هدى:ولج حموووت جوع
مسحت دمعتي الواكعه ع خدي
وخليت الاكل كدامهه
وهم:تتزقنبين وتكومين تسوين غدا
هدى:لاعيني لا اكعد وي فستقايتي نلعب وانتي تتطبخين
اباوع لسيف
مخلي ايده ع عيونه ويضحك
وهم:خو انت مخلصهه خجل ام فستقايه تطبخين واني اكعد يم سيف
هدى:هو اني غير اكلي العكاريك مياكلوه
وهم:ناكله احنه لتهتمين
هدى:هههههه
كملنه اكل
وهدى دخلت بالمطبخ
واني سبحت سيف
وخليتله بودره معطره
ولبسته تراك شتوي
يخبل طلع
حنطي
عيونه كبار
ورموشه طوال هواي
وحلكه صغير
ملامحه تجنن
بي شبه ليوسف
ونظراته احسه قيصر
ويسوي حركات تجنن
كعدت ابوس بخدوده
وهو يضحك
ويخلي ايده ع عيونه
اللعبه المفضله هاي
سنيناته طالعه
وزايدته جمال
اجه يوسف من الشركه
خله جنطته بالكاع
واجه يلعب بسيف
ويلكف بي
صبينه الغدا
وكعدنه سوى
سيف بحضن خاله
يوسف:تخيلو اليوم شصار
وهم:شصار
يوسف:شفت صديق الي من البصره جاي ع اخته وعرفني
وهم:ايي
احس كلبي نغزني
يوسف:طمني عن الكل بس كال جدو مريض
بلعت ريك بخوف
ونصيت راسي
يوسف:كتله يروح يخبرهم ان اني راح ارجعلهم مثل مانكول نقيس النبض ومن بعدهه اخذكم ونرجع للبصره كافي هروب
احس الخوف استحلني
وهم:يوسف انت شداتكول
يوسف:اللي سمعتي كافي تخفي احنه ماغلطلنين وهذا ابن قيصر وانت معروفه بنت منو ماتطلع منج العايزه
وهم:وقيصر
يوسف:ماراح تشمرين نفسج عليه اذا مارادج المحاكم موجوده
هدى:بس يوسف وهم لازالت تحب قيصر
يوسف:شحصلت من حب قيصر
نصيت راسي
بلعت ريك
وهم:يوسف هاي الاشهر المرت واني تفكيري موتني يمكن قيصر يرفض ابنه يمكن مايصدكني انت ماتدري هسه شمسويه هديل
هدى:انتي المفروض تبقين وتواجهين
يوسف:سكتي بله همه ذولي يتواجهون
وهم:برأيك سنه ونص ونرجعلهم حيقبلون بوجودنه
يوسف:ميردونه براحتهم كافي انكسار
سحبت نفس عميق
واحس التوتر مسيطر عليه
اخذت ابني
ودخلت للغرفه
بقيت اباوعله
نايم بحضني
شنو ذنبه انحرم من ابو
الله لايوفقج سحر
دعوى من كلبي المحروك
الله يحرمج الراحه ياهديل
وماتشوف العافيه وليد
ع منو ادعي
وبمنو اثق
ذول اهلي؟!
وكعت دموعي
وتمددت
شكد اتمنى لو اني وياك ياقيصر
شكد اتمنى لو اني يمك
واللي صار ماصار
تعددت امنياتي
وفراقي عنك يميتني
....
البصره
الساعه ال12 ليلا
قيصر
لحظات كانت بالذاكره
عالقه
مستحيل تنسي ابد
ذكرياات ماتموت بداخلنه
تبقى حيه
ذكريات لاتموت بل تميت
سحبت نفس بقوه
واحس نار بصدري
وجع بروحي
صعب ان اوصف المتاهه
اللي وقعت بيهه
انا الان ماافهم
وهم وين
الفيديو الشفته حقيقي؟
وهم خاينه!
ليش تركتني
وهي تعرف ان اني اتحطم بدونهه
كاعد امام الشط
صافن
والدموع محبوسه بعيوني
ع مدى سنه ونص
وانا عايش بدوامه
شي بداخلي يكول وهم مظلومه
الفديو عدته الف مره
وهم موصاحيه!
رغم اعتراف سحر ضد وهم
وهديل اللي تكلمت عن شكوكهه
ووليد اللي ايد هالشي
اني مامصدك
وهم تستحي تباوع ع احد
شلوون صار هالشي
غمضت عيوني
واني اتذكر
وشريط الذاكره يعاااد
رجعت للبيت
والفون متصلح
وهم ماكو
واني خايف افتحه
خايف انصدم
فتحت الفون
وكل ضني وهم بالدوام
وصدمتي كانت من شفت رسائل التهديد
والفيديو
احس اعصابي صارت ترجف
والغضب تجمع بداخلي
موشرط وهم تكون خاينه
مجرد مالمس وجهه شخص غيري
متت
مااتحمل
غيرتي متتحمل
بديت اكسر بالاغراض
وادور ع وهم
بس كانت ماكو
روحي احتركت من عرفت ان وهم
انهزمت!
جدو صار يحقق ويسأل
واني احس حيلي مهدوم
للان اذكر
وكفة سحر
وشكلهه مقهوره
وكالت
YOU ARE READING
متاهة وهم الحب(خذلان)
Romanceللكاتبة غدير الحيدري اراك كما رأيت النجم لامعا علام لماعك قد زال بقربي اراك قمر ليلي وامسيتي لما جرأت بك الايام على تعبي لما حاطت بك الاوهام تاركني كوهم زائلا في متاهة الغضب اصعب شيئ ان اواجه قوتك بمخاوفي كنت حبيبي لو لا الايااااام! متاهه انا بك
بارت 24
Start from the beginning
