للنصيب حكاية اخرى..

18 _22

للحكاية بقية......

#للنصيب_حكاية_اخرى
بقلمي وئام البياتي ❤❤❤
الجزء ٢٠

سيف.. كاعد ونوم مداكدر انام من صدك مداستوعب الي راح يصير باجر وامي تتوسل بيه لتخزيني كدام اهلي ولتفشلني والله مفتهمتها مرة تكلي افركشلكياها مرة تكلي لتخزيني ولتفشلني .. زيين واني يوم واني كلبي شسويلة يعني اني من يومي مدااتقبل احد غيرها شلون ياربي اريد انام واكعد الكي صاير عكب باجر وكلشي منتهي مداتخيل نفسي الزمها لو اتخيلها بمكان غلوة ...اووووف ياغلوة اتمنى كل لحظة وياها كل همسة وياها وكل لمسة منها والها حيااااة ودنيا اعيش بيها ومااطلع منها نمت من التفكير وراسي موتني كعدت الصبح على تليفونها .. ها حبيبي صباح الخير ..
غلوة.. ها سيفو صباح الخيرات شلونك يلة كوم ترة احنة طالعين وانت نايم ..
سيف.. اي والله نايم متأخر ..
غلوة.. زين ارجع نام حبيبي ومن نوصل اخابرك اوكي عمري..
سيف.. اني اخابرج من اكعد .غلوة اخذتي شاحنة..
غلوة.. ههههه اي والله ومفولته وطفيت كل البرامج حتى ميصرف شحن ليضل بالك يلة اعوفك ترجع تنام ..
سيف.. بسلامة توصلون حبيبي ادعيلي براحة بالي غلوة ..
غلوة.. صار بعد عمر غلوة انت ..
سيف.. يلة حبيبي ماأخرج ..رجعت نمت ماريد اكوم لان مبقة شي..
غلوة.. طلعنا ب٦ الصبح وصلنا تقريب ٩ لكربلاء ضلينا بيها ل ٣ الظهر وكلنا على وكت نطلع للنجف ..والحمدلله وصلنا وكضيناها بلامام .امي تعبت رحنة اجرنا غرفة وحدة حسام مقبل كال بس سواد الليل ونطلع حللنا وهو خطية راح يجيب عشا وتأخر هواية حتى ناخذ راحتنا ..ورة شوية اجة كعدنا تعيشنا وطلع مرجع وجه الصبح عباله راح انام واني الصفنة موتتني ..كل شوية اكول زفوهم هسة شافها شلون طالعة من الصالون اكيد حلوة وعجبته هسة طبوا للغرفة صارت ب ١٢ اكيد زفوهم هسة شديسوي سيف هسة هي كبالك مو شلون دتباوعلها اني عاذرته والله وادري انجبر على هواية شغلات من حجي الناس... بس اني شنو ذنبي كلشي ولا هلنار ياربي ماعرف شلون راح يصبح عليه صبح واني متسممة معدتي احسها دتكلب طب حسام خطية عباله نايمين ..
حسام ..ها خوية كاعدة..
غلوة.. اي ابو سارة طب نام عيني سلبنا راحتك اليوم..
حسام .. لا يابة شنو السالفة نمتوا
غلوة.. اي خطية ناموا من التعب بس اني مديجيني نوم ..كعدت ريام شافتني كاعدة ..
ريام.. دكافي عاد انهمدي مو لعبتي نفسي من الرياجيل .. شكد عويتي..
غلوة.. معبالها رجلها واكف وراها ممبين لان مطفين الضوة..
حسام.. ها عيني على كيفج هسة صرت العب النفس..
ريام ..يبووو لا والله مو عليك على عريسها...
حسام.. دكومي نزلي انتي وياها روحي للامام شوية لان اختج كلش متأذاية واني راح ابقى يم الحجية والجهال الناس دتروح والجو كلش حلوووو ..
غلوة.. كمنا لبسنا وطلعنا كعدت برة يم الامام وعيني على كبته الجو جان يخبل جانت فجر ..متت من البجي وريام يمي كاعدة ..
ريام.. ولج كافي عاد عوبةكافي هو يموت عليج وتدرين بي ميباوع عليها خلي تعدي هلايام واسحبي يمج ختولي هلحية يعني تدري هي ميريدها لزكة خوما لزكة ..
