غسل عار 🔞
البارت الخامس
الكاتبه ام جنات
مؤلم عندما يقولُ لك الناس : كن قوياً
وليس لديهم أي فكرة عن صعوبة ما تمر به😔💔
امل فتحت الباب لمحمد وشافني منهاره
شبيج امل شصاير خير
يحجي واني دموعي وشهكاتي ماوكفن
حازم ولك محمد حازم ندعم
محمد شنو تحجين وين ومنو كلج
احجي لااكفر بيج احجيييي
كله منج انتي قهرتي ليش
هيج وينه هسه
امل بلمستشفى فدوه اخذني وياك
والله مااحجي شي بس اشوفه
واعتذر منه
مامش آية نقرأها أعله كلمن
مايحنّ گلبه؟
محمد (ام كلب الفطير تعتذر منه وهوه
للحظه راد يزوج عليها)
يلا فضيها لبسي عباتج اني طالع كدامج
لاتتاخرين اعوفج وامشي
طلعت للشارع زينب واكفه بلباب
عفيه شارع دوم واكفه بيه شرطي مومره
خرب اهلها تغري من بعيد الله يهديج
ويعقل اخوي عن مصيبته
بقيت اباوعلها وهيه هم تباوع الصلفه
طلعت امل واجرنه تكسي ورحنه اله
لكينه كسور بسيطه مابيه شي
امل ماصدكت عايش عبالي صار شي
والوم بروحي بس ماكو كسور بسيطه
كالو يومين ويطلع يرادله راحه
حازم بوقت الحادث بالي يم مستقبلي
وزينب وامل شلون اتصرف بينهم
وامل رفضتني بيوم التدخل عروس غيرها
ميخالف المهم اخذ الاريدها
وماشوف نفسي اله ضارب سياره كدامي
فقدت ومادريت الصار اله من كعدت لكيت
امل ومحمد كدامي وطمنهم الدكتور مابيه شي
تحمدولي بلسلامه وبالي كله مشوش
وراسي موتني من الالم بقو شويه
يمي وطلعو
محمد كومي امل رجعي لبيتج اني ابقه
هنا بنتج وامي وحدها اتصلي عله سهاد
تجي يمج لتبقين وحدج
وشوفي زينب تركيها لترحين تطلعين
حركت كلبج بيها تولي جلب وحدها تبقه
واكيد حازم هسه يرجع العقله داري
وديري بالج عليه كافي مشاكل يختي ميصير
امل محمد يحجي واني ماصدك ارجع للبيت
واهجم عله زينب انعل اهلها خربت حياتي
وسوتها جحيم ماكفاها شنو الله واكبر
هجامات البيوت بكد ابوج ياحقيره
طلعت كتله خويه اني ارجع ابقه يمه
والبيت قريب وفعلا رحت اجرت تكسي
وصلت للشارع ومابالي غير اهجم الدنيا
حزن بداخلي مينوصف دكيت الباب
طلعت ام زينب لابارك الله بيكم ولا بليوم
الشفتكم بيه بس كليلي خيه السوينا شنو
وهيج تجازون الجار يعني طباعكم هيج
الخيانه والغدر حق الجار للجار
مو الي يدخلكم بيته تاخدون سعادته
ياقانون يسمح بهيج شي يادين يااسلام
اكو هيج بشر مثل بنتج يعني صلافه خيه
هاي عسانه لاشفناكم ولا جاورتونه
هدمتو حياتي واخذتو سعادتي كلها
ام زينب خير داده اكلتيني وشربتيني شصاير
فهميني شنو هل تجاوز وبنص بيتي
طلعت زينب
شصاير يمه شعدها هاي هنا متكوليلي
خير ام حنين صاير شي تغير الموعد شنو
