..
_ ﻻ ﺍﻧﺎ ﻛﻨﺖ ﻣﻨﻔﻌﻞ ﻣﻦ ﻣﺸﻜﻠﻪ ﺗﺎﻧﻴﺔ ، ﺑﺲ ﺍﻧﺤﻨﺎ ﺍﻭﻝ ﻣﺮﺓ ﺍﺗﻼﻗﻴﻨﺎ ﻓﻲ ﺍﻟﻤﺴﺘﺸﻔﻰ ﻭ ﺟﻴﺖ ﺳﺎﻟﺘﻚ ﻣﻦ ﺍﺳﻢ ﺻﺪﻳﻖ ﻟﻲ ﺍﻣﻪ ﻛﺎﻧﺖ ﻣﺮﻗﺪﺓ ﻫﻨﺎﻙ ،ﻭ ﺍﻟﻤﻤﺮﺿﻪ ﻭﻗﺘﻬﺎ ﻗﺎﻟﺖ ﻟﻲ ﺍﻧﻚ ﺍﻟﻤﻤﺮﺿﻪ ﺍﻟﻤﺘﺎﺑﻌﻪ ﻣﻌﺎﻫﻢ ﻭ ﺟﻴﺖ ﺳﺄﻟﺘﻚ ﻋﻨﻪ ﻣﻌﻘﻮﻝ ﻣﺎ ﻣﺘﺬﻛﺮﺓ ؟
* ﺻﺪﻳﻖ ﻟﻴﻚ !
_ ﺍﻳﻮﺓ
* ﺣﺴﺎﻡ ﺍﻧﺎ ﺣﺎﺳﻪ ﺑﺼﺪﺍﻉ ﻣﻢ ﻣﻌﻠﻴﺶ ﻣﻀﻄﻄﺮﺓ ﺍﻣﺸﻲ ، ﻧﺘﻼﻗﺎ ﻣﺮﺓ ﺗﺎﻧﻴﻪ ، ﻋﻦ ﺍﺯﻧﻚ .... ﻭ ﻣﺸﻴﺖ ﻭﺧﻠﻴﺘﻮ ﻟﻠﻤﺮﺓ ﺍﻟﺘﺎﻧﻴﻪ ﺑﺲ ﺍﻟﻤﺮﺓ ﺩﻱ ﻛﻨﺖ ﻣﻘﺮﺭﺓ ﺍﻧﻬﺎ ﻣﺸﻴﻪ ﻭ ﻣﺎ ﻣﻨﻬﺎ ﺭﺟﻌﻪ ..
ﺭﻛﺒﺖ ﺍﻗﺮﺏ ﻋﺮﺑﻴﻪ ﻟﻲ ، ﻣﺎﺷﻪ ﻭﻳﻦ ﻣﺎ ﻋﺎﺭﻓﻪ ﻭﺻﻠﺖ ﻣﻌﺎﻫﺎ ﻟﻼﺧﺮ ،ﻣﻜﺎﻥ ﻡ ﺑﻌﺮﻓﻮ ، ﻧﺰﻟﺖ ﻭ ﺭﻛﺒﺖ ﺍﻣﺠﺎﺩ ﻭ ﺻﻔﺖ ﻟﻴﻬﺎ ﺑﻴﺘﻨﺎﺍ ،،
ﻓﻌﻼ ﻭﺻﻠﺖ ﻭﻧﺰﻟﺖ ﻣﻨﻮ ﻋﻠﻲ ﺍﻟﺸﺎﺭﻉ ،ﻛﺄﻥ ﺍﻟﻴﻮﻡ ﻧﺎﻗﺺ ﺑﻼﻭﻱ ..
