🔥👿في قبضة الطاغوت 😡👿🔥

البارت 2

حيدر ❤👆

غزرت قدامها...حست بجهامات عريضة قدامها ..غمضت عينها وحلتهم ..بدات توضاح الرؤية ..اربعة رجال كوستيمي ..جهامتهم عريضة ..ملامحهم تدل علي غشهم منها..تكلم واحد فيهم ( وينو سي حيدر لتوة ما جاش ؟؟ شنوة ناوين نعملولها الطفلة هذي ).
تكلم واحد آخر ( هاو جاي في ...)
مكملش كلامو وتحل الباب...دخل..لمحتو بقات تثبت فيه..مشيتو ...وهرتو..ثيقتو في روحو..عينيه إلي فيها نظرة قوية حادة..غزرلها بكل تحدي..تلفت لرجالو وقال ( لبرة...)
واحد فيهم مدلو دوسي وخرجو لكل....
بقي يثبت فيها..مش مصدق إنو الطفلة إلي قدامو تبيراتي وتخترق...يشوف فيها ترعش مالبرد ومالخوف...ثبت في عينيها الخضر..ملامحها المزيانة...جبد الدوسي ..تبسم بخبث (ههه هاذا .. إلي خلاك توصل بين إيديا ...تحت قبضتي وسيطرتي ..)
غزرتلو بخوف كبير..خرج صوتها ضعيف ( شتحب عندي ...)
غزرلها بغش(لو عكست لأصبت ..نت شتحب عندي ...علاش تبيراتي فيا وتتجسس عليا وسرقتلنا الدوسيات متاعنا لكل...)
غزرتها تبدلت ..غزرة توحي بالقوة..ضمت شفايفها بغزول وقالت ( نتي واحد سفاح..قتال ارواح ..مغتصب ومسخ..واطي...كان لازم نكشفكم ونشكي بيكم للشرطة )
تبسم بخبث..قرب منها..انفاسو داعبت خصلات شعرها المتموجة..قربو منها خلي الخوف يدخل لقلبها ...وشوشلها بالشوية ( ريهام عبد الحق...مش كل شي يتعدي بالساهل مدامك دخلت القفص متاعي متخرج كان بإرادتي )
دورلها شعرها ورا وذنيها ...ثبت في ملامحها الخايفة. شفايفها الروز إلي يرعشوا...بعد عليها شوي وقال( شنوة وينو لسانك يا قطوسة ؟؟ مزلت متعرفنيش راك كان حصلت بين يديا معاش تنجم تخرج..)
غزرتلو بحقد وقالت (حتي نت متعرفنيش . . )
ضحك بهستيريا رعبتها( نعرفك ..وبلڨدا زادة .يا سيدك بن سيدك ..ريهام عبد الحق بنت توفيق عبد الحق الله يرحمو مش هكا هههه...امك ناجية وأختك اصغر منك مزالت تقري وإسمها ذكري....ونت ريهام قريت في جامعة التكنولوجيا العليا ..مخترقة برمجيات إلكترونية..بيراتاج ...فورماتاج...)
حلت فمها طاقين ...مصدومة فيه..المخلوق إلي قدامها يعرف كل تفاصيل حياتها ..عايلتها..حست بخطر كبير داير بيها ..تذكرت كلام ذكري وقت نبهتها اما هي تبعت غرامها وهوايتها ...ودخلت روحها في دوامة مامنهاش خروج ...هي توة في قبضة طاغوت ميعرفش الرحمة...هبطت دمعة من عينيها الذابلة😢😭😭 ولقات طريقها لخدها ....حاسس ببها وفاهم خوفها ..
غزرتلو بنظرات باهتة..عينين مدمعة..هزتو وحطتو ..تاتواج في رقبتو ...ضربة في حاجبو..دلائل علي مسيرتو مع العنف والإجرام..فاجأها ..دخول راجل من رجالو وقال( سي حيدر لازمنا نمشيو الحركة كثرت )
غزرلها وشاف الإستغراب في عينيها..حك لحيتو وغزر للراجل غزرة علي جنب...فهمو...جاب قطعة قماش بيضة مبلولة..قرب منها بخطوات واثقة..حاولت تبعد وجها اما منجمتش ...كان أقوي منها وقوتها معدومة..هي محجوزة..مربوطة في كرسي..حواسها تخدرت مع ريحة الكول ..عينيها ذبلت ... حللها يديها وساقيها..حملها بين يديه ..حسها خفيفة..اول مرة يثبت فيها هكا...بشرتها البيضة..شورط ابيض وخلعة زرقاء.🙍🎽.. تبان اصغر من عمرها...مش مصدق إلي هذي عندها ذكاء كبير يخليها تخترق برمجيات صعيبة ... صحيح هي شافت دوسيات تثبت وجودو في عالم الإجرام ...اما هي متعرفش الحقيقة لكل..حتي نتوما متعرفوش..تكتشفوها مبعد...حيدر بالنسبة ليه ريهام فرصة وجاتو ليديه ومش بش يفلتها..هي كانا بش تفسد مخططات سنين خدم عليها وهي بش تخلص غلطتها..خاتر هي في #قبضة الطاغوت وليس اي طاغوت ..طاغوت لا تعرف الرحمة طريقا لقلبه