مشات البنت كلمت مدام زهرة لحيدات الماسك و جات تسايس مع هنية.
زهرة: بنتي ديري شكالوليك را غير غدي وجدوك الغدا إنشاء الله.
هنية:
😒بنصيل السروال اخالتي الله اهديك .
زهرة:(تنهدت بعمق راسها قاصح) هانتي عرفتك حشمانة حيدي سروالك ابداو برجليك و شوية شوية غذي تولفي يالله ديري بكلامي الله ارضي عليك.
هنية: غير على وجهك اما و الله لحيتو .
زهرة:عارفة عارفة (شافت فالبنت) احم يالله بداو معاها تدرجيا راها كتحشم و هدشي جديد عليها.
البنت: واخا مدام كوني هانية.
وخرجت زهرة مخليا هنية محيدات داك سروال حتى شحفو هزت الكسوة حتى ركابي صافي كان عندها شعر خفيف ولكين ضروري اتحيد .
البنت: غنبداو بلاسيغ قربي ديري خدمتك...وحدا من البنات لمعها جابت الوراق ولابراي لفيها لاسيغ سخونة دارت تفريشة الاول.
هنية: اححح هدشي سخون ومالو كيبان بحال سكار ولا فنيد.
البنت: غير صبري معانا شوية ....هزت الورقة دارتها على البلاصة لعمرت ولصقتها مزيااااان وهنية غير حضياها بمجرد منطرتها طاااااااارت معها هنية و طلقتها بغوتة عالمية.
هنية: وااااااااااااااع وااا اححححح وميمي وميمي
البنت:كالم انيسة كالم.
هنية:
😡ولينا فسليخ ياك تريشيني دجاجة انا تعالي البوك....وهااالي تكلع سرواال و هاااالي تمد كرواعها
البنت: واااااااع طلقيها طلقيها وعتقو روح
خلطتهم كاملين لجات تفك تجمعها معاهم البيت ولات خرااااب زلزال داز منها تحل الباب على جهدو دخلو منو سيكيريتي فاش سمعو صداع وزهرة والبنات مخرجين عنيهم فالمصعورة لمعاهم.
بمشقت الانفاس تفكت روينا هالي مضروبة بسشوار هالي مكبوبا لاسيغ على شعرها ....شدو هنية واحد فيهم لوا دراعها باش اسيطر عليها صدقت نازلا على مو الرأس بشانطة صغيرة ديال المكياج .
هنية:(كتحك اديها)
😤هرستيها نطرتيها وااااا خالتي فينك وسيرين اتحماو.
زهرة داخت و ترونت شوهة ملاك وتوبة شدو هنية خرجوها و فتيحة واقفاا مع زهرة لبزز باش فكتها مع مولات شي خلاصات كااع الاضرار و عتذرات وحيت معروفة فكوها غير تما .
هنية:(كتحول تفك) حيدو ا نجيب سروالي خليتو الداخل.
ملاك:(جاراها البرا) لا هيا لا صافي غبجيبو سروال اخور.
توبة:(شاداها من اليد تانية) رصاااي براكة مطيري...عماار حل الباب.
حل عمار الباب دخلوها ودخلو معها كولشي ضربتو فزيرو شحال تخيلو فمنضرها جديد على قبلها جاو وهاهيا دبا خارجة منو كيف دخلات.
مرا مرا طل على رجلها بلاصت لاسيغ حمرة وكتحرقها تنفخ و تسوط.
هنية:
😣بغيت ليها جربة تشدها مطلقها سلختني.
توبة: (كطل عليها) رانتي لمصبرتي كانت غتبردها ليك.
هنية:
😠غتسكتي لا
توبة:
😯
😯
ملاك ؛بفف عماار زيد بينا الدار .
هنية: وخالتي فين هياا .
ملاك:غيجيبها شيفور تاني حنى غنسبقوها.
مسافة طريق وصلو دار هنية مشات نيشان الكوزينة دارت تلج لرجلها باش تبرد
وااقفا قدام الفرمصيان كتسنا فتيحة هذي ربع ساعة باش دخلات ومزال مخرجت ....يالله كانت غدخل وشافتها جاية كتجري.
زهرة: تعطلتي اشنو لقيتيه
فتيحة: اه الالة لقيتو معطاوه ليا غير بزز كاليك ضروري من ورقة طبيب.
زهرة:(سبقتها اللوطو) اشمن ورقة هذوك غير كيزيدو فيه .
فتيحة: وصاني سيد لباعولي كالي متفوتيش جوج نقطات راه مجهد (رجعت سولتها) احم علاش بغيته الالة؟
زهرة:(نضرات شيطانية ) وي عارفه مجهد و هوا لمحتجين ...وشكون من غيرها هنية هذا تمامها.
فتيحة:
😱اويلي الالة تنعسيها؟
زهرة: بفف اكيد وشنو شفتيها اليوم الفضيحة لدارت خصنا نعسوها ونديرو خدمتنا على خطرنا.
فتيحة: ياربي اشد فيها.
زهرة:غيشد والحيلة حسن من العار وخلاتلي حتى حل اخور ...يالله دينا الدار (رجعت شافت فتيحة) هدشي متجبديش سيرتو.
فتيحة :
😯 لا لا الالة كوني هانية .
زهرة: ممم مزيان.
~~~~~~~~~~
مجموعين فصالون هنية مزال طالقا رجلها كتبردها بتلج وملاك هازا ولدها و توبة كتشوف اخير صيحات القفاطن فتيليفونها.
توبة:( مداتو ليها)شوفي هذا زوين
هنية:
😕منين جاه معندوش لدين وعاد محلول بزاف شوفي فخضها عريانين.
ملاك:اري نشوف(خداتو)هههه عندها صح مزوينش اش هذ ذوق اتوبة صدمتيني فيك.
توبة:طلقو طلقو اش كتعرفو فالموضة .
هنية:ههههه غ الله اخلاف عليك
ملاك:(كتشوف رجلها)شوية دباا ؟
هنية: شوية شوية ياختي فرشتلي عصير و ديسير غ باش تنتفني دعيتها الله.
ملاك:ههههههه وراك حتى نتي مسهلاش
توبة:هههه انا بقات فيها غير البنت لخوات على راسها لاسيغ.
هنية:
😒كطنزو عليا ياك.
توبة: هههههه بالعمى ياختي..
YOU ARE READING
هنيه ف مريكان
Romanceقصه واعرا بزاااااف كتهدر على هنيه ل حمقوها والديها تل غتلقا رسها فطليان و غتسكن قلب واحد تيتيز لكن غتبعا اكبر عصابابت قصه روعه
