🌻الفصل الخامس عشر 🌻
**************
وقفنا لما الام سألت رقيه عن بوكيه الورد
وفاء :- الله يارقيه البوكيه حلو أوي
رقيه:-احم معتز اللي جابه ياماما بعته ليا في الجريدة
الام:-آه ربنا يسعدك يابنتي ... ويريح قلبك ويسعدك
رقيه:-ربنا يخليكي ليا ياست الحبايب يارب
ودخلت الاوضة وغيرت
وقالت :- ياترى انت عايز مني ايه يامعتز.... وعامل حصار عليا ليه.... معقول يكون حب زي مابيقول .... بس انا بدأت احس معاه احساس مختلف.... عمري ماجربته يارب كون معايا....
وخرجت تحضر الغدا مع مامتها
**************
اما معتز فقرر يحط رقيه قدام الامر الواقع واتصل على والد رقيه
معتز:-السلام عليكم ياعمي
مصطفى :-عليكم السلام... ازيك يامعتز أخبارك ايه
معتز:-الحمدلله ياعمي انا كويس بفضل الله...... لوسمحت ياعمي عايز اكلم حضرتك في موضوع ضرورى جدا ....حضرتك فى البيت ولا بره
مصطفى:-لا ياحبيبي انا مش فى الببت... انا قاعد فى الكافيه مع اصدقاء ليا .... تعالى قابلني هناك خد العنوان.............
معتز:-تمام ياعمي..... ربع ساعة بالكتير واكون عند حضرتك مع السلامة
**************
وصل معتز الكافية ودخل
وقال:- السلام عليكم
الكل:-وعليكم السلام يابنى اتفضل معانا
معتز:-شكرا مرة تانية ان شاء الله ....من فضلك ياعمى ممكن دقيقة
مصطفى:-طيب ياجماعة عن اذنكم شوية وراجع
معتز:-اتفضل اقعد ياعمي حضرتك تشرب ايه
مصطفى :-ولا حاجة انا لسه شارب..... خير
معتز:-بص ياعمي انا هدخل في الموضوع على طول..... طبعا حضرتك عارف ان رقيه كانت رافضة موضوع الخطوبة والجواز ....وانا بصراحة مش هتكسف منك لاني حبيتك زى والدي .... انا حبيت رقيه من اول يوم شفتها فيه ....خطفت قلبي وحسيت ان ربنا بيحبني اني شوفتها وحبيتها.... انا كنت رافض موضوع الجواز من غير حب بس الحمدلله لقيته..... انا لا يمكن اضيعه من ايدي .... أنا عارف ان رقيه عنيده هي اتكلمت معايا يوم قراية الفاتحة.... علشان اقول ان الرفض من عندي عشان حضرتك متزعلش منها ....وانا حبيت فيها صراحتها بس انا متمسك بيها... وعايز من حضرتك تساعدني ... انا عايز اعمل خطوبه وكتب كتاب مع بعض... عشان اقدر اوصل حبى لها في الحلال... من غير ماأغضب ربنا
مصطفى:-والله يابنى انا مبسوط انك اعتبرتني زي والدك.... واتكلمت معايا بصراحة انا مبسوط اني لقيت انسان محترم وخلوق زيك لبنتي.... بس انا مقدرش اغصب عليها في موضوع كتب الكتاب ده .... عشان دي حياتها وانا معرفش شعورها ناحيتك .... لان دي حياه وبيت وعيلة
معتز:-انا عارف طبعا ياعمي .... بس اديني فرصة معاها .... وانا وانت مش هنقول موضوع كتب الكتاب.... الا اما اتأكد من احساسها من ناحيتي ماشي ياعمي
مصطفى:-ماشي يابني ربنا يهديلكم الحال ... طيب بمناسبة القرب تعالى معايا نتغدى وتقعد معانا شويه .... زمان حماتك عاملة اكل يستاهل بوقك
معتز:- خليها مرة تانية ياعمي
مصطفى:-لا انا مش هقبل اعذار يلا
*************
وخرجوا ووصلوا البيت ودخل مصطفى
وقال :- اتفضل يابني على الصالون لغيت اما اديلهم خبر انك هنا
رقيه:-انت جيب ياقلب رقيه.... والله ليك وحشة يادرش حبيبى بقا ياناس.... فين الشكولاته استنى انا جاية اخدها ....
وخرجت رقيه مندفعة فى الصالة وكانت لبسه برموده بمبى وفاردة شعرها لاخر ضهرها وجريت على باباها وحضنته
وقالت :- فين الشكولاته يادرش .... قبل مافوفا تيجى وتقفشنا زى كل مره ....والشبشب يسلم على وشي
مصطفى:-يابنتي اهدي وادخلي البسي حاجة بسرعة..... معتز معايا في الصالون يلا
رقيه:-يالهوي يابابا مش تقول من الاول
ولسه بترفع عينها لقيت معتز متسمر مكانه وشها احمر من الكسوف وطلعت تجري على الاوضة وقفلت الباب
وقالت :- يارب سامحني انا معرفش انه برة .... طيب هخرج ازاي دلوقتي وليه قلبى بيدق كدا ياربي
مصطفى:-ههههههه ربنا يهديكي يابنتي ويفرحك
ودخل ونده على وفاء
وقالها :' ياوفاء انت فين
وفاء:-أنا هنا يامصطفى بحضر الغدا
مصطفى:-طيب ياحبيبتي اعملي حساب معتز على الغدا اصله قاعد بره
وفاء:-حاضر ياحبيبي هلبس الطرحة واخرج اسلم عليه
ورجع احمد من المدرسة
وقال :- انا جيت ياقوم ياناس.... يالهوي البت رقيه قتلت اللي فى البيت .... بت ياروكا انت يابت.... انا عارفها مجنونه وتعملها ..
وبص لقى معتز جوه
وقاله:- اهلا اهلا ابو نسب منور البيت... بس متعرفش بقا فين اهل البيت .... لتكون خطيبتك قتلتهم
معتز:-ايه يابني حرام عليك قتلتهم ايه بس هما جوه ههههههه
أحمد:-طيب عن اذنك واغير واجي
**************
اما فارس قعد يدور على معتز
وقال:- راح فين الواد ده اختفى مرة..... واحده فى ورق ضروري لازم يمضى عليه عشان اسلمه ....افضل حل اروحلوا البيت بسرعة
**********
وخرج من الشركة وركب عربيته وساق بسرعة ووصل على الفيلا وضرب الجرس
رباب سمعت الجرس
وقالت :-ياملك ياملك افتحى الباب... لانى مش فاضية والشغالة بتساعدني
ملك :-حاضر يارورو
وراحت وفتحت الباب
وقالت :- افندم مين حضرتك
فارس:-ايه ده هو انا فى الجنه وانا معرفش .... ايه الجمال ده ولا يكون عمي اتجوز على طنط ...ولا دخلت فيلا غلط ....لا هي الفيلا والجنينة وكل حاجة اومال مين المزه دي
ملك :-انت يااخينا .... عايز مين ....انت ياعم
فارس:-احم مش دى فيلا حسين المهدى برده
ملك:-ايوه حضرتك مين بقا
فارس:-
🌸🌸🌸🌸🌸🌸🌸🌸
وبكدا تكون حلقتنا خلصت ياريت رأيكم بصراحة
⚘⚘⚘⚘⚘
🌷أمانى محمد🌷
