غرام... دخلت دسئل بيبي يصبون الغده هسه لو بعد تفاجئت باسد كاعد ظليت صافنه عليه يربي جابه هذا مو كالو بدوام محيجي
جده.... شمالج ماسلمين على ابن عمج
غرام... ظليت امتمت كالعاده كدامه بالكوه طلعت من عندي شونك عمو
اسد... هلا بغروم مبروك عالنجاح
غرام ....ا بتسمت الله يبارك بيك
جده... ولج عليش صيحيله عمو هو ماله عمج يصير ابن عمج صيحيله اسد
غرام... اهووو حجت بيبي لازم تفشلني اني غلست وسئلتها الجنت جايه عليه وطلعت ركض
اسد.... متغيره كلش غرام صايره مره شايله جسم وجمال مصاير وشعر يموت ظليت سرحان بيها بالي اكول شبسرعه هيج كبرت جدتي كلتلي
جده ... شمالك عيونك راحت وراها
اسد... لا جده شعدي وياها وغلست كتلهم حكوم اشوف الولد
طلعت بره ظليت اسولف ويه عمامي ونحجي انداريت على صوت ضحك ورايه شفت بنات عمي كاعدات عالمرجوحه وياهن غرام ولد عمي واكفين يمهم دك سوالف ضحك لاول مره حسيت بغيره على غرام من ذوله الواكفين نداريت واني مستغرب نفسي شبيه شنو سالفه اغار على غرام لك هاي انت ربيتها
اشرت لمحمد الي هو ابن عمي وصديقي كلش وكلش يعرف عني
يدخلهن جوه
راح محمد عليهن ودخلهن
غرام ... جنا نسولف ونضحك اني وبنات عمي ولد عمي اجه محمد علينا دخلنا جوه اني بوكتها كل ظني محمد دخلنا من وره هاله لان نعرف بيناتهم نظرات
بس زهراء كلتلي شافت اسد حجه ويه محمد واجه وراها محمد علينا ركض دخلنا جوه وصعدنا فوك بغرفه عماتي جده بقتها وره مازوجن كالت حتى من يجن يباتن بيها فجانت هاي الغرفه ملتقانا اني وبنات عماتي وعمامي
صعدنا فوك ضلينا دك سوالف وضحك وراها نزلنا عالغده جان فارشين بالاستقبال ولان استقبال بيت جدي كلش جبير فكلنا كعدنا بي بالكوه كعدت تنورتي جانت كلش حصره عليه نوب اكعد جاكه تطلع رجلي ظليت احوص منا ومنا نشمر عليه خاولي رفعت راسي لكيت اسد يباع عليه وحرك عيونه وحواجبه بمعنى تغطي بي
اني خليته على رجلي وكمت اكل
اسد.... واكفه وتحوص منا ومنا واني جنت اباع عليها داشوف شحسوي شون حتكعد بهذا لابسها وكلسع رافع راسي اباع عليها واكول هاي شكبرها صايره نوب كاعده وكلسع رجلها طالعه خبلتني شمرتلها خاولي جان على رجلي تغطي رجلها
.................
محمد... اني محمد عمري 26 سنه مهندس معماري اني لازم المقاولات مال ابويه تقريبا كلها احب اشتغل من جنت بالجامعه واني اشتغل لحد ما كملت واني الحمدلله مكون نفسي اذا اكو شي احبه بالدنيا فهي هاله بت عمي وحبيبتي من جانت صغيره واني وعيني عليها لحد ماكبرت وصارت تخبل اتخبل اذا اشوفها تحجي ويه واحد من ولد عمي اظل خازرها بس هي ثوله بس تباع عليه ومفاهمه شبيه بيوم العزيمه قررت اكللها حتى تبقى الي
وره الغده كاعدين شفت هاله صعدت فوك سمعتها دكول حجيب الشاحنه من فوك انتبهت البنات ماكو وياها اني استغليت الفرصه وصعدت وراها لان هوسه محد كدر ينتبه دخلت وراها للغرفه وسديت الباب
أنت تقرأ
حب جنوني
Romanceقصه شاب شجاع يهب حياته كلها لابنت عمه التي يعتبرها ملكآ له منذ الصغر ولكن هي كانت ترتجف منه خوفا بسبب عصبيته وقوته ولهذا اصبح هذا الخوف حاجز بينها وبينه هل يستطيع ان يكسب قلبها ؟ هل ستعرف هي كم يعشقها ويهواها ؟ القصه باللهجه العاميه قصه جميله وم...
