بعض ضغوطات الحياة تجعل منا اُناساً تافهين...
سارة... عشت وحدي واني اعنيهة وحدي بالبيت لمدة شهر خواتي اجني
على كد الفاتحه وراحن حتى مسألن عليه خالاتي بس واسني وراحن بس
عمي ومرت عمي وبنات عمي دائماً يجوني ميكدرون ياخذوني لحد
ميكعدون عمامي كلهم وانشوف الوصيه المن تصير واني متأكدة حياخذني
عمي الصغير مابيهة مجال باجر حيكعدون اوووف بقيت بلا عائله لااخ
يسندي ولااخت تسأل عليه ولا اب يحظني ولا ام تحن عليه...
ثاني يوم كعدت الصبح لكيت مرت عمي جايه عليه تاخذني البيتهم لان
الكعدة حتصير ببيتهم بدلت لبست جينز وبدي اسود ويلك اسود شعري
كعكة سويته ولبست حذائي وكالت ببيتهم نتريك بناتهة منتظراتني هي عدهة
٥بنات اثنين توأم مالتي نفس العمر اني وياهن ونفس اليوم لان اني من
جيت عساس هي متجيب وعمليتهة صعبه بنفس الوقت اللي خابروا عمي
كللولهة اجيت هي ولدت بسهوله فعتبرني حظ اله بس امي لان جانت
متوقعتني ولد ولان من ولدت شالتني جدتي وزلكت وماتت حسب ماحجولي فاعتبرني اني مموتتهة بس جان عمري ساعه بس ساعه شعليه صح جانت
بعدهي بحيلهة ومو ذاك الكبر بس اني معليه بس منو يسمع كلهة مطيه الاذن الطرشه عقلهم صغير والله ...
طلعت من البيت طبعا عرضنا للايجار هو وغراضه بس اههدوم اهلي اتبرعت بيهم للفقراء والمحتاجين
طلعنه وصلنه للسوبر ماركت مرت عمي كالت حفوت اخذ كم شي واطلع ابقي واكفه هنا كتلهة تماام
فاتت وواكفه اني اباوع عليهة وجانت اتذكر الشوارع فارغه محد بيهة حسيت واحد حط ايدة على حلكي شفته بانعكاس الجامه مال محل ظربته
على بطنه وراهة ظربته راشدي
سارة... انته شنوو متستحي تفووو عليك وعلى تربيتك
صقر.. لج هااي عليمن لج اسواج واسوة عشيرتج اني صقر ال... شلون تحجين هيج
جرني من شعري ولزم حلكي
مرت عمي طلعت وصاحت طلع ابو السوبر ماركت صقر هرب واني بديت ابجي حظنتني مرت عمي وكامت تهدي بيهة
مرت عمي... لتخافين مصار شي مصار شي اني موجودة بس حبيبتي بس يله مسحي دموعج....
رحنه للبيت وصلنه استقبلني بنات عمي وكعدنه نتريك ونضحك وراهة كمت
ساعدت البنات بالتتظيف عدلنه الاستقبال وتصدكون اني كلش متوترة كلش
مااعرف مصيري لان الافكار الي جتتي كلهة انو عمامي الباقين طماعنين
بيه خفت كلش بس بنات عمي هدني وكالوا انو ابوهن كاليللهم انو متصير يم احد غيرة هذا نوعاً ما هدأني....
للحكايه بقية..
انزل بعد على التفاعل من ماكو تفاعل ماانزل كتلكم اني انو القصه كامله بس انزل على التفاعل حبكم😍💗
