كلمات لطميات باسم الكربلائي وغيره من الرواديد ١

١٦٧.{وياك وفايا_حسين فيصل}

عاشق ذايب اجيت امشي الك
عايش ميت حبيبي اوصلك
منطينك وعد وياك وفايه
لو متنا تجيك الروح مشايه

الي اتمرض هواك اشلون من حبك بعد يشفه
والنغزر ضريحك بي يحس بزيارتك ترفه
والتعلم لطم عاشور يحس ابصدره ماكفه
والمعاشر ردموعه اعليك يحس ابنفسه ماوفه

صدري ودمعي اخافن ماوفه
لو ما الطم على الدنيه العفه

دنيه ابلا محرم شط بلا مايه
لو متنا تجيك الروح مشايه
______________________

وعذره الي تنه العاشور يحس باقي السنه ابغربه
والتنفس عبيرك بيش يقنع ياهوه ايجربه
والتعلم يجيك ازحوف يضل لزيارتك يربه
نهر حبك يفيض احساس للعشك عذب شربه

يمشي ويزحف يجيك ابلهفته
هايم صلة حبيبه قبلته

فرض العاشكين اتأذن الرايه
لو متنا تجيك الروح مشايه
______________________

وهنا يالجان الك عباس احزام الظهرك اتشده
وحيد اعله الرمح تجيت من طاح القمر بعده
عجيب انته العطشت ابيوم ظامي وخيرك اتبده
غريب انته ووطن تنزار هوايه انته وبقيت الوحده

وانته اهوايه متنقاس ابعدد
نجري تعطش تفيض ابلايه مد

وجه الله تصير ابوجهك امرايه
لو متنا تجيك الروح مشايه
_____________________

نطلب بالحشر مولاي ناعي الزهره والمنبر
نلتملك خدم ونقيملك مجلس وانته بيه تحضر
نقره امصيبه العباس يم اشريعة الكوثر
نبجي الكطعت الجفين يم الباري والمنحر

ونلتم موكب خدم للطاهره
نلطم ندخل جنان الناطره

جنه ابلا خدمتك ناقصه اهوايه
لو متنا تجيك الروح مشايه
______________________

والتعلم خدمتك بيش يقنع يا ابوالاكبر
لو صار الحساب اهناك يم الله المحشر
ونالتنه ااشفاعه اردود فزعوا فاطمه وحيدر
مروتك نبقه الك خدام اخلاف الخدمه مانكدر

خادم كلبه يظل بسمك يدك
والله الخدمه عشكناها عشك

ندل للجنان ابدمعه وقرايه
لو متنا تجيك الروح مشايه
______________________

تعلمنه على الاعواد زغار ونبني موكبنه
نتاني الجية الزوار نتاني ابلهفه موعدنه
جبيره وتفرح الزوار نحط هيل اعله جلمتنه
نهلي ونبتشر بالضيف نعزب بيها فرحتنه

ونصرخ اهلا ياقاصد كربله
زاير لو مر علينه اندلله

ترضه الزهره امك والله الغايه
_________________________

كلمات الشاعر زهير الابراهيمي