ﻭ ﺗﻤﺖ ﺍﻟﻨﺎﻗﺼﻪ ﻭ ﻻﻗﻴﺖ ﻭﻟﻴﺪ ﻓﻲ ﻧﺎﺻﻴﺔ ﺍﻟﺸﺎﺭﻉ ، ﺑﻴﻌﺎﻳﻦ ﻟﻲ ﺑﻲ ﻗﺮﻑ ﻛﺪﺍﺍ ، ﻭ ﺍﻧﺎ ﺍﺻﻼً ﻋﺎﻳﺰﺓ ﻓﺮﺻﻪ ﺍﺗﻜﻠﻢ ﻣﻌﺎﻫﻮ ﻓﻴﻬﺎﺍ ، ﺑﻴﻦ ﻣﺘﺮﺩﺩﺓ ﺍﻣﺶ ﻋﻠﻴﻬﻮ ﻭﻻﻻ ﻭﻑ ﻧﻔﺲ ﺍﻟﻮﻗﺖ ﻭﻗﻔﺘﻨﺎ ﺣﺘﺠﻴﺐ ﻟﻲ ﺍﻟﻜﻼﻡ ﻭﺍﻧﺎ ﻣﺎ ﻧﺎﻗﺼﻪ .. ﻟﻘﻴﺖ ﻭﻟﻴﺪ ﺑﺮﺍﻫﻮ ﺟﺎﺍ ﻋﻠﻲ ..
‏( ﻓﻲ ﺟﺎﻧﺐ ﻣﺮﻭﺓ ﻭﺍﻗﻔﻪ ﻓﻲ ﺍﻟﺸﺎﺭﻉ ﻣﻊ ﻭﺣﺪﺓ ﻣﻦ ﺣﺮﻳﻢ ﺍﻟﺠﻴﺮﺍﻥ ‏)
ﻣﺮﻭﺓ : ﺍﻟﺴﻼﻡ ﻋﻠﻴﻜﻢ
ﺍﻟﻤﺮﺓ : ﻭﻋﻠﻴﻜﻢ ﺍﻟﺴﻼﻡ
ﻣﺮﻭﺓ : ﺍﺯﻳﻚ ﻳﺎ ﺧﺎﻟﻪ
ﺍﻟﻤﺮﺓ : ﺑﺨﻴﺮ ﻭﺍﻟﻠﻪ ﺣﻤﺪﻟﻠﻪ
ﻣﺮﻭﺓ : ﺍﺳﺘﻐﻔﺮﺍﻟﻠﻪ ﺍﻟﺒﺖ ﺩﻱ ﻡ ﻋﻨﺪﻫﺎ ﺍﻫﻞ ﻳﻠﻤﻮﻫﺎ ، ﺍﻟﻠﻪ ﻳﺴﺘﺮ ﻋﻠﻴﻨﺎ ﺑﺲ
ﺍﻟﻤﺮﺓ : ﻣﻨﻮ ﺗﻘﺼﺪﻱ !
ﻣﺮﻭﺓ : ﺍﻟﺒﺖ ﺩﻳﻚ ﺍﻟﻠﻪ ﻳﻬﺪﻳﻬﺎ
ﺍﻟﻤﺮﺓ : ﻫﻪ ﺩﻱ ﺑﺖ ﻓﺎﻃﻨﺔ ﻭﺍﻟﻠﻪ ﻱ ﺑﺘﻲ ﺍﻟﻠﻪ ﻳﺴﺘﺮ ﻋﻠﻴﻜﻦ ، ﺍﻟﺒﺖ ﺩﻱ ﺳﻤﻌﺘﺎ ﻓﺎﻳﺤﻪ ﻓﻲ ﻛﻞ ﻣﻜﺎﻥ ﻭﺍﻟﺤﻠﻪ ﻛﻠﻬﺎ ﺑﺘﺘﻜﻠﻢ ﻋﻨﻬﺎ .