غلوة.. اووف ريام ميتة اني والله..
ريام.. مخابرج من البارحة ..
غلوة.. من العصر غلقت التليفون مااريد ينشغل بيه خطية ..
ريام..ديلة عيني فتحي الموبايل..
غلوة.. جرته مني فتحته كعدنا ورة نص ساعة ..يلة ريام خلي نرجع حتى نطلع بعد حتصير ٧ ونص دك تليفوني. سيف مالي حيل احجي وياه والله عفية ريام جاوبي..
ريام.. شكوله يمعودة ..
غلوة..مادري.. جاوبته..
سيف.. هيج هيج منج ..صاير نار..
ريام.. هاعيني سيف اني ريام ترة..
سيف.. هاااا اختي اني اسف والله بس بالي يمكم اعصابي تدمرت واخاف ادك على ساهر ليضل باله .وينها..
ريام .. على كيفك وياها سيف ترة حالتها حالةوالقرأن منايمة الليل كله تبجي تدري اخذت جهاز الضغط وكلسع اقيسلهيا وقفلت التليفون علمودك تكول ماريده ينشغل بيه..وهسة الصبح اني فتحته والله..
سيف.. يمج خوية انطينياها..
ريام .. اي هياتها..
غلوة.. كمت اخنزر عليها ماريد احجي وياه . شمرته عليه وكامت كعدت بعيد.. الو..
سيف.. ها غلوة ليش هيجي..
غلوة..هلو سيف شلونك ..
سيف.. شلوني اسولفلج شلوني ليش قافلة تليفونج تدرين دمرتيني وما اريد اخابر ساهر واشغله عليكم واخلي باله ..
غلوة..مردت ادوخك وياية ياعيني درتاح مني هلايام ..
سيف.. صدك تحجين غلوة لتدمريني بتصرفاتج دتشوفين معزتج لو متعرفيها غلوة صيري وياية مو عليه ترة متدمر ببعدج وكرب غيرج كافي لتصيرين وية الزمن عليه ..
غلوة.. كمت ابجي واشهك ..
سيف.. غلوة شبيج عليش هلبجي ..
غلوة.. مخنوكة سيف راح اموت مجنت اعرف هلكد صعبة لو تدري شلون كعدة والله وشلون زيارة بس بالي كله يمك خاف تنساني وتلتهي بحياتك اموت والله صدكني امووت مالي عيشة بلياك زين لو لا..
سيف.. ولج صدك تحجين ولج انتي متعرفين شصاير بيه هسة دا أحس الي دااسوي كله خيانة الج حبيبة سامحيني ..
غلوة.. لا لا عمري لتشغل بالك هي لان بلبداية لازم تصير صعبة بعدين اتعود اكيد اني اتحمل كلشي علمودك سيف ..
سيف.. ديلة حبيبة شوكت ترجعون ..
غلوة.. هسة بس يكعدون من النوم ونرجع ان شاءالله ..
سيف.. ديلة حبيبي كومي حضري روحج ورجعي ترة منايم وبالي كله يمج وكتاب الله ..
غلوة.. زين حبيبي يلة روح نام وارتاح بس نرجع اخابرك..
سيف.. زين حبيبي ومرة لخ من اخابر انتي جاوبي غلوة لتفتين كلبي ..
غلوة.. لا صار تدلل حبيبي.. سديته منه ريام جانت كاعدة كبالي بس بعيد شوية ودتشوفني كمت رحت يمها ..يلة ريام كومي حتى نرجع ..
ريام .. ها حبيبتي ارتاحيتي ..
غلوة.. الحمدلله بعد هلجنة الكاعدة بيها والحمدلله سمعت صوته ريحني شوية.. خلي نرجع للفندق ..
ريام .. ديلة لان حسام خابرني كال لا تتأخرون حتى نوصل على وكت ..
غلوة.. زين ماشي رجعنا لكيناهم كاعدين وامي هم ..امي حالتها كلش تعبت من ورة ظافر وموتت ابوية تدمرت حتى عقلها مو يمها نوبات متكون بوعيها ونوبات لا كاعدة وبس اخذي الحجي منها ..تحضرنا ولبسنا وطلعنا .غفيت بلطريق لان منايمة وراسي موتني ورة ساعتين حسيت على تليفوني سيف ديدك..يمة من فدوة رحت لاسمك شكد حنين..الو صباح الخير والعافية على عيونك ..
