امي قيثاره الشر

Part15

عماد :- لازم تتحملين الوضع لان ماعندي خيار ثاني اذا حجيتي محد راح يصدكج ورح الوف السالفه كلهه عِلـٍـًيـٍجـِ واكتلج بكاعج واكول جانت تخوني ويه واحد

ميسلون:- انته متخاف  م̷ـــِْن الله ياخي حرام والله حرام

عماد :- انجبي يلا لا اكوم اشكج مثل البارحه
طلع م̷ـــِْن الغرفه وسد الباب ورا حييل .. كعدت صافنه وافكر شسوي بهل مصيبه ياربي .

جمانه ..
وره مانام ويايه عماد واجت ميسلون وعرفت بالسالفه كلهه .. حسيت بألم ببطني مثل السجاجين
اخذني عماد للمستشفى وصلت وجنت بين الصاحه والنايمه بَـßÊـسّ اسمع صدى صوت الدكاتره داير مداير
بنجوني غبت عن الوعي ..
م̷ـــِْن كعدت شفت عماد مااكو وكل احد ماكو بالغرفه ضليت اعاين ليفوك والالم مكطعني
شويه ونفتحت الباب اجت الممرضه كالت آلـْ ح ـمـِْدِّ اللّـٰھ على سلامتج كتلهه شصار كالت صار عندج نزيف قوي
م̷ـــِْن كالت هيج رأساً لزمت بطني وايدي ترجف كتلهه والطفل كالت سقطتي
من كالت هيج لا ارادياً نزلت دمعتي جان شعور نفس الشعور  م̷ـــِْن كالولي اجتج بنيه وسميناها ميسلون
وره ربع ساعه تقريباً اجه عماد كعد على الكرسي اليم السرير منزل راسه ومو على بعضه كتله شبيك كال مابيه
جمانه :- خاف ضايج لان نزل الطفل ؟ لتضوج عمري نعيش ونجيب نغيره واحنه بعدنه شباب موو هيجي
ابتسمتله هوه مادار بال طلع مبايله ويكلب بي لهناك وغلبني النعاس نمت
كضيت يومين بالمستشفى الى ان طلعت واحس روحي هم طالعه
وصلت للبيت شفت ميس كاعده بَـßÊـسّ شافتني كامت راحت لغرفتهه اني هم غلست ورحت للغرفه وعماد ويايه
مرت ٣ ايام واني ماشايفه ميس تالي رحتلهه للغرفه جان عماد طالع ديجيبلي الادويه
دكيت الباب ماجاوبت فتحته لكيتهه كاعده تكلب بالمبايل رحت كعدت على السرير وطبعاً بالكوه اتحرك وكلما اتحرك تصير لچمه للجرح وروحي تطلع
جمانه :- ميس آرٌيـّےـَِدِّ احجي وياج باوعيلي

ميسلون:- شتحجين ويايه شرايده مني بعد عوفيني بحالي هجمتي بيتي واخذتي زوجي شرايده بعد

جمانه :- رح اقدر حالتج وماارد على الكلام الكلتي لان حقج مقهوره بس خلي يكون بعلمج ايي تصرف غلط امحيج  م̷ـــِْن الوجود مثل ماجبتج اله فاهمه كلامي لو اعيد ؟

ميسلون:- الى متى رح تستمرون بهل لعبه القذره ؟

جمانه :- الى ان اوكفهه اني مثل مابديتهه يعني رح اطول هوايه لذلك انصحج حاولي تتعودين على هذا الوضع