ﻣﺮﻭﺓ : ﺍﻱ ﺳﻤﻌﺘﺎ ﻭﺍﻟﻠﻪ ﻟﻜﻦ ﻳﺎ ﺧﺎﺍﻟﻪ ﺍﻻﺗﺎﻛﺪ ﻣﻨﻮ ﻣﻦ ﺍﻟﺨﺒﺮ ﺩﺍ ﻭﻧﺸﺮﻭﻭﻭ
ﺍﻟﻤﺮﺓ : ﻭﺍﻟﻠﻪ ﺳﻤﻌﺖ ﻣﻦ ﻣﺮﻳﻢ ﻭﺳﻌﺎﺩ ..
ﻓﻲ ﺟﺎﻧﺒﻲ ،،
* ﺍﻫﻠﻴﻦ ﻭﻟﻴﺪ ؟
_ ﺣﺎﻳﻤﺔ ﻓﻲ ﺍﻟﺸﻮﺍﺭﻉ ﻣﺎﻟﻚ ؟
* ﺣﺎﻳﻤﺔ ! ﻻ ﺍﻧﺎ ﺟﺎﻳﻪ ﻣﻦ ﺍﻟﻤﺤﻞ
_ ﺍﺳﻤﻌﻲ ﺗﺎﻧﻲ ﻻﺗﻘﻮﻟﻲ ﻟﻲ ﻣﺤﻞ ﻭﻻ ﺯﻓﺖ ﻋﻠﻲ ﻭﺷﻚ ﻓﺎﻫﻤﻪ ﻭﺍﻟﻠﻪ ﺍﺷﻮﻓﻚ ﻓﻲ ﺍﻟﺸﺎﺭﻉ ﺩﺍ ﺍﻛﺴﺮ ﻛﺮﻋﻴﻚ ﻓﺎﻫﻤﻪ ﻭﻻ ﻣﺎﻓﺎﻫﻤﺔ ..
* ﻭﻟﻴﺪ ﻣﺎ ﺗﺼﺪﻕ ﻧﻔﺴﻚ ﻫﺎﺍ ﺍﻧﺎ ﻣﺎ ﻣﻴﺘﺔ ﻋﻠﻴﻚ ﻭﺍﻟﻠﻪ ﺍﻧﺎ ﻣﺠﺒﺮﺓ ﻋﻠﻴﻚ ...
_ ﻣﺠﺒﺮﺓ ﻋﻠﻲ ﺍﻧﺘﻲ ﺣﻴﻮﺍﻧﻪ ﻭﻻ ﺷﻨﻮ ﺍﻧﺘﻲ ﺗﺤﻤﺪﻱ ﺭﺑﻚ ﺍﻧﻲ ﺣﺎﺳﺘﺮ ﻋﻠﻴﻚ ﻭﺭﻳﻨﻲ ﺭﺍﺟﻞ ﻳﻘﺒﻼ ﻋﻠﻲ ﻧﻔﺴﻮ
* ﺍﻧﺎ ﻡ ﻃﻠﺒﺖ ﻣﻨﻚ ﺗﺴﺘﺮﻧﻲ ﻭﺍﻟﻠﻪ ، ﻭ ﻡ ﺩﺍﻳﺮﺓ ﺍﻛﺘﺮ ﻣﻌﺎﻙ ﻛﻼﻡ ، ﻋﺸﺎﻥ ﻧﺘﺤﻼ ﻣﻦ ﺍﻻﻧﺤﻨﺎ ﻓﻴﻬﻮ ﺩﺍﺍﺍ ، ﻋﻨﺪﻱ ﻣﻌﺎﻙ ﺷﺮﻃﻴﻦ ﻭﻣﺎﻑ ﺩﺍﻋﻲ ﻧﺼﻌﺒﺎ ﻋﻠﻲ ﺑﻌﺾ .
