ام زوجي الظالمة (حماتي المستبدة)

البارت الثاني

احمد...روح حسن احمي السياره بين ما البسها جبتها واجيبها ...
وانت كوم  عمار جيبلها شي تلبسه..

هااا اي اي كايم....

سعاد....لا تعال حسن ما اتحرك من مكاني ولا اوصل للباب ولا لأي مكان...

احمد.....يمه ترى مو وقت عنادج ...
هسه كومي نوديج خل نفتهم السالفه شنو....

لا اروح ولا اجي شراح يسوولي بس يمرمروني ويشلعون كلبي بالجكات والابر...

هسه شويه واصير احسن...عوفوني

عمار....يمه وجهج صاير احمر دم ...
هسه اجيب المحرار واقيس حرارتج...

عمار ...رحت اركض جبت المحرار ..
افتحي حلكج حبيبه...

ماشاءالله حرارتج طبيعيه 36 °م لعد ليش وجهج صاير طمامه....

سعاد....واني شدراني...
يله احمد وحسن ولدي روحوا على شغلكم..

لا يمه منروح انتي تعبانه...

عمار ....اول مره اشوف امي هيج مريضه ونايمه
ابد مو طبيعتها ومن نوع تتحمل وجعها علمودنا...

احمد....كومي يمه علينا وعلى بيتج ...
خاف هاي درب حتى تنهزمين من الخطوبه...
نضحك بس مهمومين...

للظهر وامي بفراشها وكوة تاكل...
جان تصيح علينا ورحنا يمها ....
وحجت ويه احمد...

وليدي احمد خابر على خوالك ناصر و رؤوف وعلى خالتك ازهار اريدهم اليوم يمي كلهم همه وبناتهم و ولدهم...

اريد اشوفهم وأمنهم عليكم قبل ما اموت...

اسم الله على اسمج امي....

عمار ....اول مره احس بالخوف وحسيت باليتم
لان ما يوم امي حسستنا احنه ايتام..

صح غياب والدي جان صعب بس امي جان دورها جبير بحياتنا...
وكفت ويانا وكبرتنا وساندتنا رغم قوتها وعصبيتها بس جانت حنينه علينه.....

كدرت تاخذ الدورين دور الام والاب ونجحت بيهم وبجداره...

عمار ....العصر وطبوا علينا بالسره خالي ناصر وراهم بيت خالتي ازهار واخر شي بيت خالي رؤوف....

خالي ناصر عنده امجد وماجد اثنينهم متزوجين
وبنات 3 ...
علا اكبر وحده متزوجه وريهام متزوجه وباقيه بس ندى تدرس ثالث تجاره...

وخالي رؤوف عنده بنيه كبيره متزوجه وعايشه بالاردن و فاروق متزوج وباقيه علياء تدرس با اعداديه تمريض صف ثاني......

وخالتي ازهار هاي اصغر وحده وتزوجت على كبر
وعدها 3 ولد بس اكبرهم متوسطه ..