ام زوجي الظالمة (حماتي المستبدة)

البارت الثامن

خابرتني تاره وكالتلي ...
اهلي يريدون يسوولها حنه مرتبه جبيره .....
وابوها كايللها ...
خلوا الحجز ليلغي عمار ...
حتى اسويلج الحنه بي احسن من البيت.....

سعاد.....
أمداك مكيف عود...
قشمروك وذبوا القاعه براسك يا الاغم...

لا وروح ابويه عليهم التكاليف ...
اخ والله فاتتني لو مسجل المكالمه جان سمعتجيها...
حتى لتظلميني سعوده...

والله لو الف مكالمه ما اصدكك يالاثول...
كل مصاريف الحنه وكعت براسك...

متشوفهم مرادوا حتى عرس بالبيت ...
حتى يهلسوك بالحنه...

واني صافنه واكول شعجب اقتنعن...
اثاريهن بله ازرك اثنينهم...

ندى....
عمه ترى الحنه كلها على البنيه هاي المتعارف عليها...
الاكل والصالون والبدله...

اي ادري ...
بس هالاثول كلها راح توكع براسه...

يمه عدلي لسانج رحمة لاهلج ...
مو باجر من اتزوج تشغلين البي كي سي مالتج وتهجمين بكلماتج هاي كدام مرتي...

لا حبيبي ما اهجم عليك وليدي...
احول عليها ان شاءالله ...
واطلع القضى والمضى..
ومرار السنين الي مرمرتني بي من حبيتها...

يمه لتطلعين روحي ...
هسه الي ردتي وصار...
شنو لزوم هالحجي بعد....

اصعد فوك عمار وجفيني شرك...
ابوس راسج واصعد شعندي غيرج سعوده...

علياء وندى الخميس صارت الحنه وعلى الاتفاق والجمعه الزفه.......

بس انطوا خبر لاهلكم وكرابتنه ...
كولولهم انلغى العرس وصارت بدالها حنه ...
وها بس نسوان كولولهم ميجيبون رياجيلهم...

واني ابلغ جماعتي واعتذر منهم...

وانتي سعوده اريد تلبسين القاط الي جبته وتطلعين احلى وحده بالقاعه...

لتعب روحك ما اروح...
ليش يوم مو هذا عرسي...
وافرح من الكاج موجوده بي وفرحانه لفرحتي.....

كتلك ما اروح وخلص ...
سد الموضوع...

احمد....
عموري حبيبي شايف الخير وربي يسهلك...
و لتشيل هم لكل شي ...
ترى امي تحبك ومينطيها كلبها متحضر .....

سعاد....
لا والله اشو ينطيني...
وبسكم عاد ييزي اسكتوا اريد افتهم المسلسل...
لو تروحون من جهرتي...

في صباح يوم الحنه.....

عمار....
نايم نومه عميقه وفزيت على صوت المنبه مال التلفون....
جنت نايم بالهول...
لان البنات رتبوا المشتمل ومنعوني اصعد انام بي ...
الى يوم العرس....