زينب علي
طائر العنقاء
مرات الانسان يضلم ومرات ينضلم بس الي ينظلم لازم ميشوف شي يدمر حياته اني حسيت نفسي نضلمت هووواي وفوق طاقتي سامعين الايه ربنا ولا تحملنا ما لا طاقه لنا . اني تحملت شي فوق طاقتي . مره سمعت واحد يسولف عن مدرسه يكول جان عبقري بللغه العربيه . لو جانو كاتلين ابوي وامي رمي بلرصاص يمكن مجان هذا الالم الي حسيته ولا حسيت اني مو رجال . يعني اني شلون اقنع نفسي اعيش وامي هيج انتهكوها لو شلون اقنع روحي اني رجال وهذا حالي . لو شلون اكدر ازوج ويصير عندي عائله وهذا حالي انسان مهدم من الداخل . كلشي ما املك غير بس جرح بكلبي .
على هاي الافكار . فززتني حياه .
شلونه حبيبي ....
ها الحمد لله زين ....
كوم عندي شغله وياك .
خير .
دكوم يا روحي ....
كمت وياها وصار الي تريده . اكلك احمد ...
نعم ....
ما سولفتلي شلونه شغلك ....
شغلي زين بس مو هذا الي اريده ....
عجل شتريد ....
ابالي شي بعدين اسولفلج عنه . كمت عنها لبست قميصي جرتني من ضهري وشبكتني . احمد سولفلي والله مخسران شي .
حياه ما اعرف شسولف ومنين ابدي ....
زين راح اسالك وانت جاوب ....
اعتده عليك ؟؟؟ ...
غرغرت عيوني . يا ريت لو معتدي عليه جان احسن ....
هههه لعد شمسوي هذا ....
عفتها وكمت تذكرت ورجع بيه الزمن ١٦ سنه لي وره . ليش لسه ساكت اني . شنو جاي اسوي ابيت حياه . اني شنو هدفي . خاف يموت واني كلشي ما مسوي . بس ميصير لازم اكو عداله لازم اكو شي اسمه حقي وثاري . كمت انتفضت رحت طلعت افتريت بلشارع اباوع لبيته . شفت بنيه طلعت متبهرجه حلوه من بيته وراها حمايه مشيت وراهم بلسياره نزلت بلمطعم . اول ما طبت كعدت ع صفحه وره شويه اجتي شله . بنات و ولد هواي . وضل الضحك والهوسه والونسه تضحك علة عرض حلكها . اخر شي كامت على واحد من كراسي تركض .
يلبرتقاله طرررن ررن رن يلبرتقاله . واخذت الشوكات وكامت تحركهن بخاصرتها .
ضحكت كلت خوش كاوليه بت المحروس . شويه و باوعتلي وحده من صديقاتها .
رفعتلي حاجبها . حطيت عيني عليها ما نزلتها ضلت تباوعلي تريد تكسر عيني حته انزلها اني ضليت اباوعلها حيل . شويه وخزرتها خزره خفيفه . اخر شي نزلت راسها . شفتها جاي تأشر براسها عليه وتحجي وي بت عبد العال .
من خلال متابعتي اله عرفت انو هيه اسمها مياده واخوها اسمه سامي . هيه عمرها تقريبا بين ١٩ لل٢٢
