امي قيثاره الشر

Part11

عماد :- لا ماكو داعي لبسته بعد
اجت يمي وفتحت اول دكمه بالقميص
جمانه :- انطينيا داكولك

عماد :- ليش دتتزحمين

جمانه :- لا مااكو زحمه بالعكس
نزعت القميص ونطيتهيا ضلت تباوع على جسمي وتبتسم
بالرغم م̷ـــِْن تصرفاتهه الغريبه بس جانت لطيفه بالنسبه الي احسن م̷ـــِْن ميسلون مره واعيه وفاهمه

راحت لغرفتهه كوته بسرعه وجابتليا لبسته وطلعت بالباب كتلهه اذا تحتاجين شي خابريني
جمانه :- آرٌيـّےـَِدِّ بس سلامتك عيوني انته
طلعت للدوام كملت المحاضرات ورجعت الظهر للبيت جانت جمانه بالمطبخ رحت للغرفه شفت ميسلون كاعده ومرسوم على وجهه ملامح الحزن والتوتر
بدلت وطلعت بدون ماحاجيهه ..
جانت جمانه مسويه مركه بتيته كعدنه انـّ'ℳέ'ـي وياها ناكل وحتى ماصحت لميسلون تاكل ويانه
جنه ناكل بدون منحجي الصمت عم المكان وبس نسمع صوت الخواشيك بالمواعين ..
ميسلون...

صارت العصريه واني متمدده على القريوله اباوع للسكف والحيطان  والقهر ديكتلني يعني حتى مازحموا روحهم يصيحولي
الظاهر عماد صار مثل امي .. ليش هيجي تغير جان هوه ملاذي الوحيد الي بالعالم
ليش هيجي ديسوي يااربي
شويه ونفتحت الباب ماما جايه وبيدهه صينيه اكل اجت خلتهه على رجلي
عدلت كعدتي وكلت بكلبي منج  م̷ـــِْن الشيطان تجيبيلي اكل شصار بالدنيا

جمانه :- كومي اكلي وبدلي خابروا بيت عمج بالليل  يجون يباركولج
درت وجهي عنهه هيه كامت طلعت وسمعت صوت عماد كلت اكيد هيجي دتسوي حتى تبين هيه ام حبابه كدامه
اكلت لكمتين ونفسي تلعب ماكدرت اكمل كمت سبحت وبدلت جانت الساعه ب ٦ ونص ضليت كاعده بالغرفه الى ان اجوا
عمي ومرته وابنه وزوجته واطفالهم يطلع عمرهم الولد ٣ سنين والبنيه ٥ سنين
ضليت العب وياهم واشاقيهم وكلبي يرفرف آرٌيـّےـَِدِّ جهال العب وياهم واجرب شعور الامومه .
واني طبيعتي كلش احب الجهال .. اخذتهم لغرفتي جان عندي العاب ماخذتهه ويايه كلهه دببه وارانب وميكي ماوس
وحتى غرفتي معلكه بيهه صور لميكي وميني وسندريلا واميرات ديزني تارستهه ترس
وراهه امي سوت لفات كباب وصاحتلنه حتى نتعشه رحنه للصاله والجهال ثنينهم بحضني ويحبوني يموتون عليه
امي كلساع تباوعلي وتخزرني وبعيونهه نظره شر
ماعرفت شبيهه مدري الي داسوي غلط قصدهه .
المهم طلعوا واني كٓٓلٍٰــْـٍْـٍْـ♥ــبْْي ضل ويه الجهال آرٌيـّےـَِدِّ احطهم بكلبي .
رحت للغرفه بدلت لبست بجامه شتويه ورحت للصاله كعدت يم الصوبه لان الجو جان كلش بارد .
اجاني عماد  م̷ـــِْن بعيد صاح بيه نزيت  م̷ـــِْن مكاني وباوعتله
عماد :- شبيج اليوم خزيتينه شهل تصرفات طفله انتي

ميسلون:-  ڵــيْٰـẅ̤ḧ̤ÿ̤ـْڜ؟ شسويت

عماد :- شويه كبري عقلج موو مصغرته وتلعبين ويه زعاطيط انتي مره بعد