سيف.. هههه صباح الخيرات حبيبتي شلونج شلون صرتي..
غلوة.. زينة من سمعت صوتك انت اخبارك ..
سيف.. زين حبيبي انتو وين هسة..
غلوة.. بلطريق حبيبي اقل من ساعة ان شاءالله واحنة بلبيت..
سيف.. تمام توصلون بسلامة سلمي على حسام والحجية وام سارة..
غلوة..يوصل حبي.. سديته منه..وروحي صارت بي حبيبي وعمري مداكدر استغني عنه وداشوف تمسكه بيه يعني صباحيته ومبطل يتصل لعد هي وين ..اوي اني ماريد اعرف شي يقهرني ..حسام وصلنا واخذ مرته وجهاله وراح طبينا اني وامي ساهر طالع تقريبا ب١١ ونص دزيتله مسج ...سيف وصلنا حبيبي وراح انام لان كلش تعبانة ومنايمة الليل كله ومن اكعد اخابرك... طبيت سبحت .امي كبل مددت قفلت البوب جان يخابر ساهر .طمنته حبيبي سديته ونمت ولل ٤ العصر يلة حسيت من التعب والقهر وليلتين منايمة من التفكير رحت علتليفون محروك من المسجات والمكالمات رأسن دك فزيت شلته ..ها سيف..
سيف.. لتكفريني شكتلج اني جم مرة كتلج الموبايل يمج السماوات يمج حطيه يعني ادك وية الحايط ومتجاوبين على مسج لا اتصال متكولين اكو زم.....ل يخابر ها جاوبي من الصبح ليهسة خرب بهيج حظ خرب هيج عمر اشو كضة كلشي مفتهمت منه ..جاوبي ليش ساكته..
غلوة.. مجاوبته بس دموعي تنزل ..
سيف.. روحي غلوة روحي ..
غلوة.. سدة واني كلشي مفتهمت منه بس الرزالة الكلتها منه تسوى عمري كله اول مرة يحجي وياية هيج معرفت شجاوبه هو ليش وشكو شنو الصار مو دزيتله مسج وكلتله راح انام كفرت يعني خابرت مروة سولفتلها ..
مروة.. عوفي اكيد ضايج من شي هسة هو يرجع يتوسل همة الرياجيل هيج نغصة بس ينكنكون مزعطة الا يخربون مود الوحدة بعياطهم ..
غلوة.. زين حبيبتي ..
مروة..باجر امرلكم لان كلش مشتاقتلج يولي .. لتضوجين يولي اكيد ضايج والله ..
غلوة.. لا عادي بس راح اقفل الموبايل ماريد اسمع صوته اليوم حتى لو يعتذر ..
مروة.. كيفج حبي ..
غلوة.. سديته منها وقفلت الموبايل ورحت يم امي شوية واجة ساهر عزل من وكت ورجع مادري شعده اباوع عليه يبتسم ها خيرك حبيبي..
ساهر.. لا والله ماكو شي..
غلوة .. طب سبح ورجع سويتله اكل وكعدنا يم امي صبيتلهم جاي وكعدنا بلهول نسولف اباوع عليه مو على بعضه ..ها سهوري خيرك ..
ساهر.. شكو..
غلوة.. لازم طير طيرلك عقلك ..ههه يضحك ويدنج سولفلي ولك عندك غيري تحجيله..
ساهر.. والله غلوة هي عصفورة صار جم مرة تجي وية اختها يتسوكون واول ماشفتها كلبي كام يدك طبل علما اليوم اجتي وحدها وبصراحة انتهزتها فرصة وعرفت بيتهم وين بلكوة متقبل تحجي وانهزمت كبل بس مبينة هي هم مشعولة صفحتها ههههه مو بس اني..
غلوة.. ولك كبرت وكمت تحب يويل.. ديلة اخذ الاوكي وتوكل حبيبي حتى تزوج قبلي مو مال اعوفكم وحدكم انت وامي بس امانة الله حبابة وخوش بنية جيبها ساهر امي خطية..
ساهر.. اي والله مبينة فقيرة باجر اروح اسأل وان شاءالله خير..
غلوة.. الله يوفقك حبيبي ويجعلها من نصيبك .. اباوع على امي غفت.هاي شكو مو هسة كعدنا ..
امي.. داسمعج ولج كومي سويلي لبن..
غلوة..صار حبيبة عمري وتاج راسي صار..كمت وية كومتي اندكت الباب طلع ساهر يفتحها اني طبيت للمطبخ داسوي لبن لامي ..طب هو وياه من باب المطبخ انداريت واشوفه كبالي وساهر يكله تفضل تفضل ابونسب رأسن عيني غرغرت اخذت اللبن وطلعت من المطبخ ولا حجيت وياه ..اسمع ساهر يكله لازم عاصفه ...
سيف.. لالا يمعود بس هوية صغيرة وان شاءالله نسيطر عليها ..
غلوة.. دخلوا باس راس امي سلم عليها كعد يباوع عليه ويحجي وية ساهر اني عيني على التلفزيون واكلب بعدين اخذت موبايلي دزيت مسج لساهر ..ساهر متكوم من مكانك والله اذا طلعت اني هم اصعد انام واعوفه يم امي ..
ساهر ..صار بس اعصابج..
غلوة.. يريد يحجي وميكدر وساهر تكبع بلكعدة ..ضاج ومديعرف شيحجي واني ولا يمي صافنة على التلفزيون..
سيف.. ساهر حبيبي ممكن اخذ غلوة ونطلع نفتر شوية ..
ساهر.. مرتك هي حبيبي شنو تاخذ مني الاذن..
سيف.. لا بعدها مجاية لبيتي لازم تاخذ رأيك..
غلوة.. اباوع عليهم بنظرات استفهام من كل عقله اطلع وياه..
ساهر.. يلة غلوة كومي ..
غلوة.. مابيه حيل مو مال طلعة..رفع راسه باوعلي..
سيف.. اريد احجي وياج غلوة..
غلوة.. احجي اسمعك ..
سيف.. غلوة..
غلوة.. نعم ..
سيف.. ممكن تكومين تبدلين ..
غلوة.. لا ماريد اطلع تسمحولي.. طلعت كعدت بلمطبخ اجة وراية رأسن ..
سيف.. شنو هلتصرفات..
غلوة.. ايو؟
سيف.. غلوة..
غلوة.. نعم انداريت عيني بعينه هو نزل عينه ..خير سيف محتاج شي اسويلكياه ..
سيف.. ترة جنت شوية عصبي .
غلوة.. عادي..
سيف.. شبيج لعد كالبة وجههج ويبتسم ..
غلوة .. لاماكو شي اني هم ضايجة شوية..اجة اتقدم اني جنت مطية ظهري للكاونتر وصل يمي ضليت مدنجة ولارفعت راسي ..
سيف.. غلوة انتي راحتي .وهناك علتي مداتحمل بيتنا تدرين مسوي البيت جحيم لان غيرج بي غلوة اني اريدج يمي بعد كافي غلوة فدوة فكري بلموضوع وصدكي الحزن بلكلب يعني قابل ورة السنة راح تنسين ابوج..
غلوة.. رفعت عيني بس دموع..
سيف.. ادري رحمه لاهلج يعني شأحجي تبجين ...غلوة هي مو بت خالي بس مداتحمل وجودها بمكانج تعالي وكسري بلكي اعدل بيناتكم بس اهم شي انتي موجودة .فكري ياعمري وحلي عني الحمل الي على ظهري ببعدج ترة كبرت يولي لحكي عليه..
غلوة.. وغمزلي ابتسمت .مسح دموعي ..
سيف.. كافي بجي كافي دموع رحمي بحالي ..ها سكتي ..
غلوة..مادري مادري ..
سيف.. لا لازم تدرين اني سيفج يولي ..
غلوة.. خليني جم يوم افكر عفية ..
سيف.. صار بس بسرعة كافي عاد مداتحمل والله .. يلة امشي عيب من ساهر..
غلوة.. جاية وراك ..طبيت جان ديحجي وية ساهر بنفس الموضوع ..
ساهر.. هي بكيفها خلي تشوف شوكت هسة راح يصير ٧ شهور من لما تجهزون روحكم هم فد شهرين غلوة ترة ماكو عزيز ينسي وسبحان الي خلقلنا الصبر على فراكه يبقة بلكلب وداعتج والناس ليقدمون ولا يأخرون ولا راح يعجبهم شي سواء هسة او حتى ورة السنة هم راح يلكولهم شغلة يحجون بيها ..
