امي قيثاره الشر

Part1

⛓⛓امي قيثاره الشر ⛓⛓

بقلم 📝. حفيده شكسبير
القصه حقيقيه ...

كاعده بالليل الجو ربيع فاتحه الشباك على الحديقه واباوع على النجوم بملل

ماما جانت نايمه ع السرير الي بصفي ودايره ظهرهه عليه
اهتز مبايلي وضوه بأسمه
كٓٓلٍٰــْـٍْـٍْـ♥ــبْْي كام يدك سريع فتحت خط ورحت بهدوء للمطبخ
انتجيت ع الكاونتر واحاجي بدلع
عماد : حبيبتي
ميسلون : كول يا روحي
عماد : اااخ يا ميسلون لو يصير هسه اخذج واشرد بيج
ضحكت بخجل ونزلت راسي والعب بخصلات شعري
ميسلون : بس تدري هل شي مستحيل
جريت حسره وضحكت بحزن
عماد : لو بيدي احرم الحزن عن عيونج الحلوه
ميسلون : متكدر لان صار الحزن جزء مني
عماد : اوعدج رح اسوي المستحيل حتى وجهج الحلو يبتسم
ميسلون : الله ليحرمني منك
كملت مكالمتي سديته والضحكه مرسومه على وجهي
نداريت شفت امي كدامي يبوو صايره عصبيه عيونهه حمر

خليت ايدي على كلبي حسيته رح يوكف ضميت المبايل ورايه
جمانه :- ويامن جنتي تحجين

ضليت امتمت لان اني ماعرف اجذب ابد
اجتي كفشتني وتصيح بوجهي .. ابتعدت عني كعدت بالكاع ابجي كلتلي عماد
هزيت راسي وحاطه ايدي على حلكي
جمانه :- يصير خير ميس

وره شويه نحنت يمي بالكاع وحجت بطريقه خلتني امووت بكاعي
جمانه :- موو اني الي حجايتي تنداس بالكاع رح تتندمين هووايه

وراحت .. لزمتهه م̷ـــِْن ذيال دشداشتهه واحجي واشنهك
ميسلون :- وين رايحه ماما الله يخليج لتسوين شي

نفضت ايدي وراحت لبست عبايتهه وطلعت م̷ـــِْن البيت وقفلت الباب
كمت املخ بروحي يربي وين راحت والساعه ب ١١ بالليل ..

اني ميسون عمري حالياً ٢٣سنه
وجهي مثل الكمر بليله تمامه العيون زرك كبار ومجروره
والشعر خيوط ذهب سررح وطويل لرگبتي
عايشه ويه والدتي لان والدي توفى وامي حامل بيه يعني مالحكت اشوفه لذلك موو كلش افتقده
عمي يصرف علينه وكل شهر يدز راتب اليه ع اساس بس امي كله تصرفه على روحهه
المهم نرجع بالزمن لمن جان عمري ٦ سنوات
كعدتني امي الصبح بالكوه ودتني للحمام ولبستني القميص الابيض والصدريه النيلي

ومشطت شعري وسوتلي ستوتات
سوتلي ريوك بيضه مسلوكه وحليب
طبعاً ثنيناتهن ماحبهن عاندت ويه امي وكتلتني م̷ـــِْن الصبح
لبستني جنطتي على ظهري وهيه لبست حجابهه وطلعنه
والطريق كله دمعتي بعيني
طبعا جانت الدنيه باارده ثلج والهوه الصبح نقي ومنعش
دخلت للمدرسه خاايفه وايدي ثلج احس رح يغمى عليه دخلنه للساحه شفت كوومه طلاب الي يلعب والي يتمشى ويه جماعته والي يقره وره شويه دك الجرس
انـّ'ℳέ'ـي ماقبلت اروح للصف وحدي اله امي تجي ويايه وظليت ابجي بنص الساحه