قررت انى ابعد ع الاحزان
قلبى المكسور محتاج لأمان
محتاج لحياة من غير حرمان
محتاج للفرح مش التوهان
محتاج لأمير يجرى على حصان
ويحرر قلبى من الأحزان ...
قلبك متعود يبقى بعيد
معرفش اذا كان فى البعد سعيد
والا ده مشغول بحب جديد
وانا قلبى فى حبك زى وليد
محتاج يتعلم يبقى سعيد
وكفاية سنين كان قلبى وحيد
القلب نبات محتاج لحياه
وحياتى فى انك تبقى معاه
وفى فرحه وجرحه تكون وياه
انا ذقت فى حبك معنى الآآآآه
وانا حبى فى قلبى مخبياه
امتى هتشفى قلبى من الآآآه
الحب ده شئ زى الاحلام
بنشوفها صدفة لما ننام
مش بس قصيدة والا كلام
دى مشاعر من غير اى ملام
زى عصفور من بدرى قام
واتغرب سافر ايام وايام
قلب العصفور محتاج للحب
والحب فى عصرنا اصبح صعب
مش زى البرد دواه فى الطب
ده وجع سموه : داء بالقلب
والقلب كان بيقزقز لب
والصبح طلع له كريزة حب
انا اصدق قلبى واكذب مين
القلب خلاص مليان بأنين
والصبر صبرته معاه لسنين
مش عارفة انا قلبى واخدنى لفين
وكأن ايديه للروح ماسكين
وهيعمل ايه قلبى المسكين
قلبك متغرب والا معايا
حبنا ده قصيده والا حكايه
امتى هشوفك وتكون ويايا
والاقى لوجع القلب نهايه
الحب لأى حياة ده بدايه
وانا خايفة اكون سطر فى روايه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