ميسلون..
حسيت كلامهه كلش نرفزني شلت ايدي وضربتهه راشدي بهل اثناء اجه عماد وفتح الباب شاف هل اللقطه اتخبل اجه عليه هايج سحلني  م̷ـــِْن شعري نزلني ليجوه نيمني بالكاع ويضربني بوكسات ودفرات بكل قوته
ماضل عظم صاحي بيه وايدي كله دم  م̷ـــِْن وجهي .. كام  م̷ـــِْن فوكايه وره مادمرني حيلي نهد حتى ماكدر اطلع الكلمه وكام يضحك بصوت عالي هوه وجمانه
احس نار وشبت بكلبي
مر اسبوع على هل وضع واني باليوم امووت الف مره والقهر كاتلني مابيدي حل
صرت ماكدر اخلي لكمه بحلكي رأساً اتقيأ ووجهي دائماً اصفر دائماً ماما دكولي عماد خوما ديقرب عِلـٍـًيـٍجـِ وينام وياج كتلهه شبيه تخبلت اذا راد يتقرب اني ماخلي بعد يحرم عليه
بيوم جان الجو بارد ثلج بالليل راحوا ناموا بالغرفه  عماد وجمانه 😏
بس الباب مال غرفتي مامقفوله طلعت بره الباب مال الكيليدور هم ناسيهه مفتوحه انـّ'ℳέ'ـي هم استغليت الفرصه رحت  بدلت واخذت جنطتي بيهه مبايلي وكم فلس  م̷ـــِْن محفظه عماد الي ناسيهه يمي وطلعت بهدوء امشي على روس اصابيعي مثل الحراميه
طلعت بره جان الطريق ظلمه وماكو احد بالشارع يصوصي
وبس اسمع صوت الجلاب تنبح وانوب جانت كلش باارده الجو ضباب هل حجي الساعه ب ١ ونص بالليل
رحت مشي لبيت ابو عماد بس ماتجرأت ادك الباب شكللهم ؟ امي دتخوني ويه ابنكم ؟ منو راح يصدكني من بعد الظروف الي مريت بيهه والتخيلات الجنت اشوفهه اكيد حيكولون مخبله
وعمومتي بغير محافظه يعني ماعندي مكان اروحله
حسيت بوحشه غريبه ووحده قاتله .. ضليت امشي ماعرف وين اروح بهل ليل تايهه بهل دنيا
عادهً الي تزعل ويه زوجهه تروح لاهلهه بَـßÊـسّ انـّ'ℳέ'ـي وين ٱڑۆُ🚶ْحًْ حتى اهل ماعندي ومارح يلفوني
ضليت امشي وصلت لمفترق طرق ماعرفت وين ٱڑۆُ🚶ْحًْ واني اصلاً مااندل
جنت امشي بالشارع وحدي والشارع مظلم واجت سياره تمشي كلش بطيءاللايت كام يعلك ويطفي واني امشي ولتفتت ولسياره وراي رجليه ماتن بعد ماشالني
تقربت مني كلش نزلت الجامه ثنين شباب كاعدين بالسياره عالكين اغاني بصوت عالي وسكرانين نبّ واحد كال هاا ياا حلوو وين بهل ليل وحدج الثاني كال بيش الليله
ويضحكون واني حسيت كٓٓلٍٰــْـٍْـٍْـ♥ــبْْي نزل بمعدتي كمت اركض بنص الشارع وعباتي يطيرهه الهوه صرت مثل باتمان
بَـßÊـسّ آرٌيـّےـَِدِّ اخلص منهم ..
صار الفجر طلعت الشمس شويه واني كاعده على الرصيف حاطه جنطتي ورايه ومتجيه راسي عليهه وورايه محل
شويه غمضت عيوني اسمع صياح وشحرجه
- كووووومي منا يلاااا ولي بعد لتكعدين هنا تجدين
باوعتله والنعسه بعدهه. بعيوني شديحجي هذا اني داجدي ؟
باوعت على روحي انتبهت كلت صدك الي يشوفني هيجي يفكر لان لو عندي بيت ماجان نمت بالشوارع .. الله ينتقم  م̷ـــِْن الي جان السبب وليهنيهم بيومهم ياارب
رحت منطقه يسموهه الطوايل مجنت اعرف اسمهه قبل سئلت واحد كتله هاي يا منطقه كال الطوايل
شفت قطع موجوده على الاعمده مال الكهرباء اكو شقق للايجار ٥ تالاف باليوم انـّ'ℳέ'ـي هم ماصدكت خبر جان ويايه ٥٠ الف كلت تكفيني كم يوم الى ان اشوف وين اروح
دخلت ليجوه بالعماره جانت كلش قديمه ومكسره الدراج عوجه ومابيهه طزر
المهم رحت للمكتب فتحت الباب لكيت مره كاعده مالابسه حجاب وغرفتهه صغيره وعتيكه كوولش
كتلهه سلام عليكم كالت وعليكم كعدي حْٓـ♡ـُٰـٰـٰب كولي شرايده
تحجي ويايه وطك بعلجهه وترفعلي حاجبهه اني خفت  م̷ـــِْن عدهه منظرهه ميطمن ابد
كتلهه آرٌيـّےـَِدِّ مكان اكعد بي كم يوم كالت تدللين هاج مفتاح هاي الشقه بالطابق الثالث
كتبتلي وصل وكالت كم يوم بالضبط تريدين كتلهه مادري والله كالت ماشي نطيني خمستالاف اليوم
طلعت ٥  م̷ـــِْن جنطتي نطيتهيا وهيه هم نطتني المفتاح اخذته وصعدت فوك للغرفه
جانت تلعب النفس بيهه غرفه وحده والمطبخ بنص الغرفه ووصخه كلش الفيران تتطافر والبريعصيه بكل احجامهه والعناكب باوعت وحمدت الله وشكرته
ذبيت جنطتي على السرير جان رفيع كلش ومكسر وعليه فراش ابيض  م̷ـــِْن الوصخ والتراب صاير اسود
سلمت امري بيد الله وكلت لازم اعتمد على نفسي
رحت للمطبخ دورت على وصله مالكيت شفت خاولي معلك بَـßÊـسّ وصخ كلش اخذته غسلته ورحت مسحت الاثاث ورتبت المكان بس ماتنظف كلش ينرادله يومين تنظيف  م̷ـــِْن الصبح لليل يلا يطلع وجهه
كضيت اول ليله الي هناك وجانت مررره حييل وقاسيه ويايه ابد مارتاحيت بالليل ثلجت تغطيت بطانيه وحده خفيفه وقديمه