_ ﻫﺎﻫﺎﻫﺎﻫﺎﻫﺎﻫﺎﻫﺎ ﻛﻤﺎﻥ ﺑﺘﺸﺮﻃﻲ ﻳﺎ ﺑﺖ ﺍﺣﻤﺪّ
* ﻡ ﺗﺠﻴﺐ ﺳﻴﺮﺓ ﺍﺑﻮﻱ ، ﺍﺑﻮﻱ ﻣﺎ ﻛﻠﻤﻚ ﺍﻧﺎ ﺍﻟﺒﺘﻜﻠﻢ ﻣﻌﺎﻙ ، ﻋﺸﺎﻥ ﻭﻗﻔﺘﻨﺎ ﺩﻱ ﻡ ﻇﺮﻳﻔﻪ ﺣﻘﻮﻝ ﺍﻟﻌﻨﺪﻱ ﻭﺍﻣﺸﻲ ، ﺍﻭﻝ ﺷﻲ ﺯﺭﺍﺟﻨﺎ ﻳﻜﻮﻥ ﻋﻠﻲ ﺍﻟﻮﺭﻕ ، ﺗﺎﻧﻲ ﺷﻲ ﺑﻌﺪ ﻓﺘﺮﺓ ﻣﻌﻴﻨﻪ ﺗﻄﻠﻘﻨﻲ ﻭﻛﻞ ﺯﻭﻝ ﻣﻊ ﻧﻔﺴﻮﻭﻭ ...
* ﻫﻬﻬﻬﻬﻬﻪ ﻋﻠﻴﻜﻲ ﺍﻟﻠﻪ ﺭﺍﻳﻚ ﺷﻨﻮ ﺍﻧﺎ ﻟﻮ ﺩﺍﻳﺮ ﺍﻋﺮﺳﻚ ﺑﻜﺮﺓ ﺩﺍ ﺣﺎﻋﺮﺳﻚ ﻣﻦ ﻏﻴﺮ ﺷﺮﻭﻃﻚ ﺩﻱ ﻭ ﻣﻦ ﻏﻴﺮ ﻣﺎ ﺍﺧﺴﺮ ﻓﻴﻜﻲ ﻗﺮﺵ ﻭﻻ ﺗﻌﺮﻳﻔﻪ ..
_ ﺑﺘﺤﻠﻢ ﻭﺍﻟﻠﻪ
* ﻫﺎﻫﺎﻫﺎ ﻃﻴﺐ ﻟﻮ ﻭﺭﻳﺖ ﺍﻣﻚ ﻧﺘﻴﺠﺔ ﺗﺤﻠﻴﻞ ﺍﻟﺤﻤﻞ ﺣﻘﻚ ﻭ ﻣﻜﺘﻮﺏ ﻓﻴﻮ ﺳﻠﻮﺍﻥ ﺍﺣﻤﺪ ﺗﺎﺝ ﺍﻟﺴﺮ ﺍﺣﻤﺪ ، ﺗﻔﺘﻜﺮﻱ ﺣﻴﻜﻮﻥ ﺭﺩ ﻓﻌﻠﻬﺎ ﺷﻨﻮ ؟ ﻭﻻ ﻟﻮ ﻭﺭﻳﺘﻮ ﻟﻠﺮﺍﺟﻞ ﺍﻟﺪﺍﻳﺮﺍﺍﺍ ﺗﻌﺮﺳﻮ ؟ ّ
ﺗﻔﺘﻜﺮﻱ ﺍﻟﺤﻴﺤﺼﻞ ﺷﻨﻮ ! ﻋﺸﺎﻥ ﻛﺪﺍ ﺗﺨﺘﻲ ﺟﺰﻣﺔ ﻗﺪﻳﻤﺔ ﺗﺴﺪﻱ ﺑﻴﻬﺎ ﺣﻠﻘﻚ ﻭ ﺷﺮﻭﻃﻚ ﺩﻱ ﺗﺒﻠﻴﻬﺎ ﻭﺗﺸﺮﺑﻲ ﻣﻮﻳﺘﺎ ﻳﺎ ﺑﺖ ﺍﺣﻤﺪ .....
# ﺍﺳﺘﻜﻜﺎﻧﺔ