ليتني لم اراك

1 الجزء الثاني

ربي اغفر لي ان كان ما اخترته ذنبا 

عطله سعيده على جميع نشاء الله 

...
.
..
..
..
رجعت للبيت سويت البيت عباره عن ازرق و ابيض 
جان فهد طالع رجع للبيت ب12
هيف\هلا حبيبي الله يساعدك
فهد\اريد اكل جوعان
هيف\تدلل
فهد\شنو هل خرابيط هاي 
هيف\حبيبي اني حامل بولد 
فهد\ضل صافن بوجهي
وما احس الكيك والاكل والشموع كلللله بالكاع 
واخذ سترته وسويجه وطلع 
لل4 الفجر رجع وهو يطوطح ويصيح ويغني 
طاح بالكاع جريته للقنفه وغطيته واني دموعي ما وكفن
ثاني يوم كعدت ب9 لبست ملابس الشغل ونزلت 
وهو مخلصه عليه غلط والافاظ ما تعرفوها شنو ما شنو
صعدت السياره للدوام جان يوم متعب جدا 
رجعت للبيت واحس ضهري بي الم مو طبيعي 
اجه نفس الحاله يضرب ويكفخ ويطلب 
وره مرور كم شهر 
اندك الباب
ليث\انته شنووو تريد جيبلنه العار مخلصه بالملاهي ويه الكح ماتستحي ماتعقل زوجناك وماعقلت 
هيف\شكو
ليث\رجلج كظي لا وحق الحق اتبرى منه ما مستعد احمل عار فوك عار العفته 
هيف\جان حجيهم مبهم وهو يحجي واني دموعي تجري
فهد\اطلع برى ميت عليك اني 
هيف\شبيك فهد عم ابنك هذا 
فهد\يطلع برى لاثنينكم تنطردون
ليث\حسافه انته اخوي وتربيه ابوي 
طلع فهد وهو كله نكسار من اخوه 
هيف\ ليش حجيت هيج ويه اخوك 
فهد\تردين ترحين وراه ما عندي مانع
سكتت وتحملت الااهانه علمود ابني
فهد\وين الاكل
هيف\اي هسه جاي اصب 
فهد\استعجلي مزوجلي حلزونه حتى مو نفس النسوان
حطيت الاكل على ميز وكعدت اكل 

هيف\طيب الاكل!
فهد\امم
هيف\شحسمي ابنه
فهد\شتردين اسمي سمي 
هيف\ اوك 
فهد\اني طالع 
هيف\ الله وياك اني حروح لمستشفى 
فهد\وين متريدين ترحين روحي
هيف\اوك 
بدلت ورحت للمستشفى خلصت رجعت للبيت من وكت لان لكيت واحد بدالي ياخذ الخفر
رجعت للبيت بين الازدحامات على موصلت للبيت 
دخلت لكيت البيت اضويته مشتعله 
واني متاكده ملياربالميه انو مطفيته وطالعه
قيصر----
اتابع اخبارهيف عن طريق محمد لان صعبه اسئلي امي عنه صار 
محمد يكلي مبيه شي وحامل بولد
ومتونسه وبدل سيارته وبيتهم يركض بي الخيل 
يعني وضحولي انو ماكوا شي وحياته تمام التمام
ضليت بامريكا كونت شغلي وضليت اخذ اجايز بشغلي الي بالعراق 
حياتي روتينيه جدا 
بس يتخل خل ها شويه التفكير بهيف 
دائماا اكول الغلط بهيف ما جنت افكر انو الغلط بيه
او انطي من نفسي واتنازل جان الكبرياء سيد المواقف 
من الجهتين اكيد 
ما كتله احبج قبل لاتزوج او قبل لا ازوج اني 
ما انكر جنت اناني 
بس التفكير الصحيح يجي بوقت متاخر 
والندم بوكته مينفع 
اسيل جان اختيار غلط جدا 
من كل الجهات غلط غلط كا اختيار 
غلط اختياره ك ام لاولدي 
مدورت على ماضي اهله شنو ما شنو 
او حتى ماضيه  هي شنو 
لا جنت مستعجل جدا 
ولسبب تافه وتفكير تافه 
السبب اغيض هيف 
والتفكير انو ازوج 
ما فكرت هذا مستقبل هذا شراكه حياه 
جنت طايش وقته 

======هيف 
حطيت القفل بالباب لكيته مفتوح 
والبيت اضويته مفتوحه كله
والمطبخ كولبه 
رحت للصاله 
لكيت كرزات وشرب والريحه لعبت نفسي 
صعدت الدرج  
دخلت للغرفه لكيته عباره عن هدوم الجنط بالكاع 
ولكيت ورقه على الميز 
 شلته االفون اتصل على فهد ماكو 
اتصلت على اخو  
هيف\خويه سلام عليكم 
وعليكم السلام هلا تفضلي