غلوة.. امي هم جانت كاعدة وتباوع اظاهر دتسمع وتفتهم الموضوع وبعدين كالت...
امي.. اي يمة توكلي وفرحي ترة اني مااضمنلج ابقى اريد اشوفج عروسة بعد ماكسرج ظافر ومتهنيتي واني حاسة ابوج يريدني يمة .يولي يومية يجيني بلحلم يكلي ضايج وحدي تعالي يمي بس خلي غلوة تروح لتبقى واني اريد اروحله ..
غلوة.. خلتني اطك من البجي حضنتها وكعدت وساهر هم بجة وسيف يهدي بيه وبساهر كام باس امي شوية وطلع ..رجعت على امي لكيتها غافية اباوع على ساهر دموعه بعينه شلون قهر ياربي.. كمت وديتها لغرفتها نامت واني هم نمت شوية ..ثاني يوم العصر اجتي مروة هي وجهالها وراها طبت ريام وصارت خوش كعدة حتى امي هم شوية حسيتها مرتاحة كعدنا سوالف وضحك وسولفتلهم على البارحة اثنينهم ايدني ..مروة تصيح ..اي ولج كافي الولد صار شكد ينتظر وريام هم نفس الحجي مال ساهر ..ابوية مينسي وحجي الناس ميخلص ..خليها فد اسبوع افكر الموضوع مو سهل عفية اني حتى اسود بعدني منازعته ..
مروة.. ميخالف حبيبتي فكري بس بسرعة ترة الولد دينتظر..
غلوة.. لليل كل وحدة رجلها اجة عليها وراحت ..كعدت مسطورة من التفكير اجة ساهر وهم سولفنا وهم نفس الحجي وانت ساهر..
ساهر.. اني شبيه ..
غلوة.. سالفتك..
ساهر.. والله غلوة سألت عليهم والكل يحمد بيهم طلعت مو اختهم بت خالتهم وعايشة وياهم لان امها وابوها راحوا بأنفجار وهي هلوحدة ..
غلوة.. اوووي حبيبتي سودة عليه..
ساهر.. وهي صف خامس ادبي وبيت خالتها بي خالتها ورجلها وبناتهم اثنين اكبر منها وابن خالتها متزوج وعنده اطفال وكلهم بهلبيت وهي وياهم اظاهر ماعدها احد ..
غلوة.. زين حبيبي جيك امورك ونروح نخطبلكياها قبل لااروح اني هم..
ساهر.. صار غلوتي .
غلوة.. لاعفية اني غلوة سيف وبس..
ساهر.. ها يولي بعتي اخوج..
غلوة.. يمة اسم الله انت نظر عيني ولك شعندي غيرك بهلدنيا مشايلة هم بكد همك وهم امي والله..
ساهر.. ليضل بالج غلوة كلشي يدبر والله وريام قريبة ..
غلوة.. اي خطية هم كالت لتشيلين همهم اني يمهم ..مرت جم يوم وطبعا مبطل مخابرات يومية وماعرف مدى علاقته بمرته ولا اني اسأله ابد ولا اجيب طاريها ..دنيا مرت غيث تخابرني وحتى امه لسيف هم احجي وياها وفتحت وياية نفس الموضوع ..ان شاءالله خالة الله كريم..رحنا اني وسيف للكلية وكملت اوراقي وهو وياية خطوة بخطوة والحمدلله انقبلت وبمعارفه كملت شغلتي ومبقة جم يوم واداوم وبدينا نجهز ردت منه غرفتي تصير جوة ماريد فوك بس اريد حمامي وحدي داخل الغرفة واكلي وياهم مو مال عزل .ايمان عازلة وحدها ومتقبل تاكل وياهم على حجي دنيا وغيث ودنيا غرفتهم فوك حتى ضيف غرفته فوك .الجوة غرفة امهم والاستقبال والهول ومخزن والمطبخ.. وغرفتي هم صارت جوة كملت ترتيب كلشي اشترينا غرفة وجهزناه وبديت اداوم الحمدلله والا هو يوصلني ..وحددنا موعد العرس بعد ١٥ يوم بلضبط.....