قلب أرهقته الحياة.............. الفصل التاسع عشر
وقف يتابعها وهى تتجول فى الشقة التى ستقضي فيها أيام سجنها لحين أن يأخذ منها طفلها ،
كانت شقة راقية ، تتكون من 4 غرف وصالتين وثلاث حمامات ومطبخ مفتوح على صالة منهما ،
دخلت غرفة النوم الرئيسية ، فوجئت بوجود حقائبها أمامها على الأرض ، ابتسمت واتجهت للشرفة ، فتحتها ووقفت أمامها ، اجمل ما فى هذا المكان هو كثرة المساحات الخضراء فيه ، تكاد تكون أكثر من المبانى نفسها ،
دخل خلفها بدقائق ، وجدها تقف فى الشرفة ، رغم انتباهها لدخوله لكنها أم تلتفت له ، اقترب منها وهو يسأل
..عجبتك ؟
... ولا معجبتنيش ، هتفرق ايه ؟
...بلاش كدة ، ارجوكى ياهدى ...
..ممكن تسيبنى اغير هدومى ...
...ممكن طبعا ، انا اصلا خارج ...
عندما وصل للباب استدار لها
...بلاش تحاولى تخرجى ياهدى ، فى برة اللى هيمنعك ...
...كمان عاملين عليا حراسة ...
...مهو مش هيسيبهالك مفتوحة كدة ، ولا كان هيوافق انك تعيشى لوحدك كدة إلا بشروط ...
...تصدق عندك حق ... قالتها بسخرية
...الدفتر ده فى أرقام السوبر ماركت والصيدلية وأسماء وأرقام مطاعم كتير ، وفى فلوس فى الدرج ده ، اطلبى اللى انتى عايزاه ، يجيلك لحد هنا ...
..شكرا ...
تركها وخرج ، ثم سمعت صفعة الباب الخارجى ، جلست على الأرض لا تصدق ما وصل إليه حالها ، لو سمعت كلام أمها وما تركت البلد ، لما آل الحال لما عليه الآن .
سندت رأسها للحائط ، هى حقا تحتاج لتتحدث ، لتخرج كم الشحنة التى بداخلها فى الحديث لأحدهم ، لكن من ستتحدث إليه فى هذه الوحدة القاتلة ،،،،منى ،،،،
وبدأت محاولات الاتصال بها .
***********************
بعدما قصت عليها ما حدث لأكثر من ساعة
.... طيب الشرط الأولانى ومقبول ومفهوم ، طيب والتانى، ايه اللى خلاكى تقررى أن الموضوع ده يتم المعاشرة، ليه ميكونش زرع وتكون البويضة منها فعلا ...
...كان لازم يامنى ، مينفعش غير كدة ، انا مش هقطع ابنى ويقضى طول حياته مقسوم اتنين وميعرفش مين أمه ، لازم يكون له أم واحدة حتى لو مش هى اللى فى شهادة ميلاده ، مسيره يوم هيعرفنى ، وهيجيلى ، قلبى حاسس بكدة ...
...يانهار ابيض ، ياهدى ، حرام عليكى تعيشى كل ده لوحدك ، كنتى قلتلنا . ...
...ولو قلت ، هتعملولى ايه ، لا انتى ولا أمى ولا اخواتى ، ولا عندى أى حد يقدر يعملى أى حاجة ، يعنى وحيدة من يومى زى ما بيقولوا ، وضعيفة ، يقدروا يضيعونى فى اى لحظة ، وكانوا هيعملوها، لولا وافقت . ..
أنت تقرأ
قلب ارهقته الحياة " هناء النمر "
General Fictionقد تحتوى على بعض الالفاظ الجريئة عندما تضغط عليك الحياة ، فماذا تقول ...حظ سيئ تخيل أن يستمر هذا طوال الوقت ، فماذا تقول هدى فتاة عادية ، بل أقل من العادية ، تخيلت فى البداية أن ما يحدث لها مجرد صدف ، لكن مع الوقت أيقنت أنها سيئة الحظ فى